رايكم في نيسان نفارا

السيارة ممتازة كاستخدام واسعار القطع مناسبة ولو انها اغلى من الددسن لكن عموما لا باس بها ومعنا وحده 2011 قير عادي ممتازة ومافيها مشاكل سعر المساعدات 250 او 230 والاقمشة او الفحمات ب80 وفيه نوع ب120 ونوع ب250


والحذاف هو يحافظ على انتظام ونعومة دوران عمود الكرنك ويكون مكانه بنهاية عمود الكرنك باتجاه القير 

السعر المفروض ما يتعدى 30 الف على موديلها علما ان سعرها وكالة ب65-70 الف 

اسأل عن تصليح الحذاف لان اتوقع راح يكلف او مايكون موجود اساسا 

صناعتها تايلندي 

النافارا ممتازه وخويي عنده وحده قير تماتك مرييحه ولا تتقارن بالددسن

من ناحية الراحه اما من ناحية العزم الددسن افضل مع ان مكينة النافارا اقوى 

بس الددسن وزنها اخف والنافارا يعيبها بعض القطع صعب تلقاها خارج الوكاله

انا انصحك بالددسن لانك بتاخذ قير عادي اما لو تبي الراحه التامه

خذ تماتك نفارا وانا احدثك عن تجربهه لان موتري ددسن

نسيت اقولك شيء النفارا تغير شكلها وبينزل الشكل الجديد قريب 

انا م علي فالشكل بس اخوي الحترف يعني مهم مره الحذاف ؟معليش بتعبك لكن اشرح لي نظامه واهميته لاهنت

وعليكم السلام ورحمة الله

النافارا فيه ناس كثير تمدحه لكن انا ما جربته بصراحه لكن انتشاره بالشوارع جيد يعني له ناس يستخدمونه 

الحذاف نعم مهم ويلزم تصليحه فورا 

الحذاف لو خرب يطلع صوت اكثر شيء في بداية التشغيل وهو مهم ولو خرب ماعاد يشتغل الموتر 

لانه هو اللي يقوم بتشغيل القير والمكينة مع بعض 

هذا الشيء صار معي في جمس 1979 

الله يجزاك خير

وعليكم السلام ورحمة الله وبركاته
الجذاف هو ترس كبير خارج المكينة من الخلف ويربط المكينة في عمود الكرنك مع القير وهو مسنن لتدوير السلف للمكينة اثناء دقة السلف للتشفيل.

ركبته قبل فترة فل خليجي اوتوماتيك 
بصراحة مهو بطلل

بطال ** تصحيح للكلمة

موديل كم لاهنت

ميزة النافارا اوسع بكثير من الددسن وكذلك مرتفعة عن الأرض . 

مشكلة النيفارا الحرارة

النافارا كل شي فيه ممتاز لكن فيه مشكلة الحذاف وهو عيب تصنيعي اشتكى منه اغلب المالكين ... يعني حتى لو صلحته بترجع لك المشكلة .. وللعلم نيسان اكدت انها تلافت هالعيب في الموديل القادم من نافارا وانها حرصت على انه يكون اعتمادي 100 في المية ... الشور انك تنتظر النافارا الجديد لانه فعلا موتر مميز او تفكر في الددتسن ان كان ودك في موتر عملي وبس

قطعها نادره جدا ولو خرب كمبيوتر سيارتك وقفها جمب الباب لان مافيه كمبيوترات غير طلبيه شهرين 

طيب الددسن ليه مسحوب عليها قاهرني موضوع سحبت الشركة عليها 

النافارا مشكلتها الحرارة .
اعرف صاحب شركة اشترا 4 سيارات نافارا ستاندر قير عادي ويقول كلها فيها مشكلة ارتفاع الحرارة مع الزحمة ويؤثر على تبريد المكيف. الكلام هذا قبل اكثر من 5 سنين . وانا كنت ناوي اشتريها ولكن بعد كلامه صرفت نظر وشريت دتسن خليجي بقراطيسها والحمد لله روعه .
والله اعلم

شريت 2013 جديدة مشيتها 5000 من يوم مشت 500 كم طلع لي صوت الحذاف المهم مشكلتها الحرارة مالها طب والمكيف يقلب مكيف ماء طاقته الشمس ولا الموتر راسي تمشي 180 كنك تمشي 120 مطبها لين عيبها مثل ماذكرت تماتيك المروحه يتعطل كثير قطع غيارها نادر وغالي الحذاف بيكلفك 3000 ريال المهم بعتها على طول وشريت ددسن ابرك منها وانصحك بالددسن ولا الهايلكس

اضم صوتي لصوت بريق الرياض عندنا واحدة قطعها اغلى من الددسن البواجي ب170تقريباً والمشكلة في تركيبها لازم تنفك الثلاجة يعني شغل 3ساعات واجرة 150ريال اقل شي
والتسارع ضعيف والمكيف ضعيف ، والحرارة ترتفع لان مروحة المكينة ضعيفة ،،،فنصيحة اذا تبغى تسارع ومكيف بارد وصيانة سهلة خذ هايلوكس  واذا ماعندك زود دراهم خذلك  ددسن 

كويس
يعني مانشتريها..