أضف سؤال أو موضوع جديد          

تجربة سريعة لتنظيف الكويلات لألتيما

up 19 down 5
مى مى 809
قبل 4 سنه و شهر



بسم الله  الرحمن  الرحيم 
حبيت  اشاركم  تجربتي  السريعة  في  تنظيف  كويلات  السيارة  بعد  الامطار  الي  رزقنا  فيها  ... 
صار  عندي  تفتفه  خفيفه  في  السيارة  تجي  وتروح  حسب  المزاج  رحت  لكذا  ميكانيكي  كل  واحد  يصرف  خراب من  كيسه  والممتاز  فيهم  يقولي  اكشف  كمبيوتر    لين  طحت  في  واحد  قاعد  يسئلني  كم  سؤال  عن  الامطار  وهل  مشيت  بالسيارة  ومدري  ايش  قلت  له  نعم  قام  كشف  علي  كم  حاجة  قلي  كل  شئ  سليم  يبيلك  بس  طقم  كويلات  الي  عندك  خربت  من  المطر  او  علي  قوله  ناويه  تخرب  فأخسن  تغيرها  
قلتله  طيب  وريني  وينها   عشان  احفظها  واجيب  زيها  راح  فك  واحد  لي ووراني  هوا  ...  بيني  وبينكم  حسيت  انه  كذاب من  كلامه  والكويل  احسه  جديد  قلتله  طيب  اللحين  اروح  اجيبها  ومن  عنده  علي  البيت  واجيب  العده  واتبع  نفس  طريقته  في  فك  الكويل  واستلمهم  كويل  كويل  تنظيف  وبخ  ببخاخ  الالكترونيات  الي  ينباع  في  ساكو   ... والحمد  لله  السيارة  اللحين  لها  يومين  زي  الحلاوة  راحت  التفتفه  وظبطت  ..  ووفرنا  حول  ال  850   ريال  مابين  اجرة  يد  وقيمة  الكويلات  جديده  والصور  تشرح  بعض  الشغل
   وصلي  الله  علي  نبينا  محمد  عليه  الصلاة والسلام   ...












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اقسم بالله لا يذا المبلغ انك انت  وعيالك ابخص به 
شغله زي ذي بسيطة حتى ما تستاهل لو عطينا كل العمالة والورش على الواتس هواهم كان اكلونا بجلودنا
ولله اني احب الناس اللي ما ينضحك عليهم
لك كل التحية


up 5 down 1
خالد.com 51
قبل 4 سنه و شهر



**ترا مدري كيف ت كلمة الواتس**


up 2 down 1
خالد.com 51
قبل 4 سنه و شهر



اللحين يجيك واحد يقولك اصحاب الورش مساكين من وين يدفع حق الورشه والاكل والشرب وتجديد الاقامه و و و و و و و 

طيب انا وش ذنبي ياصاحب المشكله اذا كان حلها بيكلف 35 ريال واروح ادفع 850 ريال عشان ظروف العماله ؟؟؟ 

انا اشجع الشباب بانهم يعتمدون على انفسهم في صيانة السيارات وخاصة القطع الاستهلاكية 


up 10 down 1
abdulaziz al-malki 982
قبل 4 سنه و شهر



لاوالله اصحاب الورش اغلبهم نصابين ومستغلين مهنتهم
يضحكون على الي ماله بالسيارات الحين اصحاب الورش الي 
ماشين دغري لا لف ولادوران مايقدر يدفع اجار واكل وشرب وتجديد اقامة
بالعكس الامين الصادق ربي يبارك له برزقه


up 1 down 2
أبووووعلي 609
قبل 4 سنه و شهر



مره سفينة عطلت

جابولها مهندسين كثيير... ولا واحد عرف يصلحها

جا مهندس خبيير كشف عليها... طلع مطرقة وضرب مكان معين في الماكينة.. اشتغلت السفينه

قالهم الحساب 1000 دولار...

إجا صاحب السفينه قاله كيف الف دولار انا شفتك انتا ما سويت شئ ... سويلي فاتورة بالتكاليف

المهندس الخبير عطاه فاتوره مكتوب فيها:

قيمة الطرقة بالمطرقه       :  دولار واحد
معرفة أين تطرق المطرقة  : 999 دولار
المجموع                      : 1000 دولار

الخلاصة: الخبرة ومعرفة سبب العطل لها ثمن أيضا.



up 1 down 1
rashidy 365
قبل 4 سنه و شهر