استشارة بخصوص ددسن وكالة؟

احساسي بينحذف موضوعك الحين

3سنوات لا كذا تهين الددسن  اقل شي يكرف مع التفجير 6-8 سنوات ان شاء الله والددسن غني عن التعريف

2012 مانزلت غمارة ياشيخ !!

الغمارة توقف انتاجه لين 2010 اخر مانزل طبعا ياباني

والغمارتين لين 2009 ياباني ومن 2010 وفوق تايلندي

ههههههههههههه الله يهديك يصاحب الموضوع
انت كذا صراحه حطمت الددسن وش 3 سنوات ؟
قل 20 سنه مع الكرف والتحميل على العموم اخوي
انا معي ددسن غماره 2007 فاكها وكاله اموري الحين بالتمام مافيها شي ابد
الي ذابحني فيها السير بس اذا طلع صوت يبي له شد او تغير

مع اني كارف السياره بالبر والخط
يعني توكل على الله وخذها
وحاب اقولك شي ترى ددسن غماره فل مافيه

الفل فل درايش هندل ودركسون هواء ومكيف وتوكل على الله

اشكر الي ردو على

بالنسبة للي يقول اهنت الددسن ابي اعلل لك سبب سوالي عن 3 سنوات
السبب يالغالي اني كل ما مريت صناعية اشوف الددسن فاتحه فمها هناك وحتى موديلات جديدة 2006-فما فوق

يعني مراح احصل ددسن غمارة ابدا! ابي لو بس طاره هوا ومكيف بس ابيها ولكالة قهر
الله يعين يمكن حول على هايلكس اذا ما فيه غمارة ددسن
ياليت يكون الموضوع للنقاش عن مشاكل الددسن في اول ثلاث سنوات

دادسن غمارة أنتهى مافي ٢٠١٢ ولا ٢٠١١  وداعاً ودعاً ..... 

والله مشكلة طيب هل الهلكس زي الددسن

الهايلكس تمتاز عن الددسن بهداوه المكينة

ركبت مع راعي دتسن ومشينا 120 يارجال حنة المكينة كانك ماشي بالاول 

ركبت في هايلكس 160 ماتسمع حس الماكينة هذا الي يعيب الددتسن ولا والله موتر وبدي الدتسن

اقوى من الهايلكس ومكيف ثلج 

الددسن من افضل السيارات معي 2005 و ماشي حوالي 180000 كلم و ما تشتكي من شي و اذا كانت قيادك راكده بتستمر معك مدة طويلة
و ما تغير سوى الزيت و السيفون 

أنصحك اذا شريتها ركب قير ودفرنس موديل 2004 لانه بعد الموديل ذا 
صار القير محشور مرة يعني كل شوي تعشق