الي جرب ددسن دبل من 2014 او 2015 يكرمني برده

السلام عليكم
شباب اني في حيره من امري الددسن الجديد لقيت منه انواع واشكال لقيت مكسيكي ولقيت تايوان ولقيت تايلندي
ولا عاد ادري وش ابي صراحه انا رجال راعي بر ومكاشيت واخوياي الي معي كلهم جيوب وش رايكم فيه
هل فعلا عزمه ضعيف بالمراقا بالنفود والخط فيه حنه ولا يتعدا ١٦٠ وذا شغلة المكيف ما يوصل ١٥٠
ودي بالموتر لتحميل لحد يقولي خذ شاص لو معي دراهمه ما احتريت انصحوني من ناحية العزم والنوع بارك الله فيكم

إبلاغ

الردود

ياطويل العمر معنى مكسيكي 2014 حمار مكده مشاء الله مع الرقيات يبرد العزم بشكل ملحوظ عكس الهلي اما دبل أداءه كويس يخارجها اما مع الخط اذا كان ناطحك هواء يالله اجيب 160 اما بدون هواء تثبت على 170 الحنين يصدع راسك انا شوف بقيمتها منت لاقي غيرها فيه دبل

هلي 11 6
قبل 9 سنه

انا كان معي 2014 عليه كفرات هايلكس دبل عريضه في الخط وانا مشغل المكيف يجيب 170 نهايته طبعا ماني راعي سرعه عليه لانه خطر
بنسبه من موديل 2009 ونازل ياباني
وموديل 2010 و2011 و2012 كلها تايلندي
ومن 2013 وفوق كلها مكسيكي
بس تراه حمار مكده لاتخاف من هالناحيه في البر انا انسم الكفرات الى 10 يمشي مايقول بالعكس تعلق بالددسن يطلع الجيب هو البلا
واي سؤال انا حاضر

ابو ابراهيم2021 352
قبل 9 سنه

عزمه طايح خلك ع الهايلكس الدبل الجديد شكله حلو وفخم من الخارد والداخل

ابوتركي787 125
قبل 9 سنه

انا كان عندي 2013 مكسيكي

ما يرده شيء وبالخط يجيب 180 والمكيف شغال

لاكن اذا بوجهك هوا يوقف على 160

ودبله كفوو ويطلعك من التغاريز

مع العلم اني ما غيرت كفرات الوكاله السلق

يعني لو تحط عليه كفرات عراض اتوقع ما تستخدم الدبل

وبالنهايه هو بالنسبه لسعره ممتاز

لاكن اذا تقدر على الهايلكس خذه مع انه ما يفرق واجد عن الددسن

لاكنه افضل

abomesal 1037
قبل 9 سنه

جزاكم الله خير وشلون ما يفرق يا شباب الهايلكس الجديد بي ١٠٦ والددسن ٦٦
انا موضوع ان عزمه يبرد بالمراقا هو الي مخوفني والله ننتظر باقي الشباب

ziad_1409 22
قبل 9 سنه

ممتازة الددسن الدبل انا معي 2014 من ثلاث شهور ميم بالميه وجربته بالطعوس وبالوعر ممتازه

ابوعمروخالد
قبل 9 سنه