أضف سؤال أو موضوع جديد          

إنطباعي بعد تجربة نيسان ألتيما 2013 4 سلندر

up 19 down 2
starting 1043
قبل 5 سنه و 11 شهر



السلام عليكم ورحمة الله وبركاته 

مساكم الله بالخير , الإخوة الفضلاء رواد منتدى حراج الأعضاء الزوار المشرفين 

بعد الإنتقاد الواسع للألتيما والقيل والقال قررت أن استأجرها, منها أجربها ومنها أجرب قير الـ cvt بشكل مطول,
وها أنا ذا أعطيكم خلاصة تجربتي وإنطباعي الذي يخصني,علَّ وعسى أن يكون ما سأكتبه مفيداً لكم.

طبعاً ممشى السيارة 78.900 


إنطباعي عن السيارة وبعض المواصفات اللي تحضرني :


- المقاعد مريحة جداً 

- شكل الداخلية جميل جداً

- المكيف بارد جداً وعلى أقل درجة ( مو غريب على نيسان ) عدد درجات التبريد 7 تقريباً !! 

- تشغيل بزر ( السيارة أقل فئة ) !! 

- عدد 2 ايرباق + ABS + ESC ( تراكشن كنترول ) 

- 6 سماعات صوتها جميل رغم أنها أقل فئة , والفل تملك سماعات BOSS

- ممشى السيارة جميل وتشعر بمتعة عند قيادتها 

- العزم كمحرك أربع سلندر من أقوى محركات الأربع اللي سقتها

- عزل أرضي أعطيه 9-10 مقارنة بفئتها ( قد يقل التقييم مع إرتفاع حجم الجنط )

- عزل هواء 9-10 مقارنة بفئتها 

- القير أشوفه رائع للي ما يسرع وسواقته هادية وعداد الضغط دائماً منخفض 
وهذا ما يعني أنه ما يعطيك عزم بل بعد وضع القير على Ds مع تفعيل وضعية SPORT راح يعطيك عزم يعجبك.


السلبيات بنظري كالتالي :


- الوكيل لا يوجد له فروع في كل مناطق المملكة في المدن الكبرى فقط

- توفير القطع ليس بتلك السهولة ( كلام راعي محل الأجار )

- أسعار القطع غالية نسبياً بسبب عدم توفرها ( كلام راعي محل الأجار )

- نزول السعر عند البيع ( لا يُهمني شخصياً ) 

- ليست بذلك الإنتشار 


أختم السيارة من أروع ما يمكن من جميع النواحي وأرى أنها من أفضل السيارات من ناحية الأمان.


أرجو أن يكون الموضوع حاز على إعجابكم,,شاكر مروركم مقدماً


تحيتي للجميع،،








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نيسان التيما الجيل الحالي ابدااع بكل معنى الكلمة 


up 1 down 0
majid__120 410
قبل 5 سنه و 11 شهر



مايعرفها الا اللي ساقها وجربها روووعه بمعنى الكلمه خاصة خفتها وسهوله الحركه في المدينه يدعمها العزم القوي من مكينتها   روووووووووعه  كان في قيرها مشكله عام 2013 لبعض السيارات وانتهت 


up 1 down 0
العمري للعقارآت 350
قبل 5 سنه و 11 شهر



السيارات هذي ما دمرها الا الوكيل
مثل هالنوع وفيه كل المواصفات دايما وكيلها مضروب
سوبارو
بيجو 
باسات 
وغيرها تجيك استاندر وفيها مواصفات ماتلقاها الا فسيارات الفل اوبين فبعض الشركات 

وعشان تحصل على مواصفات لازم تشتري فل اوبشن!! 
السوناتا مافيها نظام صوتي انفيتي الا فالفل اوبشن  

لكن الغريب القير على حسب كلامك 
اذا القير ماينفع للي مايسرع وسواقته هادية فهذا يعني ان القير ماييتحمل 





up 1 down 3
شويخ من أرض مكناس 2824
قبل 5 سنه و 11 شهر



المفروض تصير بدال الكامري إنتشاراً بالشوارع ، والكامري تصير مثل الرينو ( كل مدينة ثلاث حبات بس ) 


