نيسان باثفايندر 2005 او هوندا اكورد 2006 - 2007

اخوي حسب استخدامك
انت تقارن بين سيارة سيدان وسيارة دفع رباعي
اذا ما تفرق معك خذ الانظف من بين الثلاث سيارات
وطبعا بالنسبة لقطع الغيار اسعارهم متقاربة من بعض

إذا تبي سياره ماتعبك

الاكورد ممتازه

أي سياره مستعمله لها 8 او 10 سنوات راح تحتاج الورش بشكل دائم تبي ترتاح اشتر لو اكسنت موديل حديث يعني ماراح لها الا سنه او سنتين بالكثير

هوندا اكورد شيك على علبة الطارة وتوكل على الله بالنسبة للباثفاندر لاتقربه اذا تعدا ال100الف فما بالك بال200

خذ الجيب إذا النظافه قريبه لبعض 
افضل لو تكشت لو تطمر رصيف الجيب افضل بكل شيء 
ولا ذ  برأي شيخ المعارض شفلك اكسنت جديده تريحك من الورش

الباثفندر حسب قراتي له في منتدى مكشات كل اصحابه يشتكون منه ولهم رابطه فيه تقدر تشوفها 
حراره + تخبيط مكينه + خرابات ثانيه ماانصحك فيه حسب قراتي لمشاكله 
الهوندا اكورد ممتازه وكانت عندي 2007 وبعتها 
مشكلتها قساوة المقاعد تكسر الظهر خاصه في السفريات 
ومن 2006 وتحت فيها عيب مصنعي الي هو علبه الطاره 
لاكن ان طلبت قطع ركب اصلي وانساها 

اخوي ابو يزن صح كلامك مقاعد الهوندا وبالذات الأمامية فيها قساوة تحس كأنها كراسي رياضية
لكن مشكلة علبة الدركسون  مانقدر نعتبرها عيب مصنعي لأنها مشكلة محلولة في حال توفر المهندس المختص

كل سيارة فيها عيوب مثل الجموس من تجربة دايم طرمبة البنزين تخرب  قيمتها فوق ال1000 ريال وفكها صعب  
ويصير مجموع سعر الطرمبة مع الشغل حول ال1800 ريال
هذا غير مشكلة طرمبة الزيت والموية والدينمو وعلبة وباكم الفرامل والثلاجة وو... وهلم جرا

الأكورد عندي وحدة 2007  وكان فيها مشكلة علبة  الدركسون اشتريت لها طقم اصلاح اصلي
ورحت عند مهندس باكستاني متخصص في الهوندا  وكان شغال في شركة هوندا قسم الصيانة

وضبط لي الشغل  ولها الآن حوالي سنة ونص ولافي اي تهريب ولله الحمد 
وكلف كل الشغل : طقم اصلاح + اجرة +  علب زيت دركسون هوندا اصلي =700 ريال 

العيب في الجلود والصوف حق العلبة تستهلك بسرعة  
ويبغالك تسوي اصلاح  بمعدل كل 5 سنوات عند اختصاصي فقط للهوندا ويعرف لمشاكل علب الهوندا

اما إذا تكرفها خطوط يمكن تقعد معاك السيارة اكثر من خمس سنين من دون مشكلة العلبة لأنه داخل المدن لف الدركسون يكون اكثر

ووجهة نظري اني اسوي اصلاح كل 5 سنوات ب700 ريال

 احسن من اني اخسر 4 الى 5 آلاف ريال  كل 5 سنوات على قطع للجمس غير استهلاكية وهذا هو العيب الحقيقي في السيارة

واي شخص عنده خبرة في السيارات يعرف انه اجود السيارات اليابانية هي سيارات الميتسوبيشي والهوندا
وقيورها الاوتوماتك  من اقوى القيور تحملاً

وياراعي الموضوع مااعتقد ان الأكوردات اللي لقيتهم ممشاهم حقيقي لأنه اكثر ملاكها يكرفونها خطوط ماشاء الله

وبعضهم وصلوها 500 و600 الف كيلو من زمان 

لكن مو معناتها  انه مافيه اكوردات  ممشاهم قليل لكن تأكد من نظافة السيارات قبل كل شي

وتأكد انه زيت علبة الدركسون  اصلي يجي  لونه اصفر والزيت الاحمر اللي هو زيت الجيربوكس  مايصلح
ويعدم علبة وطرمبة الدركسون

