كيف تقي سيارتك ونفسك من العين
13
13
إضغط هنا للإخفاء
السلام عليمن ورحمة الله وبركاته
كيف حالكم شباب المنتدى ان شاءالله بخير ,,,
استفساري واضح من عنوان السؤال , كيف نقي انفسنا من عين الحاسدين
من الممكن ان تضحكو لماذا سألت ! لان سيارتي الوالد الله يطول بعمره قديمة مديل 80 ويبدو لي انها مرغوبة نوعا ما بالرغم انها قديمة قبل سنة [اقسم بالله العظيم شهر كامل كل يوم يجينا واحد يبي يشتري السيارة والوالد يرفض ] تفكير ايام الطيبين حتى لو تعطيه كامري 2014 ما يرتاح الا في سيارته {القرنبع} مالكم في الطويلة بعد الزبائن ذولي جا لعندي واحد كويتي وقفني بالخط انا قلت جا الفرج اطقه 20 الف وابيع السيارة << ^^ طماع المهم ما اتفقنا لان يبيها ب الفين -_- يسوقها موقفني بالخط ويقول الفين صفيته ومشيت والمشكلة اخذ رقمي من الطبلون وابلشني اتصالات
الخلاصة من بعد الزبائن الكربريتر ضرب علينا وجلسنا 5 شهور لين حصلنا امس بالتشليح وركبناه والحمدلله تمام التمام ولكن المفاجئة الرديتر ضرب خخخخ هههههه والله صار يهرب موية من تحت حسبي الله عليهم يا فرحة ما تمت والله نفسي انسدت لكن الحمدلله على كل حال بأصلحها وامري لله لكن,,,
كيف احصن السيارة من عيون الناس ولو انها قديمة ؟؟؟ لان بعض مرات الناس تقول [الله هذي لين هالحين موجودة واقولهم اذكرو الله ] الله اكبر على عيونهم
وشاكرين لكم مقدما
إبلاغ
الردود
هههههههه الله يصلحك ي ريان هذي سيارة درباوية ومنتشره ومرغوبه فالشرقيه والكويت ..
حتى الكويتي اللي جاك يبغاها للتفجير معروفه مايبغالها .. وعلى فكرة تراك صادق هي مرغوبه
ويرهمون عليها مكاين قويه ويفجرون عليها غالباً ..
على العموم موفق الله يعطيكم من خيرها ويكفيكم شرها ..
3
0
واللهم اني استودعتكم اهلي ومالي فاحفظهم بحفظك يا ارحم الراحمين
قبل 9 سنه و 7 شهر