انكب بنزين علئ السياره

قطن وملمع كار واكس وجرب لين تروح الاثار بس بياخذ وقت .

مشكووور ياغالي لاكن هل بتاثر علی البودي بعد فتره ؟

نعم البنزين يأثر على البدي ومع الوقت للاسف يخليه يبهت ويشوهب لونه

لاتخلي موترك فار لتجارب المنظفات واللون الؤلؤي حساس 
افضل حل روح للتلميع الساطع يظبطونها لك .

اهم شي لاتهملها ودها اليوم او بالكثير بكره لأن لاتنسى ان لون البوية حساس ويوضح فيه كل شي

ولد خالتي معه يوكن 2010 ولونه اسود لين يومك اذا غسل الموتر تجي على جنب تطالع كنه شي مكبكب من التانكي والسبه اخوه قد عبى وكبب برا ولا مسحه ولا لمعها في وقتها وبقعت


بالتوفيق

الشمري

كل شيء نعتمد على محلات التلميع ليش

علشان اذا صار شي فيه ضمان ومحلات التلميع
عندهم مواد خاصه على ماعتقد وهم اللي متخصصين بهالشي
والموتر مشاءالله جديد حرام يجرب عليه اي شي .

ياا رجال عاد…  انا اذا سافرت. احط شحم على وجهه السيارة على شان العج . واذا رجعت غسلتهااا بديزل..  وبعدينرامسحهااا. ببنزين احمر والامور ماشيه تمام

توي رحت شريت واكس كار ونظفتها بالقطن
من اول مسحه راح الحمد لله والشكر
ولا بقي ولا ثار شي نظيييف الحمد الله
يعطيكم العافية جميعا 

الحمدلله
بس مره ثانيه اذا جيت تعبي قوله بنزين لايجي على بودي
واذا شفت البنزين جاء على البودي مباشره صب ماء بارد على نفس مكان البودي اللي جاء عليه البنزين

بالتوفيق...

بنزين يغير لون البويه 

من عادتي أطلب من العامل يصب 30 ريال والسلام .
ما أفلل التانكي أبداً .. منها وزن خفيف ، ومنها الحرص
على عدم انسكاب فائض البنزين على البدي .
شكراً للجميع

سبحان الله الالمان اذكياء ماقد صارت معي وانسكب بنزين برا المرسيدس تحت غطا البنزين في خرم صغير يطلع الفائض وومدود بلي اسفل السيارة عشان مايجي ع البودي وانا افهم العامل طلع ٣٥ وهللل ووقف المسدس ما اخليه يكمله بالغصب اقوله خذ ٣٦ 

قبل شوي كب بنزين يوم عبيت فل وعفس الدنيا مرسيدس E 2010 

عشان كذا دخلت ابعرف وشلون طريقة الازالة مع اني وقفت وخطيت عليها مويه بارده ومسحتها بس باقي اثار تبين 

بجرب طريقة الملمع ان شاء الله تروح المشكلة لونها لولي

ما عليك يخوي سيارتي لولي بس قطن وواكس ويروح على طول بس حاول تمسحه على طول لا تخليه يقعد على البودي كثير