أضف سؤال أو موضوع جديد          

خلك سمح في البيع والشراء ولا تضلم نفسك

up 22 down 9
سكودر 14930
قبل 7 سنه و 2 شهر



اخواني انا لي سنتين و7 شهور بموقع حراج  و انا اول مره انزل  اعلان زي الاعلان هذا  بس حبيت اني

انبهكم عن شي اعلق  على الي اشوف  

نظرن لضروف البيع   فا اسعار موقع حراج مرتفعه   خصوصن لما تكلم صاحب السياره يقولك والله  فيه

نفس سيارتي وعارضينها باعلى من سعري 
 
 وانا حاب  اعرض سيارتي  نفسهم   يعني مثلن حادها 40 الف  يشوف نفس سيارته  محدوده 45 الف يجي

ويحدها بنفس القيمه  ويكتب تحت  عادي لو تخسر الف ولا الفين علشان شي نظيف

 ولا فيه  واحد  مدري طماع او كذب  يكذب على ناس  يعرض سياره  مصدومه حتى من قومه صدمه مكينه

 متكسره ويقول انسامت 33 الف وسياره على نظافتها بدون صدوم ولا شي تسوا بسوق 33 27الف  والله العظيم

اني صادق صارت بموقع حراج يعني معقوله صارت ناس بدون ذمه ولاضمير ياخي حكم ضميرك ترا ناس ماهم اغبياء

 ولا فيه سياره جديده   يبيعها صاحبها  فرق بينها وبين سعر وكاله الفين  ولا  ثلاث الف   علمن بي ان سياره اذا

طلعت من باب وكاله تنقص من سعرها 5000 ريال

 ولا  فيه  ناس تعرض سياراتها  لاا رقم جوال ولا موصفات ولا يقول عن سياره شي طيب ياخوي الي

بيشتري بيفحص كمبيوتر  يعني لزم تفشل نفسك قل لناس ايش عيوب سيارتك  

  وطمع يااخوان  لاا حد يطمع  جاك سومه  بيع سيارتك  لا تطمع وخلك   سمح في البيع   احذرو من غش الناس  

 رجاء خاص  شفوو لنا حل  خلاص  


  انا ماعم الجميع   بعكس فيه ناس بموقع حراج  سمحين في بيع وصادقين  في بيع وشراء ويعطي سياره

حقها  يعني انت تعرض سيارتك  وتحرق قلوب ناس علشان ربح طيب ليه تعرض سيارتك 

  علمن  بي ان لو  تدور بموقع حراج اسعار سيارات  تحصله اعلى من سوق شريطيه  بالفين   ولا اربع الف ريال

  ارجوو   الجديه في بيع وشراء وعدم مبالغه  في اسعار  سيارات    إن الله يحب سمح البيع سمح الشراء سمح القضاء 

 وبي الاخير ارجو ماحد يزعل من كلامي  بس الصدق ينقال  ويمكن بعضمكم  عارف   وشايف  وساكت

  اذا انا غلطان  ارجوو سماح  وحقكم علي  وترا ربي يبارك  في ناس الي  تصدق مع ناس  والي يبيعك بسمح  

 ودليل شوف اكثر سيارات موقع حراج لزالت  موجوده  

 انا ماني شريطي ولا شي  وفعلن   فيه سيارات  سعرها فيها  وفيه سيارات  لا والله سعرها اغلى من سوق  

 اكتشفت بعد  ان فيه ناس يعرض سيارته يشوف كم تجيب تجيب له مكسب باعها  ماجبت له خلها طيب ياخي ليه تعرضها  اخبر الي يبيع سيارته يا انه محتاج يا يبي يغير يا يانها طفشت والله صار البعض زي شريطي

واذا ساموها ناس زعل قال هذا بخس طيب ياخي عط ناس حد موتر ولا تطع كثير

  اكثر الناسس  الي  تعرفت عليهم  بموقع  حراج اساله اقوله وش تشتري سيارتك يقولي من معارض  ليه طيب

  موقع حراج اسعارهم غاليه نصهم او ربعهم نصابين وثاني شي لما تدق تواعده يماطلك  

الناس الي تسوم ولا هي جاده وش حل معهم علمن بي ان موقع حط قسم

  اترك  لكم  تعليق   وكل واحد  يعطينا رايه نحترم ارائكم    


 تحياتي  لكم اخوكم   &&&&&  سكــــــــودر &&&&&

 

 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك كله صح

ولا قلة شي غلط

ولايك

والله يرزقك ب٦٦ مليار يورو


up 5 down 0
عاشق الكورفت zr1 6468
قبل 7 سنه و 2 شهر



جبتها عالجرح تسلم على الموضوع المميز ولك احلى لايك


up 2 down 0
.o m a r . 238
قبل 7 سنه و 2 شهر



عاشق حبيبي تسلم لي ياغالي والله يرزقنا وياك يارب 80 مليون مليار استرليني  ويورو  يارب ويرزقنا جنه واخوان مسلمين  

