أضف سؤال أو موضوع جديد          

الزيت هذا نشبه

up 4 down 3
فيصل المغيري 561
قبل 5 سنه و 10 شهر



السلام عليكم ورحمة الله وبركاتة .. اول شي يا اخوان ادري ان سالفة الزيت هذا راحت قروشه في المنتدى وترددت لا انزله . وقلت بما اني جالس بسئل والله يعين ..يا اخوان عندي ددسن ٢٠٠٩ ما مشى واجد وكنت استخدم زيت بترومين ٢٠_٥٠ والصراحه ما لاحظت عليه شي  .. بس قريت هنا انه ثقيل والخفيف احسن . وقلت ياولد خلني بجرب وبشوف الخفيف .. واغير بترومين الأبيض ١٠_٣٠ .. واليوم اعايره ماشي ٢٠٠٠ ولونه مسود واللزوجه خفيفه .. وابي شوركم ياشباب ارجع لثقيل ولا اغير لزوجه اخف  انا مفكر اللحين اغيره الى بترومين ٥_٣٠ الذهبي التخليقي كامل .وشرايكم ...؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ددسني غماره 14 .. سنه ونص اغير 20w50 جيتي .. والله المكينه ثقيله وتقول كحة حصان تشغيلته 

واول ما اشغل الموتر يطلق طقطقه تقل ديزل .. وقريت كتلوج الموتر 

مكنوب 5w30 افضل ويقتصد بالوقود .. وافتح الكتبوج تلقى كلامي .. 

مير زبط مونرك لا تطيح باللي طحت به .. وتقول قلب اسود .. لانه نظف الوصخ انت ماعليك من اللون 


up 1 down 1
سبحان الله العظيمم1 52
قبل 5 سنه و 10 شهر



سبحان الله .. يعني تنصحني اغير ٥_٣٠ ؟


up 0 down 0
فيصل المغيري 561
قبل 5 سنه و 10 شهر



ماانصحك تغير لزوجه أخف
الزوجه الخفيفه 10w30 او 5w30

للسيارات الجديده واللي ماتعدا ممشاها 100 الف

أما تكون مستخدم 20w50 وتقلب خفيف 10w30

هاذي الطريقه تدمير لللمكينه واكبر  غلط 

لي الاسف اغلب. أعضاء المنتدي مالهم خبره
لا في الزيوت ولا في العطال


بخصوص اللي يقول 20w50 

يخرب طرمبه الزيت كلامه غلط 

اغلب زيوت السيارات زمان 20w50
وكانت من اجمل مايمكن

الزوجه الخفيفه للسيارات الجديده فقط 


انصحك تغير لزوجه 20w50 
زيت قلف اسبيشل الذهبي 20w50
او نرجع لي بترومين 20w50

سيارتك ماشيه كثير وتحتاج زيت ثقيل ومناسب لوضعها


up 9 down 19
الـتاجر الـكبير 726
قبل 5 سنه و 10 شهر



التاجر شكلك راعي ورشه وتبي تكسب زباين .. 

يارجل افتح الكتالووج وتقرا بعينك .. الزيت الثقيل يخرب الطرمبه من تجربه .. ويخرب صوت المكينه 
عب 5w30 وشف موترك شلون تخف دعسته وصوت مكينته .. 
انا اتكلم من تجربه .. واسال غيري وتشزف كلامي .. اللي فوقي يهايط من راسه


up 9 down 10
سبحان الله العظيمم1 52
قبل 5 سنه و 10 شهر



التاجر الكبير .. سيارتي ما مشت واجد ماشيه ٥٣ 


up 2 down 0
فيصل المغيري 561
قبل 5 سنه و 10 شهر



الأخ اللي يقول فاتح ورشه ومدري إيش الله يسامحك

ياحبيبي لمن تكون مستخدم زيت ثقيل 
لمده طويله وتغير بزيت خفيف هاذي تدمر المدينه 

يافيصل مادام سيارتك ماشيه 53 الف 

انصحك بزيت موتر كرافت 10w30 

في الموضوع ذكرت أن السياره ماشيه كثير
فتوقعت تكون ماشيه فوق 200 الف 

اشان كذا نصحتك لاتغير الزيت الخفيف 




up 4 down 4
الـتاجر الـكبير 726
قبل 5 سنه و 10 شهر



اخوي فيصل... 
افتح الكبوت وشوف رقم الزيت اللي على غطا الزيت... 
حط نفس النوع وابشر بمكينه تبيض الوجه. 


up 1 down 0
sehly11 648
قبل 5 سنه و 10 شهر




هل هناك دليل انه اذا السياره ماشيه اكثر من 200 الف لابد من زيت ثقيل ام مجرد اقتراحات ؟
لأني بحثت في كاتلوج السياره ولم اجد هذه المعلومه !


up 1 down 1
ابو عبدالله الطائفي1 230
قبل 5 سنه و 10 شهر



يا التاجر الكبير معليش بس انت غلطان 
مالها شغل سالفة التعود ما التعود مرره 
الافلانش حق الوالد كان يستخدم سوبرجي تي الثقيل 20w50 
وجلس فترة طويلة عليه مشي عليه حق 200 الف بعدها نصحته ابعد عنه وغير للزوجة اخف المهم جلس يطقطق علي
بعدها بفترة طرومبة الزيت ضربت وسببت له مشاكل في السيارة 
وراح وغيرها وحط زيت 10w30  وسمع كلامي 
والافلانش الان قريب يوصل 500 الف عسا الله يبارك له 
ولا صار شي في المكينة بالعكس حتى صوت التكايات خف كثيييير 
ولا اول الصوت واضح 
واحدمن الشباب معاه النترا وكان يحط الثقيل ونصحته يحط الخفيف 
ويغير للزيت الثقيل الين ما السيارة مشت 200 الف وبعدها غير للخفيف 
والسيارة زي اللوز بالعكس حتى تشغيلتها وقومتها صارت افضل بكثييير جدا 

الي اقصده ان سالفة المكينة تعودت ما تعودت كلام فااضي 
وسالفة انك بعد 100 الف مدري 200 الف تحط ثقيل كلام مرررة فااضي 



up 9 down 4
ms3al 1783
قبل 5 سنه و 10 شهر



يالغالي افتح الكاتلوج وافتح اللي تبي تفتح واسال اللي تبي تسال 

افضل زيت 5w30 لكن مشكتله غالي العلبه ب 30 ريال .. 

