أضف سؤال أو موضوع جديد          

رايكم الباثفيندر الجديد للي جربه وكم أرخص سعر ألاقيه بالرياض

up 11 down 6
سند10 1160
قبل 3 سنه و 11 شهر



السلام عليكم ورحمة الله وبركاته

داخل في راسي الباثفايندر الجديد لكن ماني عارف رايكم فيه

كنت ابحث عن يوكون 2011 وطالع ورحت للسوق ولقيت النظيف حول الميه وماشي بعد يعني ماتدري صاحبه كيف كان يعامله

وناس قالولي كبير وبيتعبك وانا ابيه داخل المدينة فقط والعائلة كلنا 5 أشخاص

قريت تعليقات الاخوان هنا ان الباثفايندر بدون دبل ستاندر حول ال 90

اعتقد انه ماهو سيارة بر عشان كذا الدبل بيزيد علي حول ال 10 الاف ولاني مستفيد منه

باعتقادي وممكن تعدلون لي اشوفه افضل واريح من كل اللي من فئته مثل سنتافي ومازدا وفورتشنر فانا اشوفه أوسع واريح اللي متخوف منه النيسان يصرف بنزين وشكله يعني مو حلو مره تقدر تقول مقبول

الخيار الثاني عندي جيب المازدا الجديد اللي بينزل معجبني لكن ماادري عن وكالتهم متى بينزلونه لكن شكله صراحه مسكت لكن محتاج سيارة

ياليت تعطوني رايكم وياليت اللي عرف ارخص معرض في الرياض فيه باثفايندر يعلمني بارك الله في أعمالكم وأعماركم












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بقولك رايي في شركة نسيان خويي معه سياره من نيسان تمام ؟ الورش اول م يشوفونه جايهم يقول هذا ماصلح روح وكاله والوكاله اسعار نااااررر ننادم انه اخذ سياره من نيسان صيانتها صعبه والله اعلم 


up 0 down 1
rraadd4 127
قبل 3 سنه و 10 شهر



روح للوكيل وخذ رخصتك معك وجرب السيارة بنفسك ولا تسمع كلام الشريطية اللي مالين المواقع الله لايكثرهم.
واذا متخوف من صيانته ..وانت بالوكاله عدي على الصيانه واسأل اي احد من الشباب السعوديين اللي شغالين هناك
 واذا فيه مشاكل تأكد انه بيقول لك عليها.

ملاحظاتي الشخصية على السيارة: الجيربوكس نوعه سي في تي CVT 
اي سيارة تحمل هذا النوع من الجيربوكس في حال خرب (لا سمح الله) واحتجت تغيره حط في حسابك انك بتدفع اقل شي 25 الف ريال قيمة الجربوكس الجديد.
او مالا يقل عن 5 الاف ريال قيمة مستخدم من التشليح.



up 0 down 1
amj966 2
قبل 3 سنه و 10 شهر