 اخوي o m a r   تسلم ياغالي وشرفني مرورك  يعلم الله مانزلنا موضوع الى لفايده وتنبيه لناس 


up 3 down 1
سكودر 14930
قبل 7 سنه و 2 شهر



اسعار المووقع فيييه جنوووون من الغلا ,!,!
بسبب عقليات بعض النآآٍس,,,يعرض موتره ويضع سووم عالي من راسه>وهذه ملاحظ !!
اتوووقع هذه المعضلة مع الوقت بتنهي وتكوون الناس اكثر معرفة !
وشكرا



up 1 down 0
حربي666 40
قبل 7 سنه و 2 شهر



الصورة أبداااااااااااااااااااااع


up 0 down 0
أستشاري الحب 6472
قبل 7 سنه و 2 شهر



لقد تم حذف موضوعين لي ولقد قمت بمراسلة مدير الموقع ونكه هو root وانتظر رده على الشكوى التي قدمتها بحق مشرف المنتدى وعلى كل من تعرض للظلم من مشرف هذا المنتدى تقديم شكوى الى مدير الموقع وهذا رابط الرسالة الخاص المباشرة له
http://haraj.com.sa/sendpm.php?username=root


up 0 down 2
ماكسيما 2008 6741
قبل 7 سنه و 2 شهر



والله انك صادق ياسكودر....
بس ترا حتى المعارض غش عيني عينك قبل امس مريت الجميح اللي بخريص سئلت عن الكابرس ال اس 8سلندر قالي 2012 ب104 الف ريال قلت حلو بالمعارض اكيد ارخص,,,
واروح للمعارض بنفس اليوم والقى معرض عنده 2كوابرس 2012 جديد سئلته قالي الواحد ب112 الف...؟؟؟؟؟؟؟؟؟؟
كيف..!!!! يعني اغلي من الوكالة..!!
والمعروف ان المعارض اقل شي تنقص عن الوكالة ب5الاف,, ماتزود..!!!

لكن مااقول الا حسبي الله ونعم الوكيل


up 0 down 0
ولد الرياض 2010 738
قبل 7 سنه و 2 شهر



بعض المعلنين يعرض سيارته وهو مانيته يبيع بس يشوف كم تسوا


up 1 down 0
مورسدس24 3639
قبل 7 سنه و 2 شهر



تسلم على الموضوع  وبصراحه الموضوع جاء في وقته وانشاء الله الاعضاء يتفاعلو 

وبصراحه انا طبيت في واحد ما يبي يبيع بس يبي يشوف كم تسوى سيارته 
المشكله دق عليا وكلمته ولما ادق عليه ما يرد اكثر من مره 





up 0 down 0
hasooony911 31
قبل 7 سنه و 2 شهر



كلام كليم ياسكودر انا والله كم اعلان بسيط قد نزلتو هنا 
والله والذي لااله الا هو اني من يومين او ثلاثةو عارض اكس بوكس 
وكاتب كل تفاصيلو وجايب اشيا زايدة عليه
مالكم بالطويل 
حادها ب350
جا دق عليا واحد قلي اشتريها بحدك
قلت تم
وهوا قلي انا من الرياض وكذا وماعرف شوارع جدة
والله ياخوان الساعة 1 وعشرة الصباح اطلع انا واخويا 
وحنا بالمحمدية اتفقنا نتقابل عند شبرا 
من 1 الين 3 ونص وانا استناه ولايرد 
او يرد ويقلي طيب طيب 
قمة الوقاااااااااااااااحة والسفاهة 


up 0 down 0
ابو امااني 2075
قبل 7 سنه و 2 شهر



الرد هذا للاخ كسيما 2008
اولا ما اللوم المشرفين يوم انهم حذوفوا مواضيع لان الدعوه لا تعصب ولا شي بس كلامك على عيوب الفورد اغلبها (لفق ب لفق )

.لاني استخدم فورد وكاله طلعته في عام 2004 معاي لحد الان وازيدك من الشعر بيت مبرمج السياره من اربع سنوات وماشيه الان 20010





- تلف ثلاجة الماكينة وخصوصا في الموديلات التي سبقت 2003انا غيرت الثلاجه صحيح بس بعد ماخدمت خمس سنوات هذا عمرها الافتراضي لا عيب ولا شي وذا غيرتها تقعد زي المده بالعكس المديلات هذي عمر الثلاجه اطول من الجديد . 5-جلد البلوف تتلف فيها بسرعة ممايتسبب في تهريب الزيت من الجلد ومع الوقت يؤثر على الماكينة
. <<<< هذا تلفيق برضوا جلد البلوف ماتخرب الا اذا لعبت في السياره او ماتهتم بصيانتها انا ماقد خربت معي !11-القير فيها يخرب ايضا بسرعة واربع نمر فقط ومو بقوة تحمل قيور الهوندا مثلا
......






