بنزين مكسيما

موديل كم

الفروض تمشيك اقل شيء 400 كيلو

لكن عندك مشكلة سيارتك تصرف كثير

بالنسبة للبنزين فهو يعتمد على حسب كبر حجم التانكي وبالعادة المواتر اللي مثل هذي ستة سلندر وبفئتها تاخذ فل من 30 الى 37 اذا كانت فاضية هذي طبيعية ، بالنسبة لقراية العداد ما اعتقد انها صحيحة يمكن كان متعبي هواء التانكي ومعبيه طقتين يعني المفترض انه الى 650 كيلو اقصى حد على تانكيها ولاهوب شرط يمشي نفس الممشى انا لما اعبي فل يطلع لي 540 الى 513 يختلف كل مرة عن مررة ويومين بالكثير ثالث يوم معبي

ولا تنسى الوقفات والزحمات والتحمية تستهلك كلها بنزين

بالنسبة لطقة القير وصوت الاقمشة المنتهيه ارجع فيها للوكالة الموتر جديد
تحياتي

موديل 2014 يبو عبد العزيز

اخوي ابراهيم هل طبيعي فل يمشني 240 كيلوا بس والسيارة في فترة تمرين اصلا

وبخصوص ارجع الوكاله اخاف يرجع ويشيكون ويقولون مافيه شي 
الان صوت نادر ما يطلع ماله وقت محدد ابد

والله ياخيك مشكلة مادري عن استخدامك وتختلف من شخص لشخص دعسته للسيارة من على الصفر يعني بعضهم نص البنزين يطير في قومة السيارة مايعرف يدعس بشكل تدريجي ولا بشكل هادي ما اتكلم عنك اتكلم بالعامية

وثانيا ممكن انت تداوم وتجي على زحمات واغلب وقتك واقف ومشغل المكيف وتعرف هذي تستهلك

والسؤال الاهم ، هل 240 كيلو مشتك وبعدها ولعت اللمبة ولا وصل قبل E ولا وين ؟

وسؤال آخر انت تقول السيارة لما تعشق على 2 يطلع دقة وشلون وهي قير cvt ارجو توضح لي النقطة ذي

استخدامي كان مره خفيف وصحيح وقفت بزحمات وكذا بس مو معقوله والبنزين الحين قبل E بشخطه ومكتوب باقي لي 150 كيلوا وما ضنتي انها 150

والقير والله مدري ياخوك حتی انا مستغرب كيف كذا بس متاكد انها عشقت نمره
واصلا السياره فيها تبترونك ومدري كيف استعمله وهي cvt سيارة عجيبه والله

كيف قير cvt  وفيها تبترونيك ؟؟

عموما صرف البنزين عندك زايد كثير المفترض تمشيك اكثر حتى من 400 كيلو 

خصوصا دعستك بسيطه 30 ريال اقل شيء المفروض 450 كيلو حتى لو دعستك متوسطه

لا يا أخوي مو معقولة تمشيك فقط 240 كيلومتر، مره قليل، أكيد فيه خلل، موديل 2002 كانت تمشي 650 كيلومتر مع التدعيس.

لذلك واضح إن السيارة مو طبيعية، و 30 ريال بنزين أحمر قليل يعتبر، المفروض 40 -45 ريال، حسب سعة الخزان، راجع الوكالة وافحصها.



&& يعطيك خيرها ويكفيك شرها &&

اذا كان قبل E بشخطة اشوف فيه صرفية شوي زايده لأن المفترض يمشيك اقل شي 350 كيلو بالميت اذا ما كان اكثر

لكن لاتستعجل يمكن البلا من المحطة اللي عبيت منها الحين عب مرة ثانية وشف كم قراية العداد وشف كم بيمشيك

وبالنسبة لصوت الطقة والاقمشة المنتهيه لما قلت لك ارجع فيها الوكالة عشان تثبت لهم انه فيه صوت كان يطلع معك لأنه ممكن يرجع بعدين ويقول لك كان جيتنا من أول رح وشيك

ايه اخوي ابراهيم فيها تبترونك علی القير والي يجي خلف المقود بعد
خلاص ان شاء الحين بروح الوكاله يعطيكم العافية

السلام عليكم اخوي إنشاءالله موترك مافي الا العافيه اول شي اذا انت بمدينه كبيره استهلاك البانزين جدا طبيعي بحكم الزحمه والمكيف شغال اضرب لك مثل عندك جمس عبيته فل ومكتوب عندك يمشيك ٧٠٠ كيلو وصحيح بالخط يمشيك ٧٠٠ بس داخل المدن مايمشيك ٣٠٠ أنا كان معي سوبربان وجربته بالخط وبالديره وبعدها تاهو بالخط يمشيك نفس المكتوب لك بس داخل الديره لا يمكن يمشيك البانزين نص الي مكتوب عندك أنا معي جيب راف فور أعبي فبل يمشيني ٤٠٠ كيلو بالخط مثل من الرياض لدمام اعبي مره أما داخل الرياض كل يومين اعبي فل ويمشيني من ال ١٥٠ لل ٢٠٠ كيلو يعني بالبانزين ريح نفسك بس بطقة القير مااحب التفلسف بشي معرفه يفيدونك الشباب ان شاءالله

مو طبيعي أبداً 
الإستهلاك + قراءة العداد 
راجع الوكالة سيارتك تحت الضمان , موفق 

قراءة العداد تحتاج فترة استخدام 
لحد مايتبرمج و يصير يعطيك قراءة أدق 

يا شباب الفل حقها كم لتر وكم كيلو يمشى هذه هو المهم .....لا تذكروا المبلغ