باثفندر 2005 ايش عيوبه ورايكم يهمني

اي سيارة مستعملة بتحصل فيها عيوب…  

لكن الباثفندر إذا راعيه محافظ عليه وممشاه قليل اشوفه سيارة كد ومد 


اهم شي تاكد من الحرارة ونقص الزيت .. وإفحص كمبيوتر قبل تشتري 

مشاكلها واجد 
اولها المكينه دايم تخبط واكثر اللي معهم باثفنتدر
تلقى مكينته اما موضبه او مغيرها
حساسات ، كل شوي طالع لك حساس خربان
وخراباته كثيره 
نصيحتي لك أبعد عنه لانه خوي الصناعيه
جاء مع ولد خالي وجلس معه قرابة السنه
وخسر عليه قرابة ال٢٠ الف 
لان حتى قطعه غاليه
يعني مكينته في التشليح بحدود ال١٠ ألاف

مثل ما قال الشباب السيارة قديمة واذا ماكانت على يدك اومخبور ابعد
معي واحد 2004 له معاي 11 سنه وماشي حول ال200 الف والحمد الله ماشي امورة لكن ملاحظات لابد منها 
الحرارة - حل سنه لازم اصيخ الرديتر واخر مره اهواز 
التكييف في الصيف للصف الثاني مايجمل لانه مافي فتحات 
تصرف بنزين اذا تدعس عليه اما الاستخدام العادي الفل بنزين 95 يمشي حول 370 الى 400 كلم
جلد الابواب كلها تفككت من الحرارة وبدت تطلع اصوات داخل السيارة ماتدري من وين 
بس الحق يقال موتر كرف وتطعيس يعجبك 
قطع الغيار غالية صحيح بس ركب وانسى 
اذا خاطرك بسيارة مماثلة ممكن تاخذ اكستيرا موديل اجدد ومكينه اكبر 
في الختام انصحك بالاستخارة 
بالتوفيق

ابعد عنها فيها عيب مصنعي تشرب الزيت شرب و ممكن 
تخبط معك بالسفر و تنكبك

شوف الفورتشنر افضل منها اذا تقدر عليه

اذا الموتر نظيف كويس وإسأل راعيه شف هو طلع المسمار اللي في الثلاجه .. كان معنا واحد اخذينه وقالو ان فيه عيب مصنعي ان في مسمار في الثلاجه ايسقط بعد مده وطلعنا ومشى اللين ٢٢٠ الف ولا شفنا منه كل خير 

عمي معه ٢٠٠٢ فل قير عادي ممشاه الحين ماشاء الله تبارك الله ٦٠٠ كده مكده ومايوقف وماشتكا من اي شي ، بالنسبه للمكيف م قدر اليدك لانه من سكان المنطقة الجنوبيه فامايبين معه اذا فيه مشاكل لان نادر يشغله ، واخرص على النظيف .

التعديل : اليدك =افيدك - اخرص=احرص ، المعذره اكتب من الجوال . 

انا موتري 2014 نيسان ابسط القطع طلبيه تاخذ اسبوعين شهرين عادي جدا
احيانا بعض القطع ماتباع لوحدها
لازم تاخذ القطعه بكبرها يعني سعر القطعه 300 ريال لازم تاخذ القطعه بكبرها وتنحسب عليك ب 1000 ريال





اذا بتاخذ سياره حاول تكون موديلها اجدد لاجل تحصل بالتشاليح وبالوكاله

اما الباتفندر بتحصله قليل ولو حصلته بتطيح بواحد يتشرط عليك بالسعر ...



بالتوفيق

جزاكم الله كل خير وبيض الله وجيهكم

السلام عليكم,

اخوي ابو احمد غلطان باثفايندر 2004 و 2005 نفس 2003 من ناحية الماكينة 3.5 انا معاي 2003 مكينتها 3.5 وكالة من الجبر في الدمام

يااخوان انا عندي باثفندر ٢٠٠٥ ماشي ٣٩٥ الف اذا مشيت مسافة طويلة ينقص ولكن اذا عشقت بالاول اسمع طقة من تحتي وايش معناها ومين يفيدني تكفون

تركي الخثيمي اللي مع عمك ٢٠٠٢ هذا مافيه مشاكل نقص 
ولاتخبيط ولا شي مشكله الباثفاندر من ٢٠٠٣ وفوق مكينته تخبط 
بالنسبه للنظيف يكد ومايحتاج شي بس اذا ممشى كثير يبدأ يطلب ومشكاكله كثير 
اذا تبي ابحث لك  من ٢٠٠٠ الى ٢٠٠٢ نظيف وممشاه قليل يكد معك 

انا لقيت 2005 وممشاه 100بس طالب عليه 20 هل في حقه كثير ولا حقها السعر

انا شريت باثفندر ماشي 390 وش الأشياء الي يحتاج لها تغير وصيانه

ياشباب في قروب خاص بالباثفدر تدخلوني فيه . . ؟؟ تكفون

السلام عليكم ورحمة الله وبركاته
يسعد مساكم احبتي
عندي باثفندر ٢٠٠٥ فل كامل خليجي قير تماتيك فيه مثبت سرعه ومانع انزلاق
المهم من كم يوم صار القير يغير واحد وثنين فقط ومايتعد سرعه ٦٠
رفض يغير ٣ و٤ و٥ ومدري وش السالفه مع العلم انه فجه جا هذا الشي ولافي صوت في القير ولاشي
خايف اوديه مكنيك ويلعبو فيه والجيب كله حساسات كهرباء
الله يحفظكم وش الدبره موقعي خميس مشيط