أضف سؤال أو موضوع جديد          

ناوي اشتري باترول فتك وابي المشوره

up 3 down 3
abunora1406 234
قبل 6 سنه و 2 شهر



السلام عليكم كيف حالكم ان شاء الله بخير








 انا يا شباب ابي استشيركم في باترول سفاري فتك المديلات الحديثة من الشكل القديم انا معجبني شكله من الداخل والخارج احسه جلف ماهو بحق نواعم شكلاً مع اني جربت قيادة 2009 ربع جير عادي وبصراحه الموتر كتجربة مبدئيه ماتوقعت النعومه في القياده والجير مقارنه بباقي الجيوب. 




اللي ابيه ياجماعه تفيدوني كل بتجربته وخبرته عن السياره بشكل عام خاصة الاعطال الشائعة وصرفية الوقود بكم تعبي وكم تقطع مسافة عليه خط وبلد. 




وهل هناك فرق جوهري بين الاوتماتك والعادي من ناحية العزم؟ 
للعلم ياشباب انا استخدامي "حشمه" وطرب وكشتات وراعي خطوووط داااااائماً. 
واللي يخبر لنا باترول فتك تقساط وانا اتقبله لايبخل علينا. 








اخيرا انا طالبكم ياشباب تبتعدون في اجاباتكم عن التعصب حيال السيارات لانه ماراح يصح الا الصحيح.. والسلام عليكم ورحمة الله وبركاته 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والموتر صبور ومريح وخفيف نفس ويطربك وعطالاته نادره وقليلة وسهل اصلاحها وغير مكلفة


up 0 down 0
ahmadfaleh
قبل 2 شهر و أسبوع



ومن ناحية الحرارة .. اذا اخذت الموتر اصفار انسها اما اذا اخذته مستعمل شيّك على الماء والغطيان والبلف وكلتش المروحه وتاكد من دورة التبريد عموما وما يجيب الحرارة الا ضعف كلتش المروحه او خراب الغطيان او الصدا بسبب الماء الغير مناسب


up 0 down 0
ahmadfaleh
قبل 2 شهر و أسبوع