أضف سؤال أو موضوع جديد          

زيت قير الددسن

up 0 down 4
nissan88 37
قبل 2 سنه و 2 شهر



السلام عليكم.
يالربع عندي الددسن 2011.
احترق الكلتش من اخواني الصغار يتعلمون عليها الزبده
رحت فحصتها اجمعت الورش على صحن ودسك الكلتش
رحت لموزع معتمد وشريت صحن ودسك وفحمه ب 500.
وانا الحين بالورشه قال اركبه ب 200.
المشكله يوم فك القير نزل زيت ماهو واجد.
وانا الكتلوج ضايع فما اعرف وش نوع زيت القير للددسن
ودرجه اللزوجه ياليت تفيدوني.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وكيف طريقه عيار زيت القير؟؟


up 1 down 1
nissan88 37
قبل 2 سنه و 2 شهر



عندي كاتلوج ددسن ٢٠٠٩ اذا بغيتني ادور لك النوعيه دورت واتوقع الزيت واحد ٩ والا ١١


up 0 down 0
فيصل المغيري 447
قبل 2 سنه و 2 شهر



غريبه كيف انكب الزيت 
اذا ركبت الدزك وكل شي
مر اي بنشري يغلقةً لك


up 1 down 0
باترول 2020 2081
قبل 2 سنه و 2 شهر



فيصل المغيري ايه الله لايهينك دور لأن انا ددسني ياباني مثل 
ددسنك بالزبط.
باترول 2020 الزيت اللي نزل ماهو واجد بس علشان الشكه


up 0 down 2
nissan88 37
قبل 2 سنه و 2 شهر



رح اقرب محل لنيسان وقله عطني زيت قير ددسن يعطيك 

علبه خضرا اربعه لتر اسمه زيت بالبيد هذا للددسن 




up 1 down 0
abomesal 968
قبل 2 سنه و 2 شهر



الزيت الموصى في الدفتر هو 
لزوجته 75-85 GL4
والوكاله نصابين ماعندهم الا زيت 90 و 140 بس
ونفس اللي عند البناشر ( بالبيد وكاسترول وفوكس) 
ودورنا نفس اللزوجه ماحصلت !! واخر حل رحت 
وكالة تويوتا واللي عندهم
لزوجته 75-90 GL4 مقارب بشكل كبير
اخذته بـ ١٥٠ عباه في علبة ٤ لتر بزيت
تويوتا الاصلي من البرميل اللي عندهم

وانا مغيره بنفسي
والله العظيم ان الزيت القديم اسوود وفيه رايش
 وريحته خااااايسه جدا وكلن عقله براسه ويعرف
 خلاصه اللي يبي يغير موفق واللي ما يبي كيفه
لكن....
التجربة خير برهان، بعد التغيير
القير تغيراته ممتازه جداولا صار بعدها اي شيء
الى الان اللهم لك الحمد 


up 0 down 0
عبدالله 711 721
قبل 2 سنه و 2 شهر



وغيرته على ١٢٠ الف 

وطريقة العيار لازم الارض تكون مستويه
والموتر متساوي مو منزل الوجهيه وتغير !!
اقل مافيها خله يرفع الوجهيه بعفريته 
وبعدها يفك البرغي اللي بالجانب ثم اللي تحت 
وبعدها بينزل الزيت وخله يطول الين ماتشوف شيء 
وبعدها نظف البرغي اللي تحت ببنزين او غيره 
لان في البرغي مغناطيس يجمع الرايش ولازم 
تنظفه صح ثم تقفل الصره اللي تحت وبعدها تعبي 
من الفتحه الجانبيه بالقير الين مايطلع الزيت، وبعدها
يوقف عن التعبئه وانتظر شوي الين يتوقف خروج الزيت 
من الصره الجانبيه للقيروبعدها قفل الصره والله يوفقك 


up 0 down 0
عبدالله 711 721
قبل 2 سنه و 2 شهر



والله يوفقك واعذرني على الرد 
المتاخر 

+2


up 0 down 0
عبدالله 711 721
قبل 2 سنه و 2 شهر



الله يعطيك العافيه 


up 0 down 1
nissan88 37
قبل 2 سنه و 2 شهر