أضف سؤال أو موضوع جديد          

سؤال بخصوص كفرات الفتك

up 2 down 4
yasserbenghsab 399
قبل 5 سنه و 3 شهر



بسم الله الرحمن الرحيم 
السلام عليكم ورحمة الله 

استفسر اليوم عن افضل كفرات للفتك مقاس 275/70R16 114H
طبيعة الاستخدام هي :
في الغالب في البايكة يتحرك من اجل السفريات او البر ( صخور - جنوب المملكة )
استخدام شايب اطال الله في عمره
-------------------------------------------------------------
سؤال اخر / ماهي كفرات البوالين وهل تنفع للصخور والسفريات ؟
وماهي انواعها وكل شيء عنها 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 
الافضل 
يا برجستون
او دنلوب
اما البالون , فهي انواع واشكال, واذا ما تعرف طريقة استخدام كفرات البالون , ما انصحك
اذا السيارة عندك فيها نظام الفرامل ABS هنا لازم , تفك فيوز النظام داخل السيارة ,لانه بالون ونظام ما تجتمع
كذلك او ما يهطل المطر لازم تكون حذر , با القيادة , وهنا كانك تقود سيارة بدون فرامل , وبعد ما يبتل الازسفلت هنا ما عندك مشكله واصبح زي الكفر العادي
والبالون اصلا مخصص للحجر والجبال 
وميزته ان السيارة بالبر ما تتفكك , والميزة الاخرى راحه لا ابعد درجه 
لكن اذا نويت تدخل منطقه حجريه  او شعيب, لازم تضع الهواء من 18 الى 20 , ولو زاد الهواء عن ذلك توقع البنشر في اي وقت , 
اما في المناطق العاديه , لو اردت السرعه والطرد ومره يمين ومره يسار وعلى سرعتك ,فهنا كن حذراا , فهنا يفسخ الكفرات ويحدث ما يحمد عقباه لا قدر الله 
اذا تبغى تطرد لازم الهواء يكون 30 , مشي عادي كما ذكرت لك اعلاه ,
واذا وضعت الهواء مثلا 20 او اقل , امش مع اي مكان  وعلى سرعتك ولا تناظر قدام ولا تخاف من حجر وغيره ,
طبعا البالون على اسمة , مصنوع من بالون خالص , ولايوجد فيه خيوط او اسيام مثل الكفر العادي 
واذا تبغى تستخدمه كا احتياط اشتر رقع تيوبلس وما طور هواء , وبكذا اضمن لك ما راح تفك الاسبير ابداا
طبعا الافضل , ماكسس ابو جمل , وسعره من 380 الى 400 ريال 
وكلامي اعلاه من تجربه اكثر من 20 سنه بالبالون وجميع سياراتي عليها بالون 
واخيرا الله يخلي لك الشايب ويطول بعمره على العمل الصالح والعافيه  ومن يقراء 



up 1 down 0
ابونادر4647 285
قبل 5 سنه و 3 شهر