باترول ربع

أزعل عليك لو فكرت بس تفكير إنك تخلي البخاخ وتاخذكلبليتر !!!!!
البخاخ أفضل بآلاف المرات من الكلبليتر ،،
أوفر بنزين واقوى دعسة وأفضل تجاوب ويتحمل كل الظروف وقليل احتياجه للصيانة ولو احتجت تسوي الصيانة كلها تنظيف عند أقرب ورشة

تقبل مروري يالغالي .....

طبعآ البخاخ كعزم واقل مشاكل واقل صرفيه  الكبليتر قديم ومشاكله كثيره ولو خرب عليك سعره غالي
اذكر الباترول ال91 ب2400 هالكلام قديم 
الموتر قطعه غالــــيه ومتوسطة  لكن اللي تركبه اصلي تنــــســـــــــاه
بـــس احرص على النظيف 
لأن الباترولات مدموره ومهلوكه ومـــلعون جدفهن 

يا اخوان ليش تسبون الكبليتر ؟ اكبر مثال شوفو الددسن ماشاء الله تحصل موديلات 90 وتمشي زي الحلاوه بالعكس انا اشوف الكبليتر اقل خرابات و اقوى مكده ولكن انت تضحي بالعزم لان معروف الكبليتر سيكل واسألو مجرب ولكن خرابات بتنساها ان شاء الله

وبالعكس اذا على صرفية البنزين اشوف الكبليتر افضل بكثير من البخاخات

اخ فيــfaisalـصل اختلف معك
مشاكل الكبليتر معروفه لو جاء غبار تأثر اكثر من البخاخ 
وسعره عالي وغير كذا الموتر قديم والكبليتر بدأ ينقرض وقلة الورش اللي يشتغلون فيه
والعزم البخاخ افضل الصرفيه الكلبيتر مع المدينه مايصرف بالخط يصرف البخاخ العكس
واصلآ الباترولات الاوله معرووفه تشفط البنزين
وبالاخيــر اهم شيء النــــظـــــيــــف ســــــــــــواء كبليتر او بـــخاخ 

اخوي اذا على صرفية البانزين ركب فرارات وبتنساها ان شاء الله وسعر الكبليتر 1600 وبتنساه ان شاء الله لمدة 4 سنوات وشوف الان البترولات موديلات 90 تحصلهن بالبر يكدن وهن مكاين البلد ( الكبليتر ) انا اقول هالكلام لاني مجرب فقط

والله انا مجرب بعد وصوت الكبليتر طرب خصوصىآ إذا قام ينفض الموتر تحس انك مرهم ومعدل وهو شد بلد
بس مشاكله اكثر من البخاخ من تجربة وغيرت واحد 1700 جديد لباترول 91 وبعد سنه مريت لقطع الغيار  اشتري قطع
وسألت قالوا ب2400 هذا الكلام قبل 7 او 6 سنوات من قطع غيار باتيس ببريده 
والباترولات مواتر مايعرفها الا اللي جربها وصحيح كلامك الى الان يكرفن كرف  وكلامي مو معناتها انهن كل يوم يخرب
لكن الافضل فقط وبما ان الكبليتر اصبح قديم وقلة اللي يعرفون يشتغلون فيه 
 البخاخ افضل بالعزم بدل ماتتعب نفسك بفلتر ومدري وش وغير كذا اقل صوت مكينه اريــــح 

والله حيرتوني يا رجال
الصراحة انا حصلت واحد 99 ما شاء الله نظيف بس انه كلبليتر 
اتوكل على الله واخذه ولا تنصحوني اشوف غيره بخاخ

ياشباب عندنا باترول 96 كمبليتر 

يخرب من فتره لفتره ومرتين قطعنا بخط سفر والله بس صيانته سهله وانت واقف تضبطه 

وفيه كمبيلتر يباني 1500 
والاصلي 2500 

وفيه كمبليتر اسمه انتل بروك وهو افضل شئ بس ماني متاكد من سعره 

بالنسبه لي ركبت يباني وماشاء الله زي الساعه ولعلمك الكمبليتر تنظيفه 100 ريال

انا قلتلك يأخوي اهــــــــــــم  شـيء  النظـــــــــــافة 
سواء كبليتر او بخاخ 
البخاخ يتفـــوق لكن مو معناتها الكبليتر فـاشل ولايصلح 
إذا نظيف توكل على الله 
اذكر يوم كان معي باترول عند كهربائي اصلحه وقال تقدر تحوله الى بخاخ لكن مادري هل هو صــحيــح ولا 
بـس مافيه شيء صعب على الباترول يقبل كل شيء 
بالتوفيق 

بخاخ افضل من كبريتر  سبب انه افضل من ناحية العزم واقتصاد البنزين  وعم الخرابات  ويحتاج تنضيف