المشورة في شراء اكستيرا مستعمل

هلابك اخوي
والله شف الموتر مكينته قويه وتحمل وهاذي أحسن ميزه في الاكستيرا
المكيف فاشل وخصوص في السياحي الخلف
الشكل برضه كذالك  وغيره من العيوب

السعر شرط النظافه اذا فل الفل SE وممشى قليل في حدود ال ١٠٠ وتحت
من ال ٤٥ الف لحد ال ٥٠ ويفضل يكون صاله. 


وفيه بدائل 
الفورتشنر
او
FG
وفق الله

اكثر سياره اشوفها بالطعوس 
اف جي 
شاص 
باترول 
ريع 

مع أخوي ٢٠١٢ مافيه نقص زيت 

الله يبيض وجيهكم 
ال Fj مشكلته غالي نسبياً بالنسبة  للاكستيرا ولا هو زين  
بس بخصوص الكارونة احد عنده خلفية ؟ اذ صدق تخرب ؟ 
والنسبة ل الممشى لو احصل في (( 280-300 الف كيلو )) بسعر جيد 
ابعد عنه ولا ماياثر الممشى ان شاء الله ؟ 

الباثفندر ٢٠٠٧+ اجود منه لكنه اثقل منه بشي بسيط وارسى في الخط وغالب المستعمل تحصله نظيف بعكس الاكستيرا

الاكسترا من اقوى الجيوب ومعى واحد من اقارب خويي 
معدل م شاء الله بس اشوف الصراحه من وجهه نظري
متخوف منه لاشفت يلف ولا شي اقول بنفسي وزنيه ربع 
بس اكبر

الفورتشنر أفضل كتحمل و جودة .. 

الكارونه مشكلتها بالقير العادي فقططط .. اما التمتيك ماعليه خلاف 

وسبب خراب الكارونه الرئيسي هو المقاومه من الصفر خصوصا اذا مسكه ورع وفجر اوومه بالمزاعق والمقاومات ؟ اما المقاومات من سرعه 40 ومافوق ماتأثر عليه

وفيه ورشه ابراهيم الثنيان بالرياض يرهمون له كارونه الفتك التمتيك موديل 2002 وفوق لانها نفس الحجم  ( كارونه الفتك القير العادي ماتركب عليه لانها اكبر ) 

مستعمل
انحش قليل النظيف

على اللي اشوفها من الجيوب في البر ملعون جدفها
البعض يتعاجز انه ينسم
البعض يراقي بالدبل الثقيل
البعض اغشم من الغشيم نفسه

نادر تلقى اللي يسوق صاحي

الله يبيض وجيهكم ويحرمها عن النار 
انا وضعت في راسي خيارين 
مثل الفورشنر و الباثفندر
بحكم انها افضل جودة 
بس وش رأيكم هل هو خيار جيد في البر ؟؟ 

اخوي نصيحة الاكستيرا انتبه تاخذ موديل ٢٠٠٨ و لا ٢٠٠٩ 
تقريبا اغلب العيوب بهالموديلين من نقص زيت المكينة و الكارونه 

الافضل من ١٢ و فوق و لو ما تقدر خذ ١٠ ولا ١١

الموتر ممتعة سواقته لكن قاسي و متعب للركاب 
المكيف للمقاعد الامامية ممتاز لكن بالخلف ما حولك شي 

اذا انت ابو عيال خذ باثفندر اريح و اوسع و مكيف خلفي كامل 
و اذا شباب خذ الاكستيرا 
عموما القير و المكينة زي بعض الفرق ان الاكس تعليقه الخلفي سست و الباث ياي