أضف سؤال أو موضوع جديد          

تغيير قزاز السياره باالصور ..

up 26 down 23
.ابوظافر 35
قبل 3 سنه و 11 شهر



السلام عليكم ورحمة الله وبركاته .. معكم اخوكم عبدالعزيز .. وانا متابع للمنتدى من فتره طويله ولاقد نزلت موضوع .. كلها اللي نزلتها استفسارات .. المهم موضوعي اليوم هو اول موضوع وهو يتكلم عن قزاز السياره الامامي .. طبعا قبل سنه تقريبا انشطب القزاز الامامي ع طريق الدمام وكان بصراحه شطب تقريبا (نص متر) وكان موقعه يعميك عن شوف السياارت لانك وانت جالس بالسياره عينك متساويه على نفس الشطب اللي ع القزاز .. المهم جيت افحص السياره ويوم وصلت قالي واحد ماتعدي الفحص الا لو كان الشطب (عشره صانتي) او اقل .. طبعا قلت خل اغيره ابي اشوف الوكاله اول شي .. رحت مخرج (18) وكاله العيسى واحصل سعره تقريبا بعد الخصم (950) طيب كم سعر التركيب ..قال تقريبا (800) رحت للحمراني وهو قريب منه .. قال سعر القزازه تقريبا (1100) وكم سعر التركيب بعد الخصم والكلام قال (750) مشيت من عنده ورحت الصناعيه القديم لمحل القزاز اسمه (السالم) .. قلت له عندكم قزاز التيما 2009 !! قال موجود قيمته (600)مع التركيب .. قلت وينه خل اشوفه .. قال بالمستودع .. طبعا رحت انا وياه المستودع وهو جنب المحل .. قال هذا ماليزي .. مسكت القزاز وشفته خفيف يعني ولا ارتحت له .. قلت لو اجيب قزاز وكاله كم تركبه !! قال (180) ورحت الوكاله واخذت القزازه واخذ معه الجلده اللي فوق ..طبعا يوم جيت تقريبا الساعه (2.30) كلمت المشرف عليهم قلت ترى القزاز وكاله .. راح وجاب افضل عامل فيهم .. وبدا التركيب .. طبعا من يوم فك القزاز لين خلص وانا عنده مارحت مكان .. تقريبا جلس ساعه ونص بالفك والتركيب ..
بعا الغراء حقهم اصلي وقالي فك اللزق اللي ع القزاز بكره العصر .. انا فكيت اللزق بعد يومين .. طبعا اللزق نوعيه ممتاز وينفك بسهوله ولا له اثرا ابدا .. طبعا اللي بيدقق بالصور بيحصل ان الشطب تقريبا على نفس مستوى الدركسون الى جهة المرايه الوسطى .. يمكن مهو واضح لكم  بالصور لان القزاز عاكس لجدران المحل .. طبعا المحل عطاني ضمان سنه او (6) شهور ضد التنسيم او نزول المويه  ناسي باالضبط كم عطاني  !! هذي تجربه شخصيه وحبيت اشاركم فيها .. ومنها نفيدكم ونستفيد منكم .. ( عزيزي القارئ هل تم تغيير زجاج سيارتك !! شاركنا بتجربتك ) دمتم بود ..
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صراحه انا هالاشياء لازم الوكاله خوفتك يطلع تنسيم هواء هنا المشكله على الاقل الوكاله تظمن شغلهم


up 1 down 2
فيـfaisalـصل 24
قبل 3 سنه و 11 شهر



باالنسبه لي .. شغل العمال ممتاز جدا .. والوكاله تاخذ (800) ولا فيه فرق اصلا 


up 1 down 1
.ابوظافر 35
قبل 3 سنه و 11 شهر



ما فيه تنسيم ولا شيء ذلحين بعض محلات القزاز الصغيره اللي على الشارع تعطيك ضمان سنه من الهواء والماء
هي على حسب جودة الغراء اللي يقولك ما اعطيك ضمان هذا الغراء اللي يستخدمه نوعه ردي أو انه قليل خبره في التركيب

