باخذ رايكم في صني 2015 ومشاكلها

سعرها جداً ممتاز صراحه اشوفها منتشره والسياره عمليه يعيبها خلفيتها جداً سيئه ،،،

ي ابن الحلال لاتستشير احد بهالمنتدى شوري عليك اغلبيهم بزارين 

انشد الشركه او انشد خوياك احسن واضمن والله يطعمك خيرها ويكفيك شرها 

موتر جديد + على يدك + وتحافظ عليه ومهتم فيه 

راح يعيش معك

ولا ما كان شفت الجيلي الصيني بشوارعنا

فما بالك بالياباني

اكيد راح يعيش معك بدون مشاكل لكن حافظ عليه عشان تنسى شيء اسمه ورشه 

تسير بس تعبي بنزين وتغير زيت وفرامل

طبعا انا شفت اعلان لها قبل اسبوع عند عماد الدين ب 34 الف ومن مواصفاتها ارباقين وكثير من السيارات اللي في فئتها بدون ذكر اسماء ارباق واحد

مواصفاتها حلوه جدا على سعرها ومكيفها من مجرب يكسر عظام وجهك ما شاء الله بس انها غير مريحه بالسواقه

يالليل الليل ويوم ان المنتدى حق بزارين ليش جالس وسطهم يالبزر ؟

اذا 2015 الشكل المطور الوجهيه مختلفه ترا قيرها CVT
و اذا بتتأكد شف على باب الشنطة على الزاويه يمين مكتوب
Xtronic CVT
كثيره المواضيع عن تقنية قير الCVT و ايجابياته و سلبياته
ابحث عن طريق مربع البحث الاخضر بأعلى الصفحة يسار

ابو نجوى او اي احد يعطينا بالعامية وشهو نظامه الcvt 

يعني وش سلبياته وايجابياته لإني ممكن أخذ صني ٢٠١٥ 

ياليت تفيدونا لاهنتو

الCVT باختصار قير نمره وحده تزيد السرعه بالدعسه
مهو بتغيير النمر القير من داخل فيه زي السير معدني
يكبر و يصغر حسب الدعسه و السرعه
مهو بكلتشات يعني اذا صار شي بالسير مثل اللي صار معي بقير التيما 2010
مالك الا تغير القير ماله تصليح لكن سمعت ان نيسان طورته من 2013
و مار يفصل عند الاستمرار على سرعه مرتفعه فوق 140  

القير لا تشيل همه بارك الله فيك

كان معي 170 طقت 155 الف على استعمال خالي جلد وخطوط ويعشق القير ويغير تبديلاته قبل توقف السياره واخذتها منه ومشيتها فوق 170 الف 2008 وبعتها والقير وكاله ولا طلع به اي عيب

ونزل اعلان قبل فتره ونزله احد الاعضاء عن التيما قيرها سي في تي طقت 570 الف 2009 ماشاءالله وقير وكالتها

اضافه انه قير طبيعي مثل مثل اي سياره

الاكورد اللي تكرف والاكسنت اللي تكرف والالتيما واغلب المواتر سار قيرها سي في تي 

لو ماهو حلو ماكان حطوه بالهسيارات ^^

موفق

كان معي التيما **

استأجرتها كم يوم ... هي في النهاية من السيارات الصغيرة
لكن عجبتني في بعض الامور .. اول شي واسعة من داخل بشكل عجيب ثاني شي مكيفها ماشاء الله طرب وثالث شي فيها مزايا امان اساسية ماهي متوفرة في سيارات اكبر والاخيرة سعرها المغري جدا ... السيارة اتوقع تحرق الاخضر واليابس في سوق السيارات الصغيرة لانها الان تنباع جديدة ب 33 الف وبالنسبة للي حاب يشتريها كسيارة ثانية لمشاوير البلد اقول له انها افضل خيار على الاطلاق والله اعلم

وش فيه معرض بالرياض يبيع بالسعر 33
ومتى يتغير شكل السيارة