محتار بين الددسن والنافارا . ما الأفضل ؟

من تجربتي للنافارا افيدك بالتالي
1- عزم مقبول و الغير 6 سرعات طبعا اتكلم عن الغير العادي ما جربت الاوتوماتيك
2- الصرفية عالية عند السرعات العالية مثل كل السيارات
3- العزل جيد جدا
4- المكيف عند الوقوف ما يبرد بشكل جيد
5- الراحة أفضل من الددسن 
6- الوسع ما شاء الله واسع و أفضل من الددسن
7- تحتاج صيانة دورية بشكل منتظم و ما تتحمل اهمال او تسحب عليها زيادة

الصيانة الدورة عند الوكيل ؟
وهل هي تبع الضمان ولا ادفع عليها ؟

من استلمت السيارة ما رحت الوكالة للصيانة ابدا
كل الصيانات برا الوكالة و اللي استلمها من بعدي يمدح فيها للحين
لكن القطع يفضل تجيبها من الوكيل

تقصد بالصيانة الدورية تغيير الزيت والفحمات يعني بالمختصر القطع الاستهلاكية
وكيف اسعار القطع هل هي مرتفعة ولا حول الهايلوكس ؟

اذا انت تبي موتر شغل وامش خذ الددسن 

والنفارا لازم تعتني فيها شوي وميزتها مريحه ووسيعه

الددسن ميزته قوي وقليله مشاكله وكلن يعرفله 

فادوك الاخوان وازيد على كلامهم الددسن يمسك سعرة عند البيع .. النافارا تطيح قيمتة .. فلو كنت بتبيع قريب خذ ددسن
ولاتدور راحة في سيارات البك اب

الافضل اذا ناوي جديد تنتظر وصول النافارا الجديد
و تقارن بين مواصفاته و مواصفات الهايلكس الجديد
اما بالنسبة للمستعمل حسب النظافه و ان كنت ارجح النافارا
لانه اريح مركب و قير عادي اقوى عزم من الددسن و لا فيه حنه 
و لا عليك من مشاكل الحرارة لانه نفس مكينة الالتيما 2.5
و الحرارة ثابتة على الربع ما تزيد حتى لو مشغل المكيف بعز الصيف

والله كل المواتر جربتهن 

اذا تبي موتر تحميل وتطلع عليه البر دايم خذ ددسن 

لان النافارا ف البر تغشك قشرا واذا علقت بتغريز ماعاد تطلع

أنا أرشح لك النافارا وبقوة 

لا تنسى شكل عصري وواسعة ومرتفعة وفي الخط أريح ونيت 

أما التحميل لا تصدق إلي يقولون ما تتحمل ، أحد الاخوان إلي أعرفه محمل في سيارته نافارا 2014 حاشي وماشي 

على السيارة من جازان إلى أبها ولا فيها أي مشكلة والسيارة ثابتة . 

خذ ببالك لو خرب كمبيوترها بتوقفها عند البيت خمس شهور 
ّمالها قطع منتشره والكمبيوتر طلبيه 

و الدقمه ب 800 تشليح يادوب لقينا بعد انا ارشح تاخذ تاخذ هايلكس او ددسن كمجرب 

ددسن طبعا موتر اكرفه لين بكرا مايقول شي النافارا مايمدحونها خراباتها واجد وما احد يعرف يشتغله 

أشغلتونا يا أصحاب الددسن بمدحكم المفرط للدسن 

ما أدري أيش فيها شيء مميز ، ما خلا سوقها يمشي إلا سعرها ، كذلك لا تنسون تصميم قديم صندوقي وكلاسيكي مضى عليه

أكثر من عشرين من سنة ، أنا ما أتكلم عن الشكل والجيل الحالي ، لكن تصميم الغمارة قديم جداً من موديل 86 وهي 

نفس الأبعاد ونفس قاعدة العجلات بدون تغيير ، الضيق الداخلي سلبية كبيرة ، يعني الركاب فيها ما رايحين ياخذون راحتهم 

بالجلوس تقول انك جالس في قفص ، والمشكلة الأكبر لما يكون الركاب طوال القامة مستحيل تستوعبهم ، تصلح فقط لركوب 

الأطفال الصغار ، النافارا بجميع مقاييس الأبعاد تتفوق تفوق مطلق على الددسن وما فيه وجه للمقارنة ، وسع في الداخلية 

ارتفاع عن الأرض الصندوق أكبر المتانة أمتن ، لكن الي يتكلمون عن القطع وأنها غير متشرة أو متوفرة فلديك الوكيل ملزم 

بتوفير القطع ، والقطعة إلي ما يأمنها لك خلال مدة معينة من حقك تشتكي عليه وزارة التجارة ، والله أعلم . 

ما ناخذ الددسن عشان شكل ولا راحتي 

الدسسن لو مافيه خير ماحبوه الشيبان سياره من يوم تطلعها من وكالتها 
وهي ماخربت 
اعتماديه اما النفارا تغرز بسرعه وبايخه 

ترا معنا نافارا وعايفينها 

وبعدين  احنا فاضين نروح تشتكي وزاره التجاره 

الدسسسن اكثر سياره من نيسان موفرين قطعها بكل مكان 
اددسن سياره مكده
انت اعطي نافارتك سنه بس يجي الصيف
تجي تسبها هنا واذكرك 

ابعد عنها النافارا حتا شكلها غير مقبول 
الددسن ولا هايلوكس 
ولا تنسا الاستخاره

انا مجرب الاثنين ياخوي
النافارا ازين من ناحية الوسع والراحه والعزم وعزل الهواء والرساوه 
صراحة ابدعت فيها نيسان 
اما الددسن تتقارن بالدير الصيني 

الاحظ في النافارا هو ارتفاع حرارة المحرك

خذلك ددسن وعلى مسؤليتي
كان عندي ددسن مطلعه وكاله على يدي موديل 98 له معي 19 سنه ماشي زي الحلاوه ومشيته 800000الف كيلو وبعدها عطيت اخوي الصغير وطلعت لي موديل 2016 لانها اخر دفعه في الددسن

الله يسر اموركم جميعا