ويا راعي الموضوع اول ما ينخدش عندك القزاز سوله معالجه في نفس اليوم يمكن ما يكلفك 50 ريال عشان لا يتمدد وتخسر نفسك

http://cutt.us/qLLp


up 2 down 0
ساقي العين 306
قبل 3 سنه و 11 شهر



هو ده التوفير المظبوط ، درس عشان الواحد يجتهد يفتش الأرخص مع نفس الجودة .


up 7 down 2
mutasem musa 8
قبل 3 سنه و 11 شهر



800 ريال تركيب
والله وكيل مازدا من افضل الوكلاء وقطع غياره ارخص تغير القزازالامامي مع التركيب 1250ريال 
التركيب 200ريال والشغل مايحتاج اقوللك على اسمه وكاااله لاتنسيم لاغراء زايد ومشوهه المرايه الي بالنص يحطوللك غراء اصلي والله لوتتعلق فيها مايطيح
والله المازدا كل يوم تكبر بعيني 


up 3 down 2
عقاب الخيل. -62
قبل 3 سنه و 11 شهر



أنا غيرت قبل سنه ونص تقريبا عشان الفحص

القزاز الامامي مكسر كله من الحجر وأنعدم ركبت واحد صناعه سعوديه ب 120 وضمان 6 شهور ضد الهواء أو التنسيم

وللحين تمام ولا فيه أي مشكله الحمدلله


up 2 down 0
عبدالله الغامدي ٧ 108
قبل 3 سنه و 11 شهر



ساقين العين كلامك صحيح رحت لهم قبل اغير القزاز عشان اشيل الشطب .. قال لو انك جاي من اول ماصارت المشكله كان يمدينا نحلها .. لكن الحين خش في داخل الشطب تراب خفيف عشان كذا مايقدرون يسوون شي لازم تغيير .. mutasem .. صحيح الواحد لازم يدور ع اكثر من محل .. ويختار واحد شغله كويس وسعره مضبوط .. عقاب الخيل هذا كلامهم بصراحه وانا استغربت يعني الموضوع كله سيلكون وتلصيق قزاز .. ماهي شغله ميكانيكيه عشان يطلبون هاالسعر ..عبدالله الغامدي باالنسبه لي اشياء مثل كثر مو شرط جودتها باالتنسيم او كذا .. لو صار حادث لاسمح الله يبان الاصلي من التقليد كفانا الله وياكم شرها .. شرفني مروركم جميعا 


up 0 down 1
.ابوظافر 35
قبل 3 سنه و 11 شهر



القزاز فيه غاطين وفيه غاط 
وفيه قزاز صناعة سعودي جودة عالية ورخيص
ولاقد احد اشتكا منه
بس قزاز الوكالة عليه ختم الشركة وهذا اللي رافع سعره

والافي الاخير هو كله قزاز اي طقة راح ينكسر


up 1 down 0
باترول 2020 2514
قبل 3 سنه و 11 شهر



باترول .. لا مهو سالفه ختم .. انا شفت الماليزي وكان ارتفاعه مااتوقع يجي 5 ملم .. لكن قزاز الوكاله ارتفاعه اكثر وصافي واقوى من التجاري بكثير .. شرفني مرورك 


up 0 down 1
.ابوظافر 35
قبل 3 سنه و 11 شهر



عن نفسي مركب قزاز للددسن 2002 كان فيه صدع والفحص مايممشيها 
المهم ركبت ماليزي غاطين وكان السعر مع التركيب 200 يابلاش والقزاز ممتاز وفي النهايه تراه كله قزاز راح ينكسر اصلي او تجاري


up 1 down 0
موووت احبك 1622
قبل 3 سنه و 11 شهر



الله يخلي الكرولا ... القزاز الاصلي مع التركيب ب250 ريال من محلات كيلو 2

معقولة تغيير القزاز يكلف اكثر من 1500 ريال ..

حبي لكي يا الكرولا 


up 1 down 0
احب الحبيب 768
قبل 3 سنه و 3 شهر