لأصحاب الخبرة في الباترول مشكلة الطبلون ماحلها؟

هذي حله بسيط كان ماخسرت هاالخساير
هذا سلمك الله نفس السلك تحصلة ملتمس مع بعض
ويعطي قرائة العداد فل 
واحتمال الفيوزات ملتمسه
بس بيتعب الكهربائي لزم يتتبع الااسلاك
واذا انحلت المشكلة قلنا وش صار عليك
وباالتوفيق

مشكلتك بالعوامه فيها ريشه او مسمار يرتفع وينزل خله يرهمها او يدبرها بطريقته

شكلها يا التماس اسلاك او حساس مستوی البنزين متعطل 

مرة قريت موضوع لواحد يقول في كهربائي في الدمام متخصص في هالموضوع وعرف سره لكن للاسف اللي اعرفه ان الموضوع في منتدى مكشات

وعليكم السلام
الله يعوض عليك ,جميع ما غيرته ماله دخل با المشكله ,ولو انت سئلت قبل تعمل اي شي كان اقل شي اعطوك الشباب الافاده
دام السيارة تمشي فالطرمبات سليمات ,والعوامات تتصلح ,,والطبلون يتصلح 
وعلى العموم , هل عندك لمبة بالطبلون والعه SUP TANK ؟وبحكم خبرتي بالفتك اول مره اسمع هذه المشكله 
لذا شوف بجانب البطاريه علبة كتاوتات سوداء شوف اذا فيه كتاوت مكتوب عليه Pump فكه واطرقه طرق خفيف وبعدين افصل اصابع البطاريه وركبه 
وكذلك شوف الفيوزات الداخليه اقلب الغطاء وابحث عن كلمة Pump هنا ان حصلته فكه وغيره بنفس المقاس من نفس الفيوزات 
كذلك لازم بنفسك تسوي تتبع لااسلك الطرمبة والافياش ففمكن عندك فيه مشكله او متحرك او فيه اتربه وبكذا ما يوصل كهرباء 
اخيرا جرب افصل اصابع البطاريه من شان عملية البرمجه 

السلام عليكم اخوي على كلام احد الاخوان ان تحت باب السواق فيه مربع اسود فيه 3 افياش نظفهم وتضبط وكان ماضبطت وان كان انت من اهل الرياض فيه مركز مشهور خاص فيه نيسان باترول ومحل كبير وكله خبراء مب ورشة عاديه واي مشكله ف الباترول ماتطلع الا هي محلوله هذا حسابهم ف الانستقرام @PATROL_CENTER وهذا رقمهم / 0504118191 وسلامتك

مشكورين يا اخوان وماقصرتوا جميعكم ،
ولازالت معاناتي مع الورش بشأن هذه المشكلة

كذلك السب تانك لا استطيع ان استخدمه واللمبة بالطبلون شغاله
ولاتزال العدادات فل ، وكثير من الكهربائين يقولون مانستطيع نتبع السلك!!

مادري والله وش حلها ، وكلمتك الرقم بالاعلى وبالانستقرام ومقفل 
وان شاء الله بطلع لورشة مختصه في الباترول والله يستر لايخسروني
بتغير طرمبات و عوامات وندخل بموال ثاني والله المستعان

شكراً لكم جميعاً ، 

ياخوي انا اعاني من نفس المشكله عندي امبير البنزين يعطي قرايه خاطئه والتانكي الاحتياطي ما اقدر استخدمه شيكت على الموتر عند واحد فاهم قالي المشكله عندك من الطبلون عداد البنزين فيه مشكله 
الحل جيب طبلون كامل مستعمل او عدادات بنزين فقط من التشليح 
لان بالوكاله غالي الطبلون حوالي 3 الاف ريال 

غالبا اذا ولعت. سبير تنك. هذا العداد خربان او ماص
ويتصلح العداد ب400

والواضح عنك 100/100 ماس. تتبع الاسلاك من الطرنبه لين
العلبه تحت السايق ومن بعدها لين العداد.

عرفت الطريقة ولا افيدك يالغالي

عندي استفسار الطبلون يفصل ويرجع 
بس الفصله تكون بين فتره وفتره ياليت تفيدوني 
٠٥٥٤٦١٦٦١٨