بخصوص الفحص الدوري

اذا انت عارف موترك وش يبي له وش مايبي له زبطه أول ورح ، عشان تصير روحتك مررة وحدة

اما اذا تقول والله مدري وش اصلح وش اخلي ، رح افحص ولين سقط شف الاشياء اللي رسبوك فيها وزبطها ، والله يعينك تروح لهم مرة ثانية


لكن الافضل انك تخلص الموتر مررة وحدة وانت ادرى بسيارتك يعني انفض العضلات وزبطها وشيك على الخربان وصلحه وشيك على المساعدات ووزن وخلص ، والبدي زبطه وشيك على انواره ومساحاته وفرامله ورح


وترى التزبيط ذا منفعه لك قبل ما يكون مجرد فحص لضمان النجاح ، انت اللي بتستخدم


بالتوفيق

المشكله عندي سياره ثانية وذي استخدمها نادر 
وكيف الصدمات وكذا لازم اسمكرها ورشها ولا تمشي 
انا بغير كم شي مهم مثل المساحات واضبط الانوار وكذا 
بس شي داخلي بصراحه انا مالي خبره 

دام مالك خبرة اجل مر على ميزان كويس وخله ينفض لك على العضلات ويعلمك وش التالف يعني مثلن مساعدات تهرب مقص فيه مشكلة جلدة مقص الخ .... يسويها لك على شكل تقرير ولين خلصته وزبطته اوزن الاذرعة عشان الفحص

الشي الثاني يبي لك ميكانيكي يشيك على الموتر تهاريب من تحت شي كربون الخ ... وايضا لاتنسى الفرامل شيك على الفحمات

البدي على حسب الصدمات يعني حكة بسيطة مهيب مأثرة لكن اذا فيه صدوم قوية طايره معها البوية ولا تعيق الموتر في ممشاه او مغيره ملامح الموتر اكيد بيسقط

ومثل ماقلت لك تبي تفحص اول وتشوف وش يرسبونه فيه ثمن تجدده بكيفك لكن انا ابيك لك الزين انك تروح مررة وحدة وثانيا يطلع الموتر كامل والكامل الله

جزاك الله خير اخوي ابراهيم

العفو حياك الله

روح للورش اللي عند الفحص يضبطونها لك واشرط عليه لو ما عدت تسترجع فلوسك

اول شي روح الفحص وهم يعلمونك بالاشياء اللي تحتاج تصليح