أضف سؤال أو موضوع جديد          

خدمة العملاء في نيسان العيسى سيئة

up 15 down 3
ابو عبدالله الأول 260
قبل 5 سنه و 8 شهر



السلام عليكم ورحمة الله وبركاته

صباح الخير

من من شوي اتصلت على نيسان العيسى علشان أسأل عن عروض رمضان المهم ردت الموظفة قلت بسأل على الباترول الجديد بلاتنيوم 2015 قالت طيب عطني اسمك الثلاثي بعدين جوالك طيب بعدين كيف عرفت الرقم الموحد 
وبعد كل التحقيق هذا كم السعر ردت 2014 عليها تخفيض 30 الف و2015 تخفيض 45 ألف قلتلها 2015 كم يطلع قالت لازم تكلم المبيعات عشان يعطوك السعر النهائي لأن فيه رسوم أدارية أي  خدمة شكرا
اتصلت على المبيعات كم سعر البلاتنيون 2015 ردت نفس التحقيق أسمك وجوالك قلتلها طوني مزودكم فيه قالت علشان المكالمة طيب كم السعر ردت نفس الديباجة 2014 30 الف 2015 45 الف يعني كم يكون السعر ردت هذا اللي عندي بالنظام وتقدر تروح المعرض تاخذ السعر النهائي
رديت قلت ما استفد من المكالمة هذي شي 
عموماً اتوقع حاطينهم عشان يجمعون بيانات عملاء لهم فقط والله العالم

 سبحان الله من شهر شريت انوار سكن ليد من موقع ايباي وبتقييم السلعة قلت منتج سيء واحدة خربانة وبعدها ادهر البائع ايميلات احنا موجودين في خدمتك ويهمنا رضاك وشلون نقدر نصلح الخطأ: ترجع المنتج ونستبدله لك بآخر أو نرجع لك فلوسك أو تخليه معك ونرجع لك فلوسك
طبعا أنا بالرياض ولو برجعه معناها بشحنه واتكلف قلت له بخليه معي واسترجع فلوسي وكل يومين واصلني ايميل هل استلمت مبلغك وفعلاً من كم يوم رجعوا المبلغ 31 دولار تقريباً
بعدها ارسلوا موقع ايباي يقولون ان البائع طلب اعادة تقييمك للمنتج هل توافق ردت نعم وعدلت التقييم لبوستيف بدل نقتيف هذي خدمة العملاء الصح وهم في أمريكا يردون ويتواصلون (ويعوضون)
وين ربعنا يتعلمون منهم.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اشتريت من امازون وصكت براسي وقلت مابيها بعد ماوصلت بريدي الامريكي
طلبت ارجاعها واسترجاع فلوسي
قاولي يومين وتكون راجعه لك فلوسك بعد ما البائع يستلم سلعته
وفعلا رجعوا فلوسي
بس قبلها استفسرو عن سبب الترجيع وعطوني تخفيض 15 بالميه وطلبت ترجيعها
تعامل ولا ارقى منه

مو البقر اللي عندنا موظفين نفسيات وتعامل زفت وهم البائع انه يبيع وبس ومافكر يكسب رضى الزبون
حتى لو يكذب المهم انه يبيع ويسحب عليك 


لا ويكلمك من طرف خشمة كأنك جاي تشحد منه 


up 4 down 4
dawwy 266
قبل 5 سنه و 8 شهر



نيسان عندهم سيارات تصاميمها وديكوراتها حلوه وراقيه وكان لها ماضي عريق بالخليج بس الوكيل دمرها


up 6 down 1
ابو-سعود 148
قبل 5 سنه و 8 شهر



عندنا خدمة العملاء يعانون كثير من المتصلين 

ياخي يدق يتلفض عليكويدق عشان شي تافه ومايهتم لشعور الموظف الممكروف

وترى المكالمات ككثيره بعضهم يستلم 300 مكالمة في أليوم ناس تشتم وناس تتبكبك ووناس تغثك بسماجتها


ف طبيعي يكون منسده نفسه 

انا جربت العمل هذا متعب جدا جدا وكل من عمل في هذا المجال يعرف المعاناه

غير كذا راتب قليل ومايوكل عيش وفي اي غلطه يطردونك

لكن اللي في ebay و amazoon هذا يعمل لنفسه ولازم يهتم بفلوسه وتجارته لانه ماياخذ راتب



up 6 down 6
bandara 1135
قبل 5 سنه و 8 شهر



العيسى لازم يشوف حل للددسن يضبطها شويتين


up 0 down 2
ahamd9477 119
قبل 5 سنه و 8 شهر



نيسان للاسف ماطاحت الا على وكلاء كل واحد اخس من الثاني .. افتكينا من الحمراني وطحنا ف العيسى 


up 2 down 0
بزبوز 171
قبل 5 سنه و 8 شهر



بالعكس انا اشوف العيسى متميززز جدا حتى عروضه جباااره تخيل 45 الف يخصمها لك ؟ بالله وش تبي اكثر ؟

بالنسبه للموظفه طيب هي وشدراها عن الاشياء الاداريه الباقيه ؟

يعني تبي تشتري الباترول وانت جالس ببيتك ؟؟ ياخي والله قهرتني


up 3 down 3
منخشق 674
قبل 5 سنه و 8 شهر



اي نعم لاحظت الموظفات تعاملهم مو ذاك الزود يعني

لكن الاخوان بالمعرض ما شفت منهم الا كل خير والله و الدليل لما جيت استلم السيارة كان في زي دقة بالكبوت و قلت لهم عليها و غيروا الكبوت كله بعد يوم واحد ! و حتى وروني الكبوت اللي فيه الدقة

و حتى الاخوان اللي بالصيانة تعاملهم كان ممتاز

طبعا اتحدث عن فرع اللي عندنا بالخبر مادري عن باقي الفروع

اتمنى كل الفروع و حتى كل الوكالات ترتقي لهذا المستوى اللي شفته


up 1 down 1
m nd m 492
قبل 5 سنه و 8 شهر



^ يعني كبوت موترك صار مرشوش؟ ولا فكوه من سيارة نفس لونك؟
بعدين مسامير الكبوت الشريطية يعرفوا من خلالها انه قد انفك او لا ..


up 0 down 0
ليزو 481
قبل 5 سنه و 8 شهر



ياساتر يا (ليزو) .. انا بعيش في هذي الحياة لاجل الشريطية!!!!!!


up 0 down 0
turkiq 178
قبل 5 سنه و 8 شهر



BANDARA
للاسف مافي نظام يحمي الموظف ويحمي المتصل
يعني المكالمات غير مسجله

عندنا المكالمه مسجله
ابن امه يجي يرفع صوته او يسب او يغلط او يتعدى حدود النظام
رقمه مسجل ومكالمته مسجله يجيبونه من خشمه

كذا لا الموظف ولا المتصل يقدرون بيزوطون لان المكالمات مسجله وفيه نظام يحمي الطرفين لو احد اشتكى منهم