استفسار عن الددسن

نعم صبوووره وقويه واظن والكل يعرف ها الشي !. اسعارها غماره فل ب ٥٢ 

الددسن اسال عنها الشيبان بس يسووها بنتلي هههه 

هي تكد و تكرف و ارخص من الهايلكس و اذا ناوي تكرفها ما يختاج تشتري فل و الفل زيادة كهرب فيها علی الفاضي 

لقيتها في الدمام ب 59 الف اذا احد يخبر لي اقل من السعر هاذا ياليت تدلوني حتى لو بالرياض

ممتازةً جدا بس لاتفك الفصلة وكد ومد
باالتوفيق

وعليكم السلام ورحمة الله وبركاته
والله الددسن الجديد ما عاد هي مثل اول
من ناحية الجوده والكرف

اول شي مكاينها الجديده تنقص شد بلد
يعني اول ما تطلعها من الوكاله تنقص على 4000 الاف كيلو علبه
ثم تزيد على شوي شوي
واحد من الشباب موتره 2013 ماشي 90 الف ينقص كل 1000 كيلو علبه ووضب مكينته
طبعا نقص الزيت معروف عند اصحاب الدداسن
واعرف كذا واحد وضب مكينته والسبب نقص الزيت ولا زاده

ابو ناصر بالنسبه لنقص الزيت عادي انا معي التيما ٢٠١٤ سته سلندر 
وينقص زيتها مثل ماتقول تقريبا على ٤٠٠٠ كيلو  وتوها مامشت ٢٠ الف 
ولي موضوع بالمنتدى كاتبه اول ماخذتها والحمد لله ماشيه واتوقع اغلب 
سيارات نيسان تنقص زيت 

وللعلم ماذكر عديت ١٦٠

كيف عادي ؟
موتر ينقص زيت وهو توه جديد
بعدين سالفة ان موترك ينقص يعتبر ايضا عيب
عندنا هايلكس 2012 نمشي على الزيت 7000 الاف ولا ينقص
بعدين كل المواتر ما تنقص ما ينقص الا الددسن فهذا يعتبر عيب فيها

أنا معي 2015 ددسن ومشيت عليها 6000 منها سفرتين 1400كيلو وعلى180 أغلب الوقت والحمدلله مانقصت ولاتغير اللون