محذووووف لتم معرفة المشكلة

مناسبه للرمال والطعوس والارض الحجريه ماتحس بمطناج ابد ويحافظ ع السياره من الهربده

وبعض الاحيان اذا طريت الكفر ينفك الكفر من الجنط في الطعوس

في الاسفلت  وقت الامطار يزحف الموتر ويفضل يكون الهوى فيه 40 اذا زفلت

ميزته مافيه اسلاك يعني ان شاء الله ماينصلخ عليك الكفر انا اشوفه ماهو مريح بالسفر ومدري عن راي الناس

افضل نوع سيام وابعد عن شاهين

الجنوط الهلل اللي شكلها زي جنط الهيلوكس السوح اللي يجي دواير صغيره مثل العمله المعدنيه دير مادار عالجنط

جربته بالنفود ممتاز جدا وسعره مناسب 

ميزت البوالين / تريح الموتر بالبر وضروري تنزل الهواء ل٢٠ او اقل علشان تفيدك بالبر والميزه الثانيه نصبه على الجيوب
اما عيوب البالون / ثقيل على الموتر + عدم الرساوه بالازفلت ( خطير ) + يعدم تحتي السياره من جاب واذرعه ... الخ
يعني يصلح لسياره بالبر علطول وانواعها تقريبا ( ابو جمل وهو الدارج من اكثر الناس ومالون وهيرو وسايم تير وابو لولو وسوموتومو
اما جنوط الهلل تعتبر انسب مقاس للبالون من ناحية العرض وتعطي نضره احسن من غيرها 
وبالتوفيق اول وتالي ياعزيزي

ينفع في البر فقط لا غير 
حجر ماحجر وزفلت ولا غيره مايمشي فيها 
الحجر يبغاله كفرات نحيييفه 
والزفلت يبغاله اللي تعرفونه لا  عريض ولا نحيف

بيض الله وجيهكم ما قصرتو لاكن يعني تنصحوني اركبة ؟ لاني ببدا اروح البر اطعس لاكن انا الي اخبره لو لفيت لفة حادة ينقلب الموتر . ولا ؟

 نصيحه لاتركبه خير شر 
الكفرات العاديه تأدي الغرض وزياده 
وسواء ركبتها ولا ماركبتها التنسيم والتغريز وراك وراك 

وعليكم السلام
,,البالون مخصص للحجره فقط ,بشرط ان الهواء يكون 20 , وللرمل ما يصلح ,ولو هو كفر رمل كان شفنا اهل التطعيس يركبوه ,البعض يركبه للشكل فقط, واغلب من يركبه اهل الطرد واهل الطيور , لانك تطرد فيه ما تحس في بطانيج ويحافظ على السياره من قصوص البدي ,لكن اذا بتركب ,لازم الجنوط تكون اصليه من شان ما يشغلك بالرجه ,والزبده اذا منت راعي طرد ومقناص بالوعر لا تركبه