أضف سؤال أو موضوع جديد          

مشورتكم في باترول فتك.. لأني ناوي على واحد

up 12 down 8
abunora1406 234
قبل 5 سنه و 9 شهر



السلام عليكم ورحمة الله وبركاته.. 
ياشباب انا ناوي على باترول فتك جديد او شبه جديد باخذه نظام تاجير ان شاء الله .. 
اللي ابيه اهل التجربه واهل الخبره والناس الفاهمه ياليت تفيدوني عن عن هالموتر.. 
الي اعرفه انه كفو بالطعوس وبالخطوط مريح..  لاكن ابي تفيدوني عن التالي:-

1/ كيف الجوده والاعتماديه؟. 
2/ كيف استخدامه اليومي سهل او صعب؟. 
3/ كيف صرفية البنزين؟.
4/ كيف اسعار قطع الغيار خاصة الاستهلاكيه؟. 
5/ حرارة المكينه هل لازالت تعاني منها حتى الموديلات الحديثة للباترول؟. 

ياجماعه بدون تعصب وتحيز.. نبي اللي لهم تجارب او خبره يفيدونا.. شكرا لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


















شكى النيسان من تصاريف الاقدار ... يـقــول سـواقــي جلـبـلـي مــضــرة 
















عامين ساكت لـه علـى المـرّ صبـار.... فـي كـل ديـره لــي عـلامـه وجــرّه 
















محسـبـك يـاسـواق بالـحـيـل جـبــار.... رقيتـبـي فــي كـــل حـــزمٍ وحـــره 
















وخاطرت في مشيك على سكة القار ... ماتسـلـم الـجـرة تـــرى كـــل مـــره 
















قلـت انـت يافنـان مـن صـنـع كـفـار ... مصنعـك فـي اليابـان نـعـرف مـقـره 
















ماغـيـر لاتكـثـر سوالـيـف واعــذار ... تــرى الشـكـاوي مـاوراهـا مـســرّه 
















قال انت في ظهـري وبيديـك منظـار ... جالس علـى مخمـل وصوتـك تجـرّه 
















وانـا احتـرق ياسـيـدي نـار فـي نــار ... مكيـنـتـي فـــي خـدمـتـك مـسـتـمـرة 
















قلـت انـت يالنيسـان عثـره ومخسـار ... خـزانـكـم صـبــح وعـشـيــا نــغــرّه 
















عسانـي اتـوفـق بقـرنـاس الاحــرار .. واشري سواكـم جيـب لجـل المكـرّة 
















وابيعكـم فـي السـوق باقـل الاسعـار ... يمـكـن مــع غـيـري تـلاقــي مـبــرّه 
















واشري سوزوكي كل شغله بمقـدار ... مــايـــصـــرف الــبــنــزيــن لله درّه 
















قـال انـت يبـن آدم مـخـادع وغــدار ...مضيـع المعـروف وهـرجـك مـغـرّه 
















ان بعتني تنـدم علـى خـس الاشـوار ... و تـذكـر زمــان وكــل دربٍ تـمــرّه 
















وترى السوزوكي لـو يناسبـك بـوّار ...مايحتمـل فـي الخـط لـو زدت زَرّه 
















إلـى مشـا ظلـى ينطنـط كـمـا الـفـار ... في الدرب يمشي بك كما مشـي ذرّه 
















وانا ترى يشهـد لـي الـدوج احفـار ...وجدة والرياض بـحــره وبـــرّه 
















مشيـتـهـا بـأمــرك ولاانـــي بنـكّــار ...صـبـرت عالمـشـوار حـلـوه ومــرّه 
















واليـوم تنسانـي وتبـدي لــك انـظـار ...ياسـيـدي عالهـجـر نفـسـك مـصــره 
















قلـت العفـو ياموتـري كـيـف تنـهـار .... مـعـزتـك فـــي ظـامــري مسـتـقـرّه 
















زعّلتـنـي وانــا كـمـا هـبـة اعـصـار ... والـنـفـس مـمــا جـالـهـا مـسـتـحـرّه 
















كإني كما طيـر الخـلا فـوق الاوكـار ... لامـسـى يـكـافـخ حـالـتـه مسـتـشـرّه 
















ماغيـر لاتزعـل تــرى الـكـون دوار ... الله يـكـفـيـنــا عــقــابـــه وشـــــــرّه 
