وبالتوفيق للجميع

اخوي نادر اتفق معاك في كلامك 
لاكن انا حبيت اوضح له النقطه هاذي وكل سياره لها عيوب 
وبالمناسبه الخطاء المصنعي بعلبه الطاره حلوه في 2007 
وبعدها الوكاله طلبت الموديلات الي قبل لاصلاح المشكله على حساب الشركه 
لاكن بالنسبه للهوندا والله اذكر انها ماطلبت شي غير مساعدات واقمشة بعد كرف اكثر من 5 سنوات 
وفيها رساوه ماشاءالله تبارك الله والسياره متماسكه لاقربعه ولااصوات ولاغيره 
ذكرتني قبل كم شهر سافرت بسياره رحيمي هوندا اكورد 2010 
اقسم بالله ماتقارن بالـ 2007 لا صناعه ولاجوده من ديكورات وغيره 
يازين الـ 2007 إذا كانت نظيفه وتبقى مشكلة المقاعد  : (
وبالتوفيق 
+ لايك

اخوي انا مع  كل نقطة ذكرتها  في كلامك 
لكن متى الشركة استدعت موديلات ماقبل 2007 ؟

انا كان عندي تهريب من علبة الدركسون في سيارتي اكورد2007 مثل ماذكرت فوق
 يعني مايشملني الاصلاح على حساب الشركة؟

وعندنا هوندا سيفيك 2005 فيها تهريب من علبة الدركسون من حوالي سنة  وكل مانقص الزيت زودنا الزيت
والأمور ماشية تمام لكن مايشمل الاصلاح حتى هذي السيارة ؟

ولك لايك كذلك

اخوي نادر 
هذا استدعاء للايرباج 

http://www.assayyarat.com/forums/t288238.html

وهذا لعلبه الطاره 

http://www.hondaarabia.com/club/showthread.php?t=17025

والكلام هذا قديم على ايام مااخذتها 

السيفيك ماادري يالغالي 
إلا إذا تسوي بحث عن السيفيك هل كان لها إستدعاء او خلافه

يعطيك العافية على هالمعلومات 

لكن اللي مستغربه اني اعرف واحد كان عنده هوندا اكورد 2006   وصار تهريب في العلبة عام 2010 تقريباً

وهذاك الوقت ماكان يعرف انه في مهندسين مختصين ممكن يضبطون العلبة 

واضطر يغير العلبة مدري عمود الدركسون في الوكالة ب4آلاف وكسور  بدون مايكلمونه عن اصلاح مجاني عندهم!

وآسف تعبتك معي ياغالي

الباثفندر ممتاز بس مثل ماذكر اخونا ابويزن التخبيط وهو جديد بس الحل
رهمة ماكينة وقير وانساء الورش والخربات موتري رهمتة ومشاء الله علية يبي الى يجاكره
وصرفية بنزيل بسيطة والقير والماكينة تبيعهم وبقيمتهم ترهم ويطلع لك زود قروش
اذا احد حاب يرهم انا مستعد اساعدة وتحياتي ..

الباثفندر ممتاز بس مثل ماذكر اخونا ابويزن التخبيط وهو جديد بس الحل
رهمة ماكينة وقير وانساء الورش والخربات موتري رهمتة ومشاء الله علية يبي الى يجاكره
وصرفية بنزيل بسيطة والقير والماكينة تبيعهم وبقيمتهم ترهم ويطلع لك زود قروش
اذا احد حاب يرهم انا مستعد اساعدة وتحياتي ..

الباثفندر ممتاز بس مثل ماذكر اخونا ابويزن التخبيط وهو جديد بس الحل
رهمة ماكينة وقير وانساء الورش والخربات موتري رهمتة ومشاء الله علية يبي الى يجاكره
وصرفية بنزيل بسيطة والقير والماكينة تبيعهم وبقيمتهم ترهم ويطلع لك زود قروش
اذا احد حاب يرهم انا مستعد اساعدة وتحياتي ..

كيف احذف واحد يكفي 

نادر اخوي بالنسبه للوكالات جشعين وماراح يعلموك باي شي مو بصالحهم 
ممكن عن طريق وزارة التجارة تلزم الشركه باصلاح السيفيك او الهوندا إذا حصلت اي خبر لااي استدعاء 
بمعنى انك ترفقه بشكواك إذا الشركه رفضت 

اخوي ماجد الله يجزاك خير على التوضيح والتكفل بمساعده اي شخص بيرهم 
بس ماضنتي ان الرجال بيرهم 
وبالنسبه للرد المكرر ماعتقد فيه امكانيه إلا عن طريق المشرف

صدقت اخوي ابو يزن فعلاً جشعين ونصابين  ومااعتقد في وكيل سيارات في السعودية إلا وله حصة من النصب
 
جزاك الله خير على كل هذي المعلومات 

والله يوفقنا جميعاً لمايحبه ويرضاه 
تحياتي لك

اللهم امييين ولكل من يقراء 
موفقين جميعاً