أضف سؤال أو موضوع جديد          

عند بيع السياره على شريطي

up 6 down 3
tke-tke 47
قبل 7 سنه و شهر



سلام عليكم ورحمه الله وبركاته 

انا قريت وسمعت نصايح واجده تقول لاتخلي الشريطي يسوق موترك الا بعد مايعطيك عربون

وش هي الاشياء اللي ممكن يسويها اذا عطيته السياره يجربها ؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نظام الشريطيه يسوم السياره بي 50 واذا طلعت وجربها قال ماتصلح خفض لي يطرح منها 10 الاف اما اذا مسكت عربون خلاص تمسكه ولا يروح عربونه

اكثر الشريطيه اذا قلت وين عربونك ينحاش هههههههههه


up 7 down 0
ابو ابراهيم2021 352
قبل 7 سنه و شهر



العربون توثيق…   وتراااه.  يطلع ويجر ام ام السيارة وبعدين يقول القير ماجازلي احسبه قير طياارة ..وهو طلع قير عادي


up 6 down 1
ابوحاتم6 469
قبل 7 سنه و شهر



هههههههه طيب ليه يسوي حركته هذي؟؟
عشان يمسكني ويقدر يبخسها بكيفه يعني ؟


up 3 down 2
tke-tke 47
قبل 7 سنه و شهر



خساااسه↑↑↑   منه اذا شاف سياره نظيفة.  ولا بعتهاا له بسعر رخيص


up 2 down 1
ابوحاتم6 469
قبل 7 سنه و شهر



خذ العربون وان قال ماجازت لي السيارة راح عليه عربونه وحلال عليك 
ولو معك خيزرانه تجلده بها مالك الا الاجر لانه يعتبر مفسد في الارض ..
والاكيد انك اذا قلت له هات عربونك ينحاش مثل الكلب 


up 13 down 0
faisal_fahd -66
قبل 7 سنه و شهر



احذرك منهم يا عزيزي 
نظامهم يركب و يحرق والدي السيارة ثم ينزل منها يعطيها سعر مو حقها بخس لاخر الحدود و وجهه يتغير و يحسسك انه نازل من سياره خرده حتى لوو سبارتك ماشيه الف كيلو 
لا تخليه يقربها الا و يدفع عربون و اذا جاد بيدفع و اذا ناوي يلعب عليك بينحاش 


up 3 down 0
rraammooss 965
قبل 7 سنه و شهر



صحيح ان اغلب الشريطيه بدون ﻻذمه وﻻ ضمير ﻻكن مره
لقيت ولد صغير معه النترا وواقف قال استعمال الوالد وقلت
بس صيده وجا ابوه اﻻ طلع شريطي طبعا وقتها انا غشييييييم
ماعرف شي عطيته عربون وجربتها وﻻ اعجبتني ورجعت له
قلت مابيها وابي نص العربون بما اني كنت عاطل ومطفر وفلوسي
محدوده طلع العربون وقال مابي منك شي وعطاني عربوني ..


up 2 down 0
الشمري 1414 224
قبل 7 سنه و شهر



قصده يطلعك من الحراج

ويلف ويلعب بمخك


up 2 down 0
ألو مرحبا 1895
قبل 7 سنه و شهر



هل من حقك تاخذ العربون؟؟بغض النظران كان شريطي او لا.
الرجال طلب منك يجرب الموترولم يتفق معك اتفاق نهائي على شراء الموتر.فبعد التجربه حقه يتمم البيعه او يعتذر بأن الموتر 
ما جازله.والعربون ليس من حقك ابدا
الا اذا صار اتفاق مثلا واتفقتوا بان تسمح له بتجربة الموتر وان ما جازله لأي سبب ان كان السعر او الحاله الميكانيكيه ,العربون يصير من حقك. 
والله اعلم


up 4 down 3
ابو فارس10 358
قبل 7 سنه و شهر



الوالد كان معه كابرس Ls 2007 ستة سلندر ماشيه 73 او 76 الف تقريبا قبل سنه تقريبا لونها ذهبي و السيارة سليمة جاه شريطي و قال ب 29 الف ريال و في الاخير باعها ب 31 الف 

قلل في حقها 


up 1 down 3
khalidoo 1167
قبل 7 سنه و شهر



العربون هذا تاخده قبل تجربة السيارة اذا كان البيع في الحراج على الميكرفون لأنه الحراج معروف مايحق له يجرب  لكن كثير ناس متساهلين في البيع .
اما اذا بيع برى الحراج و على الشرط يحق للمشتري تجربة السيارة بدون عربون


up 2 down 2
chevrolet zr1 610
قبل 7 سنه و شهر



نعم صارت معي ركب السياره وجرب ومالقى شي واخرتها وداني مكان بعيد ونزل وتركني واستاهل لاني ماخذت عربون
=1 لايك للجميع


up 2 down 0
الشرقية1 270
قبل 7 سنه و شهر



فيه بعض الشريطية يمسكك اول العصر ويقعد يقلب بالسيارة ويفحص شوي تحت حفره وشوي يفحص البدي ويقعد يطلع اي عيب بالسيارة ويكبر العيب واذا مالقى عيب يقولك لونها مو مرغوب موديلها قديم .. الخ

طبعا اول مايركب السيارة يقولك ٥٠ واذا جرب يقوم يعيب بالسيارة عيوب ماهي موجودة اصلا ويطلبك تنزل له ويحاول ياخذها ب ٤٠ مثلا 

وانت تكون طفشت من اول العصر وهو مبلشك فبعض الناس يبيع 

لكن انت كن واضح مع المشتري قل له عيوب السيارة عشان تبري ذمتك ولا فحص وقالك الموتر فيه وفيه تقوله انا قايل لك قبل 


up 2 down 0
أبو ناصر 60
قبل 7 سنه و شهر



ولا يحق لك تطلب عربون قبل يركب السيارة الا اذا كانت السيارة تحت المكرفون ( حراج )


up 1 down 2
أبو ناصر 60
قبل 7 سنه و شهر



لا ياحبيبي طبعا باتفق انا وياه على سالفة العربون ومهب شرط موتري يكون تحت الحراج 


up 0 down 0
ahamd9477 119
قبل 7 سنه