ابشر بمـا يرضيـك فـي كـل ماصـار... ابـعـتـرف يـامـوتـري لـــك واقـــرّه 
















وابشّرك في الخبت يقـولون مخضـار ...غــطــت نـبـاتـاتـه كـثـيـبـه وســــرّه 
















سحايـب الوسمـي سقتهـا بالأمـطـار ... بأمر الكريم اضحت وهـي مزدهـرّه 
















هيـا سـوى نـاخـذ لـنـا فـيـه مـشـوار .. بـعـد الـرضـى يـامـوتـري لاتـشــره 
















فقـال لــي مسـمـوح ياسـيـدي الـبـار ... إعــداد ماتـمـشـي نـجــوم الـمـجـرّه 
















تـم الجـواب وكمّـلـت كــل الأخـبـار ... فــي قـصـة النيـسـان والـلـي يفــرّه 




up 2 down 4
t o m a h a w k 761
قبل 5 سنه و 9 شهر



والله يا بو نوره
السيارة ما عليها كلام , واعطاله نادره جدااا 
والفتك من موديل 2002 الى 2016 نفس كل شي ,,اللهم ان من موديل 2002 الى موديل 2004 الاختلاف با الكمبيوتر فقط ,
قطع الغيار ارخص من تويوتا حالينا وما يطلب 
لكن الفتك نوعان قير عادي واوتو ,,وهناك اختلاف كبير بينهم ,,القير الاوتو اقل صرف بنزين ,القير الاوتو المكينه بالخطوط مريحه جدااا وذلك بحكم اختلاف  حجم الدفرنسات ,
لكن نصيحه ثم نصيحه , استاجر وجرب وجرب وجرب ولا تاخذ بكلامي وكلام الناس ,لانه يجيك شخص يسمع ولا جرب ويجيك واحد مجرب ويسب با السيارة وهذا تحصله اخذ سيارة مدموره ,ويجيك واحد مجرب ويمدح ,فهنا يتشتت ذهن الواحد,ونا اقول جرب القير العادي والاتو 
اماعطاله بيسطه جداا وغير مكلفه , لكن اللي ما يعرف كيفية اصلاح اعطاله راح يتعب معاه 
لكن تبغى النصيحه , انا رجال طلعاتي للبر واجد شتاء وصيف ومقناص ,وعندي فتك وعندي الباترول الشكل الجديد 
الفتك سيارة ما عليها كلام ولا يشق لها خبار ومن افضل سيارات الدفع الرباعي وخاصه بالبر ,ولم ولن  تستطيع جميع الشركات انتاج سيارة زي الفتك 
لكن كوني ادفع مبلغ 160 الف ريال بفتك وفرش داخلي اسود وضيق نوعا ما من الداخل فا اشوف انه حرام هذا المبلغ ,وهذا ليس تنقيص من الفتك لكن ,,مبلغ ضخم مقابل مواصفات اقل 
لذا انصحك با الباترول الجديد 320 حصان وفرق المبلغ قليل واقل وخاصه لو شفت لك مستعمل ماشي شي بيسط ,
الباترول الجديد ما يميزه ان قطع غيار ارخص من الفتك بواجد وما يطلب ابدااا ,ومن شان اختصر لك الموضوع ,افضل من الجيب اللكزس بمراحل وهذا من تجربه سواء قوة مكينه او راحه او عزل صوت ,وفسيح من الداخل واقل صرف بنزين من الفتك ,
ونا اقولك ها الكلام من تجربتي وتجربه 8 من الزملاء وكلهم اهل مقانيص وكل اسبوع با الشمال وطرد وطريد ويجلدوها جلد وكلها ماشيه مابين 200 الى 300 الف كيلو وما شاء الله 
لذا الخيار لك با الاخير وزي ما ذكرت لك استاجر وجرب قبل تندم 
والله يكتب لك اللي فيه خير


up 1 down 1
ابونادر4647 285
قبل 5 سنه و 9 شهر