استفسار عن تنزيل الددسن

على فكره التنزيل يفكك السياره من كثر النطنطه
 تقول راكب بعير كل سياره حلاتها شد بلد وبس

لو التنزيل مفيد كان جا منزل وكالة 

نصيحة اذا تبي الموتر يطول معك خله وكالة وارفق عليه

انا منزل السياره ولا مسحتها كلام فاضي ولها تقريبا سنه ..

بغض النظر عن مفيد او ماهو مفيد

نزلتها ما يحتاج وزن ولا شيء خلها مثل ما هي

تحتاج وزن لو كانت سياره قديمة والتنزيله ماهي موزونه

لكن طالما جديدة و الوزن ما سبب حذفه ولا شيء ما عليك خلها مثل وضعها لا تسوي وزن ولا شيء

انا عندي ددسن . 
شوف يالغالي . رفعة الوكالة تصير الوجهه ارفع من الحوض وتشوف بطانة الكفرات الاماميه .
 تحسسك ان السيارة تابعه لشركه .
لكن الافضل تنزلها من قدام بحيث تصير مستويه او من قدام اكثر بشكل غير ملحوظ .
بالنسبه للي يقلك تتفكك ماعنده سالفه فالددسن يحسبها مثل السيدان قصقصه يايات .
القصه كلها مسمار صغير تحركه ترفع وتنزل .. وطالما انك بتنزلها شكل فلاتخاف .
اما الوزن ماقد سمعت فيه ابد . لكن اذا لاحظت مسح مافيه مشكله اوزن والكفر الممسوح رجعه ورا .
بدل كل الكفرات على شكل × .

ويعطيك خيرها ويكفيك شرها .

الددسن رفعه الوكاله تفشل .. 
نزلها وماجايك الا العافيه 

اللي كانت معي 13 خليتها على رفعتها بس مع الوق الموتر ينزل من قدام ومجرب الشي ذا يوم كانت مرتفعه كنت امشي160 وتلعب بالخط بس بعد 3 او 4 شهور نزلت شوي

انت نزلتها 3 سانتي بعد فتره تحصلها نازله 5 سانتي


لو خليتها على وكالتها بتنزل 2 سانتي من نفسها مع الاستخدام


وترى انا نزلت سيارتي ورجعت ارفعها


انا كان مقصودي مايلعب لها الهوى وفعلا كانت افضل مع السفر من ناحية تحريك الهواء لها


لكن فايده وحده قدامها سلبيات كثير


أولا. السياره تصير تنطنط وتصير قاسيه

ثانيا النور يصير بالارض وماعاد تشوف الا بالعالي

ثالثا كل ماجيت توقف قدام رصيف تخاف تصدم فيه

رابعا تخرب المساعدات بدري بسبب الضغط عليها

خامسا بطن السياره يلحق اذا نزلت منطقه جبليه ولا طمرت حصاة


انصحك بعد فتره ترجعها 26 سانتي

الحين انت مخليها 25 لكن بتحصلها مع الاستخدام بعد فتره 23 سانتي


عن تجربه انا نزلتها مثلك 25 ولكن نزلت اكثر الى 23 

ورجعت رفعتها 26 والسياره افضل بكثير وهي مرفعه

ياخوي اللي يخلي الموتر ينزل اكثر مع الاستخدام
هو مسدس الهواء اللي في البناشر يخرب قلاويز
المسامير وتبوز ، عشان كذا تنزل .
والحل اذا بغيت تنزل او ترفع خله يسويها لك 
بمفك يدوووي وانتهى 
انا معي مفك اتوماتيك مع حبه طويل ،، لابغيت تنزل 
لف المفك وانت اضبطها صح  اذا اعجبتك شد عليها عكس
كأنك تبي ترفع الموتر. واذا بغيت ترفعها ارفع الموتر
بالعفريته ولف المفك وبعدها فك العفريته وشف اعجبك 
ولا لا واذا ماعجبك كرر الحركه وانتهى 

اهم شيء تكون تنزيله غير مخالفه !!! 
وانا ماتعدى ٢١ونص مرررره وتنزيلتك ماعليها خوف
والله يوفقك 

يعطيكم العافية ماقصرتم

الددسن 2015 ولا ترسي معكك الا لين تنزلها 19 سانتي تظبط معك اسال مجرب 

يا اخوي الددسن لا احد يضحك عليك يقول تعدم معك مع الوقت والله ي ان معي ددسن 13 منزله 19 سنتي له معي 3 سنين ماشاء الله تبارك الله ما طلع لا صوت ولا هم يحزنون بس التنزيله جامده كانت ف رفعت الموتر 22 سنتي و الحمدلله وضعي بالتمام اهم شيء عند المطبات على هونكك وانتبه ل دقن الموتر هذا اللمطلوب و امورك تمام و ماجاك عندي . و مبروك عليك الموتر يعطيك خيره و يكفيك شرهه و بلله لاحد يشطح مسوي اينشتاين رفعت الموتر لها سبب و مدري وشش الناس ادرى بشعابها و السلام خير ختام