أضف سؤال أو موضوع جديد          

باترول رفع ضغطي الى مستوى الانفجار .

up 3 down 4
slimansa 30
قبل 6 سنه و 9 شهر



سلام عليكم ورحمه من الله وبركاتة صباح النور والسرور اكيد العنوان ابعدت فية لاكن حقيقة !المهم ندخل في الموضوع يا اخوان انا عندي ونة لاكن ما ادري من وين بالضبط لاكن تطلع من 70 الى 120 بس اذا دعست جت واذا شلت رجلي عن الدواسة اكرمكم الله راحت الونة اكيد احد بيقول الكرونة لاكن نشوف يمكن مو منها و ثانيا انا عندي تهريب ما ادري من وين بالضبط لاكن!شوفو الصور  وشيء الثالث انه اذا لفيت يمين اسمع صوت طق طق طق من نفس صورت التهريب بس  والشيء الاخير احس القير خشن جدا جدا يعني يبغالها واحد قوي عشان يعشق واذا جيت اعشق ع الريوس يطلع عرعرعر هههه يعني ما ادري وش البتاع موتري باترول 1996 












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


التهريب من  صوفةالركبة توني مغيرها لصالون كلفتني 500ريال واذا تأخرت بتخرب عليك الرمانات 


up 4 down 0
0ابوتركي0 33
قبل 6 سنه و 9 شهر



الونه من الكارونة  اذا دعست طلع الصوت وذا فكيتها راح رحت عند مكنيكي قال بيفك الكارونة ويشوف وش الخراب
ما رجعت عندة الحين لي سنة ماصلحتها


up 3 down 1
0ابوتركي0 33
قبل 6 سنه و 9 شهر



الونه اذا توها طلعت تراها من رمان الكرونه والبنيون ويمديك تلحق تضبطها

الكرونه صوتها يختفي بعد 140
شيك ع زيت الدفرنس اذا لونه رمادي اعرف انه الجيب كان يمشي بالسيول وخشت مويا على الدفرنس

القير مشكلته لازم طقم دسك وفحمه
التهريب افادوك الشباب وترى معي زي جيبك

واذا عشقت ريوس وماتبي صوت عرر تطلع , اول شئ حطه باثنين بعدين رده ريوص ويفيدوك الشباب


up 4 down 1
منخشق 674
قبل 6 سنه و 9 شهر



اذا الونه تختفي ااذا شلت رجلك عن البنزين تراها من رمان العكس الخلفي ضبطها ويروح ان شاء الله


up 2 down 0
منخشق 674
قبل 6 سنه و 9 شهر



معليش زودت الردود بس الرمان الصوت مستمر سواء شلت رجلك او لا والصوت مستمر بجميع السرعات

انا مع حل ان المشكله من الكرونه وهي بتمشيك سنتين

وبعدين تصير تسمع الصوت وانت تمشي اربعين وقتها لازم تغيرها عشان مايضرب عليك الدفرنس


up 1 down 2
منخشق 674
قبل 6 سنه و 9 شهر



شكرا للمساعدة يا منخشق ابنزل صوره شف الزيت 


up 0 down 0
slimansa 30
قبل 6 سنه و 9 شهر



منخشق : شف الصوره الاخيره الزيت ثانيا القير مالي اسبوعيين مغير دسك وصحن وفحمه هاذا لحالهم ب650 تقريبا وشغل يد ب700 لاكن نفس الموال ما تغير شيء انا كنت احسب اذا غيرت الاشياء هاذا القير بيتحسن وبيصير افضل وبيصير ناعم لاكن طلع نفس القديم يعني ما فيه فايدة قبل ما اغير وبعد ما غيرت !


up 0 down 0
slimansa 30
قبل 6 سنه و 9 شهر



ما عندي اضافة لكلام اخوي منخشق كلامه صحيح



up 2 down 0
t o m a h a w k 761
قبل 6 سنه و 9 شهر



واذا عمل التعشيقدعررررزصوت مثل كذا
ادعس بنزين وادعس كلتش وعشق راح يلقم معك بسلاسة


up 2 down 0
t o m a h a w k 761
قبل 6 سنه و 9 شهر



الزيت كويس ان شاء الله بالنسبه للقير ماني متاكد وش مشكلتك بس معي باترول قيره خفيف ويعر بالريوص

وقال لك توماهوك طريقه حلوه انك تدعس بنزين مع كلتش وتعشق بتحس القير خفيف جداا


up 0 down 0
منخشق 674
قبل 6 سنه و 9 شهر



شكرا لكم يا ابطال حلينا مشكله القير و عرفنا الحل حق الصوت الونة  وعرفنا التهريب من وين وجاري اصلاحه بفضلكم تحياتي


up 2 down 0
slimansa 30
قبل 6 سنه و 9 شهر



ماله ضرر ... بس غير الكرونه ارخص من انك تنتظر لين يضرب الدفرنس


up 1 down 0
مستريح البال 1 1780
قبل 6 سنه و 9 شهر



انا اتوقع ان الزيت له فتره طويله مبين من كميته نصيحتي لك شيك ع رمان العكس ترا اذا له فتره خربان العكس يتآكل ويحتاج تغيير بعد انا اشوف انك ماتتأخر كمية الزيت مايستهان فيها


up 1 down 0
جاسم 12 -251
قبل 6 سنه و 9 شهر



الزيت حول الرمانات وحول علبة الدركسون اذا كان تنديه هنا البدايه ويمشيك اما اذا بدا ينقط وصار بهالشكل مثل عندك هنا لازم باقرب وقت تغيره


up 1 down 1
جاسم 12 -251
قبل 6 سنه و 9 شهر



وعليكم السلام
الصوت احتمال كبير صوت كارونه , ولو تجرب تفك العمود الخلفي وتمشي با الدبل الخفيف وتشوف ,واذا الصوت خفيف ما يضر وبتعيش معك ولا منها  ضرر عدا الازعاج .
تهريب الزيت هذي من الصوفه ,,والسبب انك مركب بالون ماكسس , والبالون لازم تشد الرمان الامامي كل 8 شهور ,وبدون ما تفك الكفر فقط تفك الغطاء ,واذا ما تعرف اقرب ورشه ب 50 ريال ,
ولكي تعرف ان الرمان فيه فضاوه ,ارفع الكفر وامسك الكفر من اعلى واسفل وهز الكفر للداخل والخارج ,
الشي الاخر تاكد لايكون الدفرنس الامامي مليان زيت للاخر , ونقص الزيت نص علبه افضل من الزيادة,
وانت شيك على زيت الكارونه اذا النقص بسيط ما منه ضرر التهريب 
اما الصوت الامامي مع ارتخاء الرمان ,هنا فيه حالتين  للرمان اما يخرب ويحتاج تغيير , او انك تشد الرمان ويختفي الصوت اذا الرمان سليم 
اما ثقل القير , فك ديكور القير والربله وشيك على بلاستيكة القير ممكن انها مكسوره ,واذا سليمه ضع عليها شوي زيت 
والاهم ان نويت تغير صوفه او رمان لا يكثر الشحم 


up 2 down 0
ابونادر4647 285
قبل 6 سنه و 9 شهر



ياسليمان الله يعطيك العافيه تقدر تفيدني عن صوت الونه وش صار منه لاني اعاني من نفس المشكلة بالضبط ولا ادري وش العلم


up 0 down 0
ابو العز 21
قبل 6 سنه و 2 شهر