تجربتي للاكستيرا
13
4
إضغط هنا للإخفاء
السلام عليكم ...
تجربتي للاكستيرا طبعآ بقول رايي بصراحه ..
طبعآ جربت كذا موتر لاكن الاكستيرا صراحتنا تجربة....
المهم ..
كنت متفق مع شخص يجي لديرتي واشوف موتره طبعآ ع كلامه يقول نظيف هو جيب ربع ..
الرجال جاء وشفت الموتر يبيله تلقيطات المهم قلت تهون دخلته الفحص وطلع به شاصي
معدل وبه مشاكل واجد المهم ..
قلت له انت شارط لي الموتر عليك الفحص قال لا وزعق ورجع لديرته ودفعة الفحص انا ..
والله لايبيحه ..
المهم دقيت سلف طبعآ كنت جاي مع زميل لي صلينا العشاء وقلت له خل افرفر بالمعارض يمكن نحصل موتر ..
طبعآ كنت احب الاكستيرا لاكن كلن يسبه ولا توقعة اني اخذه ..
لفلفنا بالمعارض ..
مادريت الا اشوف ذاك الموتر متوزي وانزل لراعي المعرض وسالته عن الموتر وقلت بفحصه وادق سلف وفحصته
طلع فيه اشياء ان شاء الله بسيطه ..
قلت خلاص تراي شريت ان شاء الله ..
وكتبها الله ودقيت سلف ....
بعد اسبوع كشتو الشباب وانا طبعآ معبي الهواء 40 ع شان لمبة
ظغط الهواء تطفى ..
وصلنا المكشات ..
الا والخلق متجمعه اللي مغرز واللي ينسم واللي براس النفود ..
طبعآ قلت برقى النفود لشباب الى والموتر يغرز نسيت اشغل الدبل
وشغلته مادريت الى الموتر مابه امل يطلع
نزلو الشباب لمي طبعآ كلهم اف جي وربع وكم هايلكس وشاص الخ ..
بدت الطقطقه اجل لو انك بالدهناء وش بتسوي
واللي يقول خل نطلعك قلت توكلو انا بطلع ان شاء الله ..
توقعت انه ماراح يطلع لانه متعلق نسمت الهواء لين 25 مافيه امل ..
نزلت الهواء لين 15 مانفع وضاق الصدر وطاح من عيني ..
المهم ركبت السياره الى واشوف الدفلك نسيته ..
واشغل الدفلك ومنى ومنى ويطلع مشاء الله وتسمع اللي يقول كفو ..
قلت الخلا ...
طولت عليكم هههههاي ..
المهم
اشوف انه ارسى من الافجي لاكن الافجي افضل عزل من الاكستيرا ..
بالرمل اشوف ان الاكستيرا افضل لاني مجرب الافجي ..
التسارع كلهن ستوك تماتيك يروح الاكستيرا ..
والقير العادي يروح الاكستيرا ..
لاكن اللي لاحظته لا وصلت 185 يقرب الافجي للاكستيرا ..
...
اكبر عيب للاكستيرا بالرمل توصل الحراره للنص ...
وبزحمة الرياض توصل النص وسيخت الاديتر وغيرت بلف الخ ..
مانفع ..
اشوفه بالديره اقل من الافجي بصرفية البنزيين ..
تمشي من الرياض لين القصيم على سرعة 130 .120 ..
توصل القصيم والبنزيين بالنص ..
صوت الفحمات مزعج تغيرهن وكاله بعد اسبوع تصمع الصوت ..
والجنط الامامي يكون اسود بعد يوميين من الغسيل ..
..
اتمنى مانسيت شي ..
والله يعيينا على الديسلايك ...
إبلاغ
الردود
الله يعطيك خيره ويكفيك شره
اهم شيء انت مقتنع فيه بالاول والاخير
لاكن بخصوص تقول عندي جنط مسود بعد الغسيل بيومين
هذي طال عمرك من الفحمات ماتكون اصليه تطلع حتات اسود على الجنط
اذا بغيت تغير رح لقطع غيار نفس الوكاله ماهو محلات
انا سبق وصارلي مثلك وكل يومين او 3 ايام يطلع الجنط مسود
يصير مع الفرمله يطيح حتات اسود وهذا من ردى الفحمات
ويوم رحت لورشه متعامل معها قالي فحماتك رديئه مع العلم اني كنت اخذها من محل معروف
قطع غيار على انها اصلي من البسامي والفرق بينها وبين الوكاله فقط 20 ريال
قالي صاحب الورشه جرب اصلي وفعلا جربت مايطلع سواد لاجنط ولاغيره ولله الحمد
حبيت اوضح هل النقطه
ونصيحه لجميع الشباب اي واحد يشتري قطعه ياخذ فاتوره علشان لو صار ماصار تشتكي وزارة التجاره
ويكون معك دليل ولانخلي هل الاجانب يضحكون علينا حقين محلات قطع الغيار
وعقبال المليون كيلو بدون مشاكل
موفق يالغالي
3
0
الددسن مثل كذا حرارته دايم الربع ومع الخط او الدعس توصل النص بس ماتعديها
وبالنسبه لحقين الديسلايك نايمين عندهم مدارس
4
2
فيه عيب واحد بس اذا جيت تشتري مستعمل تلقاه مكروف ومعدوم ونادرجدا تحصل نظيف
في الاخير ودي اعطيك لايك لكن النقاط ماتسمح والله يوفق الجميع
5
3
يعطيك خيره ويكفيك شره
1
0
معي اكستيرا 2014 وعندي تعقيب على كلامك
اول شي الحراره عندي ما تتعدى الربع ما شاء الله سواء تطعيس أو في زحمه مع العلم اني كاااااارفه له سنه معي ماشي حول ال 50 الف , يمكن موترك فيه مشكله لازم تشيك عليه .
ثاني شي انا موتري يفضل على 200 وخويي كان معه اف جي ويفصل موتره على 180 والله بيني وبينه مسااافه مهيب سهله .
وبالنسبه للاكستيرا فالبر يطربك والله ماكنت اتوقع انه خفيف لهذي الدرجه أو يمكن عشان كان معي سييرا 2012 ثقيل شوي.
0
0
قلبو على صاحب الموضوع ..
وبالنسبه لك ياحاتم ..
ركز زين الرجال قال مع الجلد ترتفع واتحداك حتى ال 2015 مع الشد ..
2
0
0
2
حسب ماعرفته عنه انه قوته تتفوق على الفتك بسبب حجمه الصغير
وكثير خبط عليهم مكينته وقبل فتره شفت واحد عارضه للبيع فحراج ومخبطه مكينته
وايضا مشكلة الحراره فيه
لذلك اشوف الاكستيرا وضعه مقارب تماما للرانجلر
1
4
بعدين جبلي اف جي ماخبط خاصه 2009 وتحت ..
وبعدين ماسمعت ان اكستيرا مخبط ادخل الموقع ماتحصل ولا واحد واذا
حصلت تحصله سوؤ استخدام ..
ومعروف اقوى من الفتك ...
لاتكن انحيازي
1
1
0
1
ماكتبت ردي عشان انتظر احد يجي يناقشني فيه او اخذ راي احد فيه
هذي وجهت نظري وانا مقتنع فيها وماني مجبور اقنع احد
يعني تبغاني امدح الاكستيرا بالكذب عشان ارضيك !!!
0
1
انشهد انه موتر
قبل 9 سنه و 8 شهر