محتار بين سياراتين

الباجيرو اذا تدور الراحه ابعد صراحه 
لانه البودي ملتحم ببعضه بس هذا الشي مفيد جدا جدا بالامان لكن مقرف وقت المطبات فقط والكرف للباجيرو طبعا بس قطع الغيار لك عليها غاليه شوي لو اشور عليك تدورلك جكسار صرفيه حلوه ويكرف كرف الويل

الجكسار مشكلته  غالي  كم يسوي  موديل  2004  او 2005  كذا

انحش عن الاارمادا لاتقربه اذكر واحد خرب القير عنده
وطلع تصليحة غالي باالحيل
اما الباجيرو مدري عنه بس يقولون قطع غيارة صعب
تحصله بكل مكان
دور لك فور شنر او برادو 

لا تسمع الا كلام مجربين نصيحه بعض ناس ماعنده سالفه السياره ماهي معه ويطلع عليها عيوب
معي ارمادا 2006 واخر وما قد غيرت غير دينمو وثلاجه والباقي استهلاكيات فقط لا خرب علي قير ولا ضربت علي مكينه ولا حاجه الحمد الله وشكرا 

تصدق اني اكتشفت قطع هيونداي هي قطع باجيرو

اخوي معه هيونداي تريكان وهو جيب قطعه زي الباجيرو بظبط

الزبدة لمى اخذ القطعه من المجدوعي القاها رخيصه بس اختها من الحمراني ثلاث اضعاف السعر !

وعلفكرة مستوبيشي وهيوندداي قبل شراكتهم واسعه وقوية بس بالاونة الاخيره هيونداي تركت متسوبيشي وحاليا
متسوبيشي تتخبط بالمبيعات الضعبفة والتصاميم المعوقة حتى نيسان حاولت تساعد متسوبيشي

بطرح سياره تصميمها زي انفنتي q50=مكسيما الفخمة, بس بعلامة متسوبيشي للسوق الياباني وممانجحت

 مشكورين   يا اخوان    اخوي شقة تمليك    بسالك كيف  صرفيته البنزين

كم فله  كم يمشيك عادي اعبيه 91 صرتحة النفسية جاية  ع الارمادا اكثر 

الارمادا مكينته ثمان سلندر حجم 5600
صحيح التانكي كبير لكن بيصرف بالمشاوير و مع السرعة على الخطوط
الباجيرو تقارنه بصرفية الباثفندر و ان كانوا كلهم حول بعض
الاثنين حد التانكي 400 او 500 كم و الصرفيه حسب السرعة و التحميل

يعني   ابغا اعرف فله كم وكم يمشيني     

والله يشرب بانزين شرب الويل 
ماقد عبيته فل مع سعر الجديد بس اول فله 95 ب 55 ريال تقريبا
الحين اعبيه 95 .. 15 ريال اروح مشوار ورجع البيت وتخلص ال15 

يارجل الارمادا ممتاز لكن يشرب بنزين تقول قربه مخرومه

تبي نصيحة اخوووك اللي يحبك
 انت اخترت مواتر دبل جيووب
واكيد رغبتك فيها 
واخترت مديلات قديمه  لان ميزانيتك شويه
نصيحة لوجه الله 
الباجيرو  والارمادا
ماجربتها والله يبعدني عنها
هذي ماهي منتشره  وشوف اسعارها طايحه ولا لها رغبه
 نصيحة شووف لك فورتشنر نظيف 6 سرندل تماتيك دبل 
والله ان تدعي لي موتر صلب كفو قوي قليل الاعطال او نادر الاعطال 
مايعرف كهرب ولاكمبيوتر
جربته2006. 3 سنوات
كفوووو
كفوووووو
اهم شي6 سرندل تماتيك دبل
بتحصل 2011 ممكن ب60
ابعد عن الموتر النادره اللي مالها عرررف
الفورتشنر
مراتبه قاسيه
الراحه والرساوه شوي
لاكن موتر كفوو

اخوي  خالد  انت جبتها عالجرح    انا معي بليزر الحين اقلك  يقعد في الصناعية اكثر مايقعد عندي 

والفورشنر كان مع خووي ماش ماخش مزاجي    عزمه نايم   وموب راسي  

ف  ابغا نصيحتكم    بشي كويس لوفيه  ونستفيد من خبراكم 

هذي المشكله موتر يعرفك ع الورش ونصب الكهربائيه
غير القلق والامراض النفسيه والخساير
مافيه شي كامل 
تبي راحه ضح تحمل الاعطال
تبي موتر صلب قاسي ينسيك الورشه ويعزك ويمسك جيبك من الصرف
تحمل عدم الراحه
الجيوووب  اذا قريشاتك ماهي واجد
طق فورتشنررر
وابسط
تصدق اخوي
كان يبي جيب جكسارب118.   2010
قلت  طق فورتشنر وكاله ع يدك 2015 فل كامل ب115
قالي لا ابي جكسار مابقى الا فورتشنر اخذه
وياخذ جكسار ويطلع مكروف ومبوش المكينه ويبيعه بخسارة10 الاف خلال اسبوع واحد فقط
المهم موووفق اخوي اهم شي لاتطلع عن تويوتا