تزويد باترول هدرز و فلتر و اسلاك بواجي رياضية

السلام عليكم ورحمة الله وبركاتة اخواني انا نويت اني اركب للباترول 1996 استاندر هدرز و فلتر و الاسلاك بواجي رياضية لاكن مو الان بعد فترة معينة
.
.
ومعروف الانواع البحريني والسويدي والعتيبي طبعاء البحريني باسحب عليه لانه اسعاره نااار سالئت قبل اسبوع قال 3500 ههههه طبعاء صرفت النظر عنه والسويدي يقولون انه حديد ومع المطبات ينسم وثقيل عالموتر وبقاء الاخير
.
.
العتيبي طبعاء ابيكم تقولون وش رايكم فيه وكم اسعاره و كيف جودته و وين محله بالشرقية بالعلم اني ساكن الدمام وطبعاء انا ما عندي خلفية عن التزويد ابدا مالي شهر داخل فيها وكم اخلي مواصيرها 2,5 انش ولا 3 انش
.
.
طبعاء ولد خالتي معه يابانية 2005 مركب هدرز بحريني و فلتر كي ان و اسلاك بواجي رياضيه وهالتك 500 والله يا اخوان اننا نصعد الطعوس والنفود براحه فقلت خلني اربكها لاني اعشق التطعيس و سيارتي تنقص من زمان لانه بيجي واحد يقول ترى تخلي المكينة تنقص !

إبلاغ

الردود

سامي888 : شكرا ع التعليق لاكن انا من عشاق البر والتعطيس وانا مليت الجيب عزمه موذاك الزود ابتل عليه ! نزود شوي و بخصوص امل منها ؟ مستحيل ممكن انت تمل منها لاكن في غيركك يعشقها و طبعاء انا الوتر لما استخدمه مراح استخدمه المدينة ازعج الناس لا ابستخدمة للبر

slimansa 30
قبل 8 سنه و 8 شهر

اذا المكينه 4500 لا تعب نفسك مكينه فاشله ماهنا عزم و التزويد ما يسوي شي

لانها ببساطه 12 بلف عكس مكينه الفتك 4800 24 بلف و تقبل التزويد بالراحه

و كلمة طبعاء تكتب كذا طبعاً

بالتوووفيق

mlk-6 50
قبل 8 سنه و 8 شهر

mlk-6 : والله المكينة ما ادري وش هي لاكن اتوقع 4200 اصغر مكينة لانه موديل 1996 والله شوف العزم كويس الى حد ما لاكن زيادة الخير خيرين نبي ندبل العزم الفتك يا رجال بدون زوايد صارووخ وشكرا للتوضيح

slimansa 30
قبل 8 سنه و 8 شهر

العتيبي مكانه بشارع الكباري قبل وكالة هوندا وشغله حلو وسعره زين

ابو عبدالله 506 240
قبل 8 سنه و 8 شهر

الي يقول مكينه الباترول 4500 ما تقبل تزويد ، بحكيلك قصتي يالحبيب.. قدر الله وشريت باترول ربع 2005 مكينه 4500 واول مره اقتني سياره من نيسان لكن العجيب في الامر اني اول ما اخذتها كانه حمار ما يمشي ايش السالفه ياولد ، سالت كذا واحد معه زي الي عندي يقولون هو كذا ضعيف :/ تحسفت اني اخذته المهم، واسال واحد في موقع حراج قابلته معه زي الي معي وراعي تطعيس، قالي غير هدرز وركب فلتر وبس ، انا الفلتر هذذا ما خش راسي ابد ، المهم غيرت هدرز ستل ستيل من محل 4500 بالرياض ومواصير ودبه ماقنو ، ونظفت الثروتل بدي ، وغيرت بواجي واسالك بواجي وصفايه بنزين وسويت تنظيف للبخاخات :/ قسم ي شباب السيارة تغيرت وعزمها تحسن 100 مره وهذا الي ، انا كنت ناوي اغير مكينه وبعد الشغل ذا بطلت اغيرها عزمها ناسبني ، وهذا الي عندي واسف ع الاطاله

abdullahyanbu
قبل 7 سنه و 12 شهر

واحب ازيد شيء ، كيف الي يركب عليه بوواجي واسلاك بواجي رياضية ،؟ وفلتر رياضي . اكيد بيفرق معه

abdullahyanbu
قبل 7 سنه و 12 شهر