اذا كلامي غلط ي رجل ب حق


up 2 down 1
سبحان الله العظيمم1 52
قبل 5 سنه و 10 شهر



سعر زيت بترومين 5w30  اخذه من الجمله ب23 ب30 غالي وانت ياصاحب الموضوع الله ييسرلك انا عنيدي هلي واعبي 0w40 بس غالي ب40 وسلامتكم


up 1 down 0
walleed711 65
قبل 5 سنه و 10 شهر



معي ددسن 2003 ماشي 180 الف وعلى بترومين 50-20 وكل 2500 او 3000 اغيرزيت بسيفون نصيحة ارجع لزيتك الاول او 30-10 بترومين وكل تغييرة بسيفونها اهم شي انتبه من النقص على السرعات العاليه ترى الفرق كل ما خف الزيت  ينتشر في المكينه اسرع  اقل من هاللزوجتين لاتحط انتبه جربت الكاسترول يحترق بسرعه وينقص تيتان اوسوبرجي تي ثقيل مرة بترومين ممتاز بشهادة الجميع موترك 2009 وارد اليابان الدداسن الجديدة مثل القديمه مالي علم زميلي معه 14 على الزيت الثقيل بترومين ولافيه الا العافيه ماشي 100 الف 


up 0 down 1
بريق الرياض 258
قبل 5 سنه و 10 شهر



اوافق الاخوان بالرأي

لان حتى سيارتي اول ما شريتها كانت ماشية حول 90 الف

وراعيها يحط لها زيت تويوتا الثقيل 50w20 

غيرته لكاسترول 30w10

والامور تمام الحمد لله 


up 0 down 0
abomesal 1038
قبل 5 سنه و 10 شهر



اخوي فيصل المغيري من النهاية 
اي زيت لزوجته ٥٠-٢٠ ماينصح فيه ابدا !!! 

الزيوت الخفيفه افضل الزيوت بشكل عام
 من ناحية الانتشار عند التشغيل واللزوجة في الحراره العاليه 
وفي التبخر وخااااصه الزيوت التخليقيه والنصف التخليقيه !!
( اضغط على اسمي وبتلقى موضوع دراسة عن الزيوت بالارقام)

ومن ناحية الددسن مكتوب في الكتلوج يفضل استخدام ٣٠-٥ 
وفي صفحه اخرى مكتوب الزيت الموصى ٣٠-٥ !! 
وعلى فكره مافيه فرق كبير بين ٣٠-٥ و ٣٠-١٠ نفس بعض 
والاول( ٣٠-٥ ) افضل بفارق بسيط 

والله يوفقك 
على فكرة عندي ددسن وكنت اغير كاسترول ٣٠-١٠ وغيرته بعدها
بـ ٣٠-١٠ موتر كرافت وافضل من كاسترول الدعايات !!!
وحاليا غيرت الى ٣٠-٥ موتر كرافت ولا فيه اي مشكله واصلا 
ماحسيت بفارق كبير عن اللي قبله لكن الله يكتب اللي فيه 
خير لي ولك والله يوفقك



up 0 down 0
عبدالله 711 791
قبل 5 سنه و 10 شهر



كنكم مزودينها حبتين 
معايا كامري 15 على يدي اصفار من يوم طلعتها من الوكاله
وانا اغير اي زيت 20/50 الى اللحين ماشيه 75000 الحمد لله مافيه شي 
وعلى فكره قد خلطت نوعين زيت ومافي اي مشكله ومااغيره اﻻبعد 4500 او5000
راعي خطوط مشواري مايقل عن 1400 كيلو
انتبهوا من الاهتمام الزايد كل شوي فك الصره قفل الصره غير الفلتر صك الفلتر 
في الختام كل سياره لها كتلوج اذا مانت فاهم شي صفط تحت اقرب شجره واقرا
سلام


up 2 down 1
ابوسما9999 155
قبل 5 سنه و 10 شهر



خليك على بترومين 50w20 جربت زيوت كثير 
ماشفت افضل منه خصوصا لسيارات مثل الددسن مكينة 
حديد والاحتكاك عالي خليك عليه  



up 0 down 1
ابو صياف 82
قبل 5 سنه و 10 شهر



اقسم بالله مافي مثل الزيت الثقيل 20w50 .. كرهت الزيت الخفيف 5W30 من يوم راحت عليا المكينة .. الزيت الخفيف مثله مثل الموية وحرام يتسمى زيت وخصوصا الزق 5W30 ..


up 0 down 1
ولد جلال 12
قبل 3 سنه و 8 شهر



5w30 مافيه لزوجة تسبب في افساد 3 مكاين معي


up 0 down 0
متعب 7673
قبل 2 سنه و 7 شهر



50.20 ممتاز اقل من كذا مويه يسبب احتكاك


up 0 down 0
kkaa6041 -1
قبل 2 سنه