وش افضل مكينة للددسن

كبلير معقده  يعني لو خليت السياره فتره ماشغلتها  بتعقدك بتشغيل  يعني مالك الى تشرقها  وفي وقت البرد  بعد نفس الكلام  بعد الملعنه تشتغل 
 وعزم ضعيف  واهم شي انك اذا جيت من مشوار تطفي ميزه ماهي في البنتلي ولا حتى الميباخ ^_^  انا اشوف ان البخاخ افضل 

أغلب راعين الدداسن اللى اعرفهم كلهم موديلات قديمة
يروحوا للتشليح ويشتروا مكينة نيسان سيدرك 6 سلندر كربريتر وجير  موديل 88

الكربريتر ولى زمانه وكل 6 شهور بليتين وكل شهرين اصلاح كربريتر وكربون وتفتفه غير البخاخ لاتدور كان عندي 97 هبل فيني الابنص يعلق وكربون وبليتين واذا مسكت طريق نطحني الهوى تحس انه يرد نمرة ماعاد يمشي بعته واخذت بخاخ ولله الحمد والمنه 

بريق الرياض ..سلامات كل شهرين بليتين وكل شهرين كربريتر .. يابوي لاصار الموتر سواً بخاخ ولا كلبليتر يمشي معك ..عمي معه ٢٠٠٢ كلبليتر وماشي اموره لاغير بليتين ولا شي 

لاصار الموتر نظيف **

البخاخ افضل اولا حط ببالك ان ماكينة البخاخ 
من ٢٠٠٤ الى اخر موديل ماتغيرت والقطع تقريبا وحدة 
ثانيا خرابات اقل معروف الكلبريتر لا خرب عليك 
بالغالب الموتر ماراح يرجع زي اول
والبخاخ افضل من ناحية العزم

يعني من الاخر خذ بخاخ بس موديل ٢٠٠٤ بعضها بخاخ
وبعضها كربريتر يعني اذا تدور الموديلات هذي تاكد
منها
الظاهر ان اللي تجيك فل قزاز كهرب بخاخ واللي تجيك 
هندل كربريتر 
لان واحد من اخوياي معاه ٢٠٠٤ كربريتر وواحد ثاني 
معاه بخاخ ٢٠٠٤ 
 

البخاخ افضل بكثير معاي ددسن بخاخ 2002 ولا احلي  مركبها لي 5 سنين 
المكينه الكلبريتراكثر مشاكلها الكلبريتر لو خرب معك  بيتعبك كل شوي مره اصلاح ومره عوامه ومره تشريق  + عزم اقل + وصوت ازعاج اكثر 
البخاخ لو خرب وهذا نادرا بيصير تقطيع وبتعرف تحدد المشكلة لانها كلها 4 حساسات  وياكثر الحساسات المستعمله ب 50 ريال وتركيبها سهل بنفسك تركبه + عزم اسرع + صوت اريح 

بالنسبة للكلبليتر صيانتها ارخص واكثر مشاكلها ميكانيكية بس عزمها اضعف شوي تصلح للمقاضي البيت مشاوير متوسطة حليله على قد الحال اما البخاخ طيارةه بالنسبة لها وافضل عزم وصرف بنزين

فيصل اللي معي نظيف جدا جدا ماشي 300 الف بس هذا عيبه عزمه يطيح والكربريتر ماله طب كنت بركب جديد مالقيت الاياباني 600 ريال ولامدحوه والوكاله3000 ريال غيرت له اصلاح كربريتر ب300 ريال اصلي ووزن وسالفه صار يصرف 300 كم اعبي التانكي مرتين فل يعني ياكل تانكي ونصف دخلته الحراج وابشرك بعته بمكسب ولله الحمد وطقيت لي بخاخ 

البخاخ يمشيني حول 420 كيلو 

البخاخ يمشيك حول 500 كيلو على الخط اما داخل المدينة اقل والكلبليتر مشكلته بوزن الكلبليتر نفسه 

اذا مانضبط بيجيب فيك العد بالعزم والصرفيه لازم الل يوزنه كون محترف ولو اخذ زود فلوس 

عن اللي زيه من المهندسين عفوا (السباكين)

عندي ددسن ٢٠١٢ دبل وخربان الدبل وش ممكن اقدر اولف له؟

هل دبل الباترول يركب على الدتسن ؟

هل دبل التايوتا يركب على النيسان؟

السلام عليكم عندي ددسن 88 يركب عليها مكينة 2016