up 12 down 3
ibraheem bin abdullah 264
قبل 5 سنه و 11 شهر



اعتقد انها تعتبر اقوى سيارة 4 سلندر بدون توربو 

عزمها جدا ممتاز على 4 سلندر 

و ركبت مع واحد وكانت ايجار مريحه و القير انت تحس انه ما يتحمل سرعات 

لكن هو نظامه كذا كل ما تدعس يرتفع عدد دورات المكينه لكن بدون ضرر 


up 5 down 2
التركي 1403 17
قبل 5 سنه و 11 شهر



مشكور جدا على التقرير ويعطيك العافية بالنسبة للقير انا حاليا في حلة تجربة لسيارتي شيري الصينية قيرها ctv
صراحة ناعم ويحتاج لرفق بالدعسة بحيت مايطلع فوق رقم ٢ ويحتاج للصبر شوي ثواني حتى يتسارع نظامي وهو يصل الى سرعه ٨٠ وrpmماطلع عن رقم ٢




up 3 down 0
hosam200 1742
قبل 5 سنه و 11 شهر



احيانا احس ان قير cvt ينفع لبعض الناس هنا لانه يخلي الواحد يروق
غصب عنه 
وسيارة مريحة مثل الالتيما يشوفوها عيب الناس فيها ان قيرها كذا
لان لو قيرها تروس كانت طلقة وتطلقت منهم ههههههه


up 1 down 0
ابو عبدالله احمد 3527
قبل 5 سنه و 11 شهر



جربتها في اجار من المفتاح 
ممتازة جدا 
واللي عابها هم حقين الخطوط لان الحراره ترتفع في القير
ويعلق حتى ان بعضها ماتتعدا 60 
الين يبرد القير
ايضا 
اللي ذكرته من مواصفات اخرى جميلة بصراحه 
وماتوقعتها بالخفه هذي والنشاط و العزل

الفل ماجربتها لكن اذا فل 6 سلندر تصير بطله

قطع الغيار قريت احصائية انها بالمركز الاول في قطع الغيار
كارخص سيارة تليها المازدا6 

وسبب ندرة قطع الغيار لان وكيلها واحد لو لها عدة وكلاء مثل هيونداي
كان لقيت تنافس وتوفير لقطع الغيار
وكلن ينزل في السعر 
هونداي لها 3 وكلاء 
المجدوعي
الناغي
الوعلان 

تويوتا لها وكيل عام بالسعودية عبداللطيف جميل
ووكلاء مناطق قد لاتتوفر لديهم كافة قطع الغيار لذلك ماكلهم عبداللطيف
نيسان الحمراني والحين مع العيسى و اغلب القطع عند الحمراني ومحلاته
كيا محتكرها الجبر 



قطع الغيار في عدد الوكلاء كلما قل كلما زاد السعرر
كلما زاد الوكلاء قل السعر


up 2 down 1
xpoldx 1432
قبل 5 سنه و 11 شهر



بخصوص قطع الغيار تراها رخيصه ومعقوله جدا

سارت مقارنه بين اربع سيارات , مازدا سته وكامري وسوبارو و التيما

كانت الالتيما والمازدا هي ارخص القطع و الكامري اللي نقوله رخيصه طلعت اغلى منهم

طبعا الكلام قطع الوكاله

مثل الصدام الامامي حوالي 480 مثل الرفرف حوالي 300 ريال للاتيما

لكن عيبها فعلا يطيح سعرها 


up 0 down 0
ابوخالد1397 2888
قبل 5 سنه و 11 شهر



انا كانت معي 2014 استاندر جنوط ومثبت سرعة يعني فئة اعلى من اللي معك بتكة 

ولا فيها الا سماعتين قدام بس :( ..  انت متاكد انها ست سماعات ..!؟


up 0 down 0
altima14 9
قبل 5 سنه و 11 شهر



معي الان ستاندر 2013  روووووووعة ..
مافيها المثبت ولا الجنوط .. ومايهمني

لكن : ما شاء الله تبارك الله
العزل رائع .. العزم بطل .. الرساوة جميلة .. المراتب مرييييييحة .. الداخلية جذابة
القير مطرب .. السعر معقول .. 


up 1 down 0
ابو نجوى89 15
قبل 5 سنه و 11 شهر



الي يقول قطعها غالية يلعب عليكم
شوفوا الصورة الي بالرابط

http://img1.haraj.com.sa/userfiles30/2015-06-25/558c4623a33d9.jpg



up 0 down 0
mr.tahoe 1190
قبل 5 سنه و 11 شهر



الالتما لها تعريخ عريق ومعروفه بقوتها وجودتها 



up 0 down 1
iTalal 152
قبل 5 سنه و 11 شهر