اخواني الكرام ابغى رأيكم في نيسان مكسيما

عليكم السلام
حصلت وحده نظيفة واتصلت بميكانيكي وسالته وقال انحش عنها
وانت انحش عنها
وباالتوفيق

والله السياره هاذي حقت ورشه وكهرباء وقطع غاليه لكن حتي الكهربائي يشوفها يقول مكسما. مافيه شغل

شخصيا جربت مكسيما 2011 مع احد اخوياي مده اسبوع ( كنت معطيه موتري وقلت باخذ حقك)

صراحة رساوة وعزم مافي اطلق منهم بفئتهم , امشى 200 مثبت الدركسون باصبعع 
من ناحية مشاكل الي ييقولون حراره والخ, انا لاحظت فيها انك اذا دعست وقعدت كل شوي تسرع وتفرمل
بترتفع الحراره والحقيقة المكس صارت فخمة ماعادت هي الي نذكرها

الحقيقة فكرت فيها بس بسبب قيرCVT بروح لاختها انفنتي Q50, فخمة وقطعها قطع مكس 

اما بنسبة ل 2004 بقولك شي واحد واللبيب بالاشاره يفهم, سبب انتشار تويوتا هو نيسان 
لو ان الي مسك سوقنا سوبارو ولا مستوبيشي كان تويوتا نسمع فيها ومانشوفها

انحش من القير CVT هذا القير فيه حساس اذا وصلت الحراره فوق المسموح ويرجع يشتغل بعد ما تنزل الحراره وهذي الحاله ما تصير داخل المدن لاكن اذا مسكت خط تصير معاك اذا كنت مسرع , يعني ان دعست في الصيف القير بيقعد شغال عالحفه 100 وهذا سبب ان اسعارها مستعمله طايحه
اتكلم عن تجربه التما 2012 اخذتها وسافرت وفي الظهر امشي 180 كل شوي يفصل علي

الله من الجهل المركب في اصحاب الردود
مكسيما 2004 قيرها ماهو cvt 
قيرها نفس باقي السيارات (تبديل)

المكسيما معروفه طيااااااااره
لكن 2004 راح عليها 12 سنه
وصعب تلاقي شي نظيف

لكن اذا لقيت نظيف وممشاها تحت 200 الف
ولا جاها صدوم قويه ، خذها
اما اذا عكس كذا فما انصحك فيها
لان خرباته نوعا ما كثيره وغير معروفه

ومن ناحية قير cvt من بعد تجربه من افضل القيور
وتشوفون اذا ما صارت اغلب السيارات نفس هالقير
تذكروا كلامي بعد 5 سنين

احسب قصدك 2014

طب انا ادور وحدة مثلها وانتم تستعبطون تعيبون فيها على اساس قلتوا الكلام ذا

اللي ردو ما جربوها مجرد سمعو واول رد خير مثال يقلك المكانيكي قله انحش عنها هذا سباك مو مكانيكي المكسما افضل ما صنعت نيسان ولو تجرب ال 2004 فل اوبشن قير اوتو بتحس كانك راكب الماني من الراحة والرساوة وبرودة المكيف اتحدى اذا في سيارة تنافس المكسما عندي مكسيما 97 نص فل كارفها كرف وشغالة كانها جديدة ولا قيد خذلتني وعندي سيارة 2012 والله ان استخدم المكسما اكثر لان مريحة جدا وراسية خلاصة الكلام اذا بتاخذ مكس خذ فل اوبشن ونظيفة وبتعرف معنى كلامي واترك عنك كلام الناس اللي اغلبه سلبي