أضف سؤال أو موضوع جديد          

بعض السلبيات التي تصادفك بالبيع والشراء هنا المزعجه جدا

up 8 down 5
امير الاصيل 1675
قبل 3 سنه و شهر



اخواني  الغالين
السلام عليكم ورحمة الله وبركاته
بعض من السلبيات  السيئه جدا التي تصادف من يعرض سلتعه ومن يطلب الشراء
وهذي حدثت  لي شخصيا   مرارا وتكرارا  في الموقع  ،
التي اتمنى  ان يرى لها حل فوري

1)  عندما  تعرض سلعتك للبيع
* تأتيك السومات إما
* بخس شنيع 
* او  سومات مممتازه  ثم اذا  اعطيته  نية البيع  
طلع الاخ ، يبعد عن السلعه  1100  كيلووو
يعني  السلعه  بالقصيم  واللي يسومون  واحد  في جده  والثاني  بالشرقيه  والثالث  في  تبوك  
ثم يقول لك  وصلها بمعرفتك ،
هنا
يخرب على الناس الجاده  والتي قريبه لسلعه 
(((هنا  المفترض في نظام بالموقع  اذا سجلت بعضويتك انك من القصصيم  
ماتقدر تسوم سلعه في جده ابدا ابدا))))
2)   تجد  مثلا سلعه  سياره  او مواشي او غيره
تسأله كم سوم السياره  
يقول لك  39  الف  والبيع   40  الف
ويكون مبالغ جدا في سعرها  
اذا كان اللي سامهاا ب39  اتوقع ماهي مانعته  1000 عنها  

3)   عدم المصداقيه  في عرض السلعه
حيث عندما  تذهب لمشاهدتها تجد العجب العجاب  ،  وعدم المصداقيه  

4) كثرة  اللي يستهبلون  في الموقع ويسرحون ويمرحون  ويعلقون ماحد درى عنهم  ،،
الفترض(( يكون على طول  حجب العضويه فورا  )))

وننتضر  تعليقاتكم الطيبه  ،،  
وتقبلو خالص احترامي وتقديري لكم  ،،،







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اكثر شي مقزز الي يدخل عالسيارات الغاليه ويكتب تبادل بكامري كم تزودني ياخي والله اني نفسي اذبحه 


up 2 down 1
معالم التقنية 158
قبل 3 سنه و شهر



هلا اخوي معالم التقنيه 
نعم كثير اشاهدهم  ،،  
والمفترض يكون هناك حجب عضويه فوري ،،
حتى لايفقد الموقع هويته ،،


up 0 down 0
امير الاصيل 1675
قبل 3 سنه و شهر



صحيح  كلام 
اما تقول يمنعه الي يسوي من خارج المنطقة هذه لا 
انا من جدة اشتريت من القصيم والرياض


up 2 down 0
salah.e 410
قبل 3 سنه و شهر



هلا  اخوي  صالح  صدقت 

واكيد  فيه ناس  صامل  مثلك  
ولاكن  الكثيررر  يسوم  ويطلع خارج المنطقه  ،،
وانا معك   في هذي النقطه  بعدم منع من يسوم وهو  خارج المنطقه 



up 0 down 1
امير الاصيل 1675
قبل 3 سنه و شهر



عارض جمس تاهو 2007

سعره بالسوق ما بين 55 الى 65 الف حسب المواصفات والنظافة

كنت حاده بـ65 ولا جاب وقلت 62

والسوم وصل 57500

يتصل كم واحد يقول انا صامل ومستخدم 55

طيب يا حيوان ما بعته بـ57500 تبيني ابيعه لك بـ55 ليش عطيتك السومة يا تزيد عليها او فارق

يرجع يقول انا صامل ومستخدم والله تبي تستخدم او تبيعه ثاني يوم وش علي منك بناسبك انا


up 6 down 10
ابراهيم التركـي 1175
قبل 3 سنه و شهر



حط ديسلايك بمكوتك بعد الحمد لله والشكر ههههههههههههه

تراني متسدح بالبيت تحت المكيف يعني لا تتوقع الديسلايك بيذبحني الحر 

المكيف يضرب فوق راسي ولا هزني الديسلايك بشيء

ولا قلت هالكلام المستفز اللحين الا عشان تزيد ديسلايك وتشفي غليلك انت وياه

مرضى قسم بالله ههههههههههههههه


up 5 down 15
ابراهيم التركـي 1175
قبل 3 سنه و شهر



استغفر الله وش هالكلام


up 3 down 1
سلووم 1988 29
قبل 3 سنه و شهر



قبل كم يوم كنت ادور سيارة ع قد حالي المهم حصلت سيارة قيمتها السوقيه 15 بالكثير ولقيت واحد كاتب 25 وفلوسي جاهزة وحاط رقمه من باب الفضول دقيت وطلع بزر مايعرف يهرج حتى وبعد ساعه لقيت راعي الاعلان كاتب ان  السوم 13 واللي 25 بزر  وحصلت 8 واكثر نفس الشي يطير 10 الاف واول تعليق بس يشرد الخلق والمشكله بعض المعلنين يصدق ويقول شفتوا السوم مافي اقل منه ... والمسؤولين بالعسل نايمين اهم شي 1%


up 0 down 0
جاسم 12 -253
قبل 3 سنه و شهر



ههههههه  والله انك شاطح يالتركي 




up 1 down 3
abomesal 1023
قبل 3 سنه و شهر



الله على ايام قد راحت
التركي الله يسعدك ماهو مسوي جو للمنتدى الا هو ويعجبك في قصف الجبهات


up 0 down 0
سعيد الزهراني 1 -8
قبل سنه و 9 شهر