<<< الفورد لا تتقارن بهوندا وسعر قطع غيار الفورد ارخص بكثير من الهوندا بعدين القير يتحمل كقوه في الميدلات السابقه والحاليه انا اتكلم من مصدر استخدامي للفورد ثمن سنوات واعرف اشخاص كثر يستخدونه الي اربع سنوات وخمس-13- ماكينة 8 سلندر ولكن عزم من جنبها وقير اربع نمر لايناسب ماكينتها وفوق هذا تفصل فايش خلت للاربعة سلندر هههههههههه<<< بالعكس علشان عمر اطول للمكينه الشركه ماصنعت السياره للسبقات والقوه شوف الشفر كله خربات في خرابات واعرف اشخاص يعانون منها خاصه المديلات السابقه من الفين وسته وانت نازل36-الهيدروليك يتلف بسرعة لسيارات الفورد التي تحتوي عليه وبعضهم يغيرها ويركب يايات<<< هذي كذبه منك الهدرولك عندي ثمن سنوات ماخرب ماغيرت فقط البالونات وخدمت سبع سنين . ياخي ممكن بعض الناس يخرب عندهم البالونات الاغلب ويغرونها يايات ولا مكينه الهادرولك فيها قوه وعمر. 32-مشكلة نقص الزيت بالمسافات الطويلة (التبخر<< شي طبيعي اذا الشخص مايحافظ على سيارته بالصيانه تخرب في نقص الزيت وغيره وهذي اكثرها في المديلات القديمه بس معليش انت تبي سياره لا تخرب !!!!!! ياخي جب لي سياره اقل خرابات من الفورد لولا قله خرابتها ماكان شفتها بكثره .43-مشكلة انطفاء الانوار بشكل فجائي <<<< هذي ماتخرب الا بعد ست سنوات او اكثر مدري تبينا نخترع لك سياره ماتخرب زين منها تخدم زمن طويل !!!!! بعدين شوف الامريكي معروف الي يعيش معك زمن طويل تسع سنوات او اكثر وبالاخص الكراون فكتوريا والماركيز ..القير والمكينه والدفرنس اما الباقي شي طبيعي ياخي تخرب مع الوقت مدري اذا عندك سياره الاشياء الي لها عمر افتراضي ماتخرب ياليت تزودنا بالمعلومه عنها علشان ابيع سيارتي واخذها انا اشك انك شايف سياره عجيبه ماتخرب.29- في الموديلات القديمة وقت البرد تدق سلف ماتشتغل الا بعد عدة محاولات<<<< لالا تكفى قل غيرها قويه ياخي والله لو انها ددسن خمس وثمانين !!!! لو انها تطفا ماكان استخدموها الروس والامريكان في الثلج !!!41- الدينمو يتلف بسرعة<<< كذاب العمرالافتراضي الدينمو بالفورد من
اربع سنوات الى ست سنوات بالله تكفى جب لي سياره مايخرب الدينمو حقها ابد؟؟؟.22-مشكلة الحرارة التي اتعبت اصحاب الفورد وانا اقول ليه الشركة مابرمجت هالفورد حرارتها على الربع مثلا بحكم الجو الحار عندنا لكن عاد الشركة ابخص
<<< اغلب السيارات الامريكيه بشتى انواعها واليابانيه تكون ثابتها في الحراره بعضها على النص وبعضها قريب للنص طبعا ماسوها الا لانهم هم ادرى بالسياره وعلى فكره فيه ناس تفك بلف الحراره بس فيه شي يخرب بالمكينه بس مدري وشو اذكر زميل لي تخصصه مكيانيكا سيارات قالي المعلومه59-مشكلة تهريب زيت المحرك بعد فترة طويلة من الاستخدام<<<< لفق ب لفق يعني سذاب انا استخدمته مده طويله على قولتك مافيه اي تهريب.15-للاسف نظام الحماية فيها فاشل ويقدر الواحد يفشخها سلام سلام<<<<< صادق لكن في المديلات 2003وتحت ومنها وفوق اتحداك تخفشها يبو فخش انت الشركه حطت فيه نظام سيفتى قوى في المديلات فوق ثلاثه يعني انسى تشغلها بدون مفتاح المصدر مهندس في وكاله الجزيره الدمام .1بالعربي يامتعصب انت مو المشرف قل انك تعشق هوندا وان هوندا احسن من الفورد وخلاص مو تلفق لكن الله حق نص العيوب الي ذكرتها صحيحه والنص الثاني تلفيييييق!!!










up 0 down 0
talal 2001 10
قبل 7 سنه و 2 شهر



انا اخذت لي اكثر من شهر مسنتر بموقع حراج ادور لي موتر وللاسف ماحصلت الناس السمحه علما ان اسعارهم مبالغ فيه واغلبها مسمكره وفيها عيوب ويبي مبلغ فلكي بالنهايه نزلت النسيم وحصلت لي موتر ارخص من الموقع بكثير وانظف


up 0 down 0
كارينو 567
قبل 3 سنه و 2 شهر



ابغا مشرف حراج يرد بسرعه عندي مشكله 


up 0 down 0
الغامديه-
قبل سنه و 2 شهر