ياشباب نصيحتكم ارمادا او سيكويا الكل جديد

و عليكم السلام و الرحمة
كثير يشكون من مكينة و قير الارمادا
مع انها نفس مكينة و قير الباترول الجديد SE
السكويا اثبت وجوده
كانت في مشكلة بمثبت السرعة اول ما نزل بامريكا قبل ما ينزل عندنا
 لكن ما ثبت شي
مع انه الافضل في هالفئة اليوكوت و التاهو ثم الاكسبدشن

مع اني اكره تويوتا

الا ان سيكويا افضل من ارمادا والدليل شف اي ارمادا حتى 2014 تلاقي كفراتها الخلفيه فارشه

اسوء عكوس هي الارمادا تفرش على طول

بينما السيكويا والباترول والباثفايندر يتحملون نوعا ما

ماتبي مشاوره
شووف اللي بالشارع ويمحط الخطوط
هل هو الارمادا ام السكويا
اكيد الاسد السكويا 
معرب الجدين ابن تويوتا
فخامه     توفر قطع غيار
قوه محركات
يمسك قيمته
رغبة السووق له
وعملي
وشكله حلووو
عكس الارمادا
اللي ماعمري شفت الا 1 فقط
ويكفيك شكله اللي تقول صندقه
غير النيسان اللي دحدرت من تالي.

نصيحه طق لك المعروووف سكويا 
ادري كلامي ماهو معجبكم لاكن من طلب شورك دخل بذمتك


      

كلام جميل 
بس انا اعرف النيسان ومجربة ومجرب التويوتا 
سالفة القطع خالصين منها 
وسيدان مكسيما والتيما خالصين منها 
وبطل الدروب نفس السالفة 
وعارف ايش من لحية 
لاكن الارمادا والاكستيرا والباثفندر القديم مالي تجربة فيها اطلاقا
وعشان كذا اخاف انه عملي او لا 

بديت اميل لسيكويا مع ان شكله جدا مو عاجبني خصوصا الواجهه اقرب للبشاعة 
لاكن مايهم اذا كان كفو
خصوصا ان اشوف مواضيع كثير 
عن مكينتة 5.7 الي مسح روس والى عنده صوت بلوف 
وهذا الي مخوفني 

ارشح السكويا 
اشوفه بكثرة في وادي الدواسر و السليل و تثليث 
يهربون عليه و يحملونه و مغط خطوط في عز النهار 
و له مدح عندهم مع ان استخدامهم واضح عليه 

الارمادا فيه شكاوي من القير و سيارة نادرة الوجود 

سكويا اذا ما همك قيمة القطع زغيرها او ﻻندكروزر او باترول

من تجربة السكويا و أنت مغمض
ما شاء الله عليه
يعطيك عزم حتى و أنت ماشي 160




أما من ناحية الكرف السكويا يكرف و يمشي 200 الف و لى ماسك سعرة و كأنه جديد بغبار الوكالة

مسح الراس يسير في كل موتر اذا أهملت ارتفاع حرارته

سكويا مع ان حجمه كبير وعريض مره وشكلها ماهو ذاك القد

لكن مشهود له انه عملي 

اما الارمادا ما اقدر اقول عنه شيء لاني ماجربته او اعرف احد معاها ارمادا

فما حبيت اظلمه

والله كانك تبي الحق الموتر الي يعجبك خذه كلهم مواتر كفو 

وبالنسبة للي يقول كفراته فارشه انا كنت اقول نفسك طلع ذا نظام ثبات بالموتر الارماد كفو والسكويا كفو 

شف الي يعجبك وتوكل على الله العزم والقوة تقريبا نفسها مافي ذاك الفرق الارمادا نفس مكينة الباترول والسكويا نفس مكينة ال vx.r 

وكلهم مواتر مشهود لها بالتحمل 

والله يكتب لك الي فيه خير

أنت تريد الأرمادا
ونحن ننصحك بالسكويا .
والأمر لك

صدقت جاسم الدوحه
اخونا. مايل. للارمادا
والله. يوفقه. باللي فيه خير. له

الارمادا افضل بس مايمسك سعره الحين موديلات 2007 تنسام ب 23 - 26
السكويا أقبح و اقل منه فخامه  بس انه يمسك سعره وبي 
انا شكل السكويا يعجبني لان كذا تحس انه مكشر ههههههههه هيبه 
بس هو ما عجب احد الا انا ههههههههه 

جزاكم الله خير ياشباب 
ورائكم على العين والراس 
وصحيح ميال الى الارمادا 
لاكن حبينا نشوف اراء الي مجربينه
واذا ابي ابعد عن الارمادا ماراح اخذ غير السيكويا
ولسى نشوف اراء 
وحياكم الله 

وبنسبة لسعر اعادة البيع اكس علية 
لان الموتر راح يكون لمشاوير البيت فقط 

انا مجرب الارمادا 5 سنوات سياره ممتازه لكن لاتاخذ الا جديد
والسيكويا ممتاز لكن الارمادا يتميز بالفخامه الداخليه احسن من
السيكويا اللي يعيبه داخليته البشعه وسعر اللميتد 200 الف اما
الارمادا ارخص منه فل LE 165 تقريبا فرق 30 وحولها وموصفات افضل
ويعيب الارمادا مطبه قاسي ومساعداته سيئة اذا غيرتها بمساعدات بلستن
تنتهي معك مشكلة المساعدات والوكيل سيئ اما من ناحية المكينه كلهم نفس المستوى 
والقوه عن تجربه وقطع الغيار نفس بعض ومتقاربين بالسعر اتمنى اني ساعدتك من ناحية 
الارمااد وكلا السيارتين خيار ممتاز ولك حرية الاختيار  واي استفسار انا حاضر 

كلام امير الاصيل 
تسني أميل لوه 

^_^ اعجبن

الاكسبدشن و بس