هل تنصحوني اشتري ارمادا 2013 ؟

سياره عائلية. من نيسان.  لا تاخذ غير الباترول. وبس

علئ الاقل منتشر ومعروف. 

كثيرين اجمعو بان صرف البنزين فيه عالي 
انتشاره ضعيف
بس سياره ماشاء الله ممتازه جدا ولا عليها كلام

ما أنصحك فيه انتشاره محدود ويبلشك بقطع الغيار والصيانة ما تلاقيها متوفرة 

ولديك بدائل أخرى منتشرة وعملية مثل التاهو واليوكن والسكويا والاكسبيديشن 

مكينة وقير باترول بطل الدروب عزم جباااااار تتعب وانت تقول جباار قطعه متوفره اذا انت بمدينه كبيره انصحك فيه

الصرفيه لاباسش بها على سياره بمحرك 8سلندر

محد يشتكي منه مرغوب وسعره مناسب  القطع غير متوفره تتعب فيها شويه    سبب عدم انتشارها ليس مقياس على عدم جودتها 
جاري عنده 2007 دايم يسافر عليها الجنوب  وماشيه معه وشغاله ومبسوط منها 

أذكر واحد قبل فترة في المنتدى يبحث عن قزازة خلفية للأرمادا يقول ما لقيها حتى في التشاليح . 

السيارة عملية واذا اخذتها جديدة بأذن الله ما راح تحتاج قطع لخمس او ست سنوات ماعدا الفلاتر والقماشات وموجودة والاسعار عادية ... بس تنتبه لشغلة وحده وهي تغيير زيت القير كل 80 الف والزيت زيت نيسان ... السيارة عزمها ممتاز ومريحة وواسعة جدا ... استهلاكها داخل المدينة تقدر تقول مرتفع بس طريقة سواقتك تفرق في الاستهلاك .. يعني تعبي ب 55 ريال تقريبا ويمشيك حدود 450 كيلو في المتوسط ... واذا دعست يمكن 400 واذا سواقتك هادية يوصلك 500 ... اما على الخطوط السريعة انا اشوفه ممتاز ... على سرعة 120 يمشيك حدود 700 كيلو

الأرمادا وحششش وعنيف لكن قطع الغيار غالية جدا .. 

اذا صني ٢٠٠٧ طقم مساعدات ب١٧٠٠ عند الوكيل مابالك بالارماد

ولكن زي ماقال احد الاخوان اذا بتاخذه جديد وكالة ماراح يتعبك،،

وفيه مثله بالقوة والسعة والراحة والكرف وقطع غياره جداً معقولة 

الا وهو الأسد ( الاكسبدشن) الصرفية جيدة وموديل٢٠١٥ وطالع

تغيرت المكينة ٦ سلندر ولكن بقوة ٨ سلندر مع زيادة عدد الأحصنة 

وإضافة الى ذلك تيربو يعني طيارة ..

الخيار الاول والأخير لك،، 

واستخير قبل كل شي +١لايك

الله يسعدكم والله ماقصرتو والنعم فيكم والله 
انا متخوف صراحه من الارمادا مع اني لاقيها رخيص 
موديل 13 لاقيها ب 55 
لكن كثير ناس مانصحوني فيها 
مع ان سعرها بالحييل رخييص على موديلها وعلى نوع السياره كجيب كبير 

السيارة مريحة وقوية عن تجربة 
لكن يمكن شكلها الخارجي هو السئ 
وممكن عدم توفر قطع غيارها قلة انتشارها
والسعر يحكم الطلب المرسيدس تفكه جديد ب 500 وبعد كم سنة مايجيب 100

بالنسبه للاستهلاك عادي على سياره ضخمه بمحرك v8

الي يقول قطع غالية هاذا مخه يحتاج بخاخ صدا 

المساعدات الواحدة 350 اامامي 290 خلفي واتوقع اانه الارخص بين المناقسين بواجي 350 8ى حباات اقمشة 300 امامي او خلفي
فلتر المكيف 50 فلتر المكينة 100 مسامير توازن امامي 140 مقص علوي 340
 صرفية 50 تكفيك اسبوع الشي الوحيد الي لاتسوي انك تركب عليها شي تجاري 
انا في المدينة وما اشتكي من القطع كيف لوكنت في الرياض او جد ة والشرقية والسيارة فيها عزم مو طبيعي لو تبغا استعراض تعطيك 

الاكثر الي ما يعجبهم يقولوانه قطع غالي او السيارة مو معروفة ولو اخذت اكسبديشن تسير زي اي واحد في الشارع لان عدد 
الاكسبديشن بعدد النمل الي في الكون فيكون ما في تميز 

والارمادا هاذي الفترة صار رخيص 

وانا عندي موديل 9 والي الان ممتاز 

فعلا اثني على كلام اخوناyazeeds209 القطع اسعارها عادية .. وبالتجربة ماهو يقولون .... اكثر الشعب معتقد في ان قطع نيسان هي الاغلى في السوق بينما الصحيح انها متوسطة وبعضها ارخص من الشركات الاخرى ... انا شريت ثلاجة مكيف ارمادا ب 1000 ريال ... وجلود عمود توازن الحبة ب 20 ريال وقماشات 350 امامي وفلتر مكينة ب 90 ريال هذي الاشياء هي الاشياء الوحيدة اللي احتجت اني اغيرها وموديل سيارتي 2009 يعني السيارة لها 7 سنوات من فضل الله ... قارن اسعار هالقطع بشركات ثانية وايضا عدد المشاكل وبساطتها بالنظر لعدد سنوات الخدمة .... السيارة اعتبرها الافضل في الخدمة في فئتها والله اعلم

13  وب 55 متاكد ؟؟؟؟
لان موديل 06 30 الف ونظيف يوصل 40 
13 انتبه منه لا يكون مقلوب ولا مصدوم ولا به نكبه

Turkiq انا مثلك معي 2006 ومغير ثلاجه وديمنو واشياء بسيطه يعني لها 10 سنين وماشاء الله للحين بعزمها وكلش حمد الله