الي عنده خبره ددسن دبل يتفضل

اخوي كم موديله الي تبي تشتريه ؟

انا معي 2014 كارفها كرف خطوط بر كل محل تروح الحمد لله ماشتكيت منها

لكن ترا كفرات البلد ماتصلح لرمل انا مغير الكفرات ياسلام تمشي حتى اسحب بعض الأوقات ناس مغرزه دبلها ممتاز

2015                                    

يارجال ددسن مكينه وقير ودفرنس من سنة السبله ماتغيرت<< لاتحسب اني اسبها لا موتر مافيه تعقيد ولاشيء
وسعرها مناسب بالحيل
والدبل جربتها بالبر مع صديقي والله دبلها طيب ماتوقعته كذا  بسبب وزنها لكن موتر حق كرف
انا شاري 2013 كديتها وبعتها بنزين وزيت ولاتشيل هم عطال بالنسبه للفرق بين العادي والدبل
الوجهيه الشبك والشمعات ماتوقع فيها شيء مكانيكي مختلف وال2015 هي 2014 كل اللي تغير اشطرطون

الددسن موتر كد ومد  اهو اللي باقي فيه عز واصاله السيارات اللي احنا خابرينها ماتطلب قطع يعيبها الغمارة الخلفيه لو اكبر شوي 
كان هذا المطلوب اهم شي تابع زيوته اول باول يكد معك عطه ويعطيك حتى لو تبي قطع غيار المحلات مليانه والتشاليح كذالك الله يسهل امرك