أضف سؤال أو موضوع جديد          

تجربة ددسن دبل

up 21 down 6
هلي 11 6
قبل 3 سنه و 5 شهر



السلام عليكم ورحمة الله وبركاته 
مساكم الله بالخير ✋
ندخل في الموضوع حبية انزل تجربتي اليوم لددسن 2014 دبل او دفرنسين نبي نتكلم عن  الايجابيات والسلبيات نبدا في السعر هو اهم إيجابية فيها أخذنها حول 64الف موصفاتها دبل درايش كهرب عداد ضغط مسجل cd و aux وسماعتين في باب السواق والمعاون سواقتها اخف من الهايلوكس الدفرنس والمكيف مشاء الله ثلاجة جربت دبلها في النفود والشعبان تعرفون الفتره اللي راحت كان وقت صيد دبلها يمشي الحال يعني ماينفع للسحب  اما عزمها بارد في الخط تمرضك يعني اذا كان الهوى ناطحك الله يعنيك ماتمشي وعازله سيء جدا خاصة صوت المكينة تحن في اذنك وصرفها للبنزين تشرب اكثر من ددسن الدفرنس بسب ارتفاعها وعرض كفراتها الموتر ماينفع في السفريات يصلح دخل الديرة وطلعات البر فقط المشكال اللي وجهتها الحين تهرب زيت بس مدري منوين  للمعلومية الموتر ماشي67الف وحبية أضيف الموضوع ذا ليستفيد اللي مقبل على شراء السياره والسلام عليكم✋ .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بيض الله وجهك .. انا عندي 2009 غمارتين دفرنس واحد .. وفعلا حاس انها تشرب بنزين . 


up 1 down 1
مستريح البال 1 1786
قبل 3 سنه و 5 شهر



كل السيارات تسرب من 140كلماتزيد تشرب اكثر ماعاد الامريكي واللماني يقل شربه بالخط لاكن بالديره يشرب


up 2 down 1
ابوالحيادر 21
قبل 3 سنه و 5 شهر



انا كانت معي 14 كنت اسحب جموس مغرزه لكن انت مشكلتك تسحب بالدبل الخفيف 
وكذالك الكفرات كنت مركب عريضه وانسم اخليها 10 تقريبا 

وشوف كيف تمشي في الطعوس 



up 5 down 2
شيخ المعارض 2012 350
قبل 3 سنه و 5 شهر



انا كنت مركب كفرات عريضه دنلوب 225  وعجزت اسحب الهايلوكس بغيت اجلس جنبها  هي دبلها يالله يخارجه


up 3 down 1
هلي 11 6
قبل 3 سنه و 5 شهر



غلطان تركب 225 انا مركب 255 نفس مقاس الهايلكس دبل 

مقاس 225 هذا الي بدون دبل حتى ظغط الكفر من 70 الى 75 لانه بعد التنسيم يكون فارش 

الكفرات كم تنسم تخليها 10 ولا اقل ؟


up 4 down 0
شيخ المعارض 2012 350
قبل 3 سنه و 5 شهر



انا كنت مركب عليها كفرات الهلي الدنلوب وبعده صارة ثقيلة وفكتها ورجعة كفرات بلدها اللي هي دنلوب 215 أحط الهوى10 ومرات اقل على حسب الرمل 


up 3 down 1
هلي 11 6
قبل 3 سنه و 5 شهر



صح ثقيله في الخط والمدينه لكن في الرمل كلام ثاني تمشي في الطعوس تطربك بعض الاوقات مااشغل دبل اذا نسمت صح 


up 2 down 0
شيخ المعارض 2012 350
قبل 3 سنه و 5 شهر



موتر ممتاز عن تجربه وسعره مناسب مقارنه بالسيارات في فئته




up 3 down 0
abomesal 1023
قبل 3 سنه و 5 شهر



الله يجزاك خير على هالتقرير المختصر الجميل ، خلاص صرفت نظر عن الددسن الدبل و بأشوف الشاص يمكن انه أصرف


up 1 down 1
abuhamad 8027 -45
قبل 3 سنه و 5 شهر



نسيت تذكر ضيق داخليتها خصوصاً المراتب الخلفية . 


up 1 down 1
النهراني 269
قبل 3 سنه و 5 شهر



الي يبيها للبر فقط تنصحه فيها لان سعرها 64 وتجهيز تطلع بقيمه مناسبه لاكن ما مره استخدمت الدبل وما ادري الاقي تجربه

+1 لايك للجميع


up 0 down 1
الشرقية1 265
قبل 3 سنه و 5 شهر



تهريب الزيت من وين مكينه ولا دفرنس ولاقير اذا مكينه لاتركب فلتر تجاري اكيد بتهرب الدبل ماجربتها بس الاخوان اللي قالو الددسن يشرب بنزين وش خليتو للهايلكس مشكله الددسن في القومه ميت عزمه للبر الخفيف حلوه اما نفود اكيد هايلكس عندي لك حل يالغالي ركب بواجي رياضيه وعدل على المكينه وبتطربك 


up 1 down 0
بريق الرياض 265
قبل 3 سنه و 5 شهر