أضف سؤال أو موضوع جديد          

تويوتا ونيسان تفتقدان الأمان على الخطوط السريعة ....

up 19 down 11
ماجد mot 10850
قبل 8 سنه و 11 شهر



.
.
.
رأي شخصي : كلنا مؤمنين بالقضاء و القدر لكن نأخذ بالاسباب  ....

المدن بالسعودية تتمتع بمساحات شاسعة ومن اكبر المدن بالعالم من حيث المساحات ( الرياض100كم * 100 كم تقريبا حسب تقرير صدر عام 2007) وبما ان الرياض تعتبر غير سياحية فهي مهملة من التقارير العالمية للمناخ والمساحة والحين احنا في 2012م وكل يوم نسمع مخطط جديد.

طبيعيا راح تشوف الخطوط السريعة داخل المدينة بمسافات و مساحات كبيرة 
وتشوف التويوتا مغطي الشوارع الرئيسية 
كل ما صار حادث 90% تويوتا تلاقيه الطرف الثاني اذا ماكان الطرفين
اكثر الحوادث في اللمبات والاشجار تلاقيه تويوتا والا دتسن نيسان
المرور تجي تسئلة عن السبب قال لك الرجال كان مسرع 
طيب مسرع ليش تزحف السيارة وتصقع باللمبة ...الرجال طبيعيا غير اراديه راح يحاول يتلافى الحادث بس ما بيروح للمبة.
لكن الصحيح ان السيارة خرجت عن السيطرة ... وهذي غير معترف فيها بهيئة المواصفات والمقاييس.
من الغرائب ان الكفر يبنشر وتشوف السيارة تزحف لين تصقع بشي ثابت او تخرج عن الخط وهذي ما نشوفها بالسيارات الاوربية 
ولما تسئل المرور عن السبب يقول لك كان مسرع الله يرحمه 
في الدول الاوربية حدود السرعة مفتوحة بين المدن واكيد ان الاحصائيات عندهم دقيقة ولو كانت السرعة هي سبب الحوادث اتوقع كان سبقونا بتحديد السرعة على الخطوط السريعة والي راحو اوربا اكيد لاحظو ان السيارات اليابانية داخل المدينة فقط يعني ما يمديك تتعدى سرعة 70 كيلو/ساعة لكن ما نشوفها على الخطوط بين المدن.

....
....
من الطرائف : زمان السالفة بس ما تنسى كنت راكب مع واحد من الشباب على طرق الحساء على مرسدس 560SEL موديل 90 وماشي فوق 160 وشوي ضربنا مطب جااااامد حسيت بطني مغصني ولما سفطنا لقينا الكفر مبنشر لكن من قوة الصوت حسبناه مطب (ربك ستر والحمدلله قبل كل شي ) لكن تخيل لو كنا راكبين تويوتا ماذا تتوقع او ماذا يجي في بالك اول شي...اكيد راح تقول السيارة بتنقلب.

....
....

سبب انتشار سيارات تويوتا في العالم (يستثنى الاوربي) :
1- تسويق مبدع للشركة من اشخاص ذو كفائة عالية.
2- جودة الصناعة من حيث المواد 
3- قليلة الصيانة وسيارات معمرة جدا
4- مكيف جبار خصوصا للمدن الي توصل الحرارة 50C
....
من اسباب الأنتشار ايضا :
1- نظرة السلامة عند المجتمع غير مهمة ابدا بدليل ماحد يسئل عنها عند شراء السيارة
2- مقاييس السلامة ترتكز في الغالب على الوسائد الهوائية وعلى ارقام تافهة .
3- اللجان العالمية للمقاييس الامنية في السيارات تأخذ بعين الاعتبار عدم الكشف عن التفاصيل الدقيقة في السلامة لأنها تدرك انها سوف تدمر شركات قوية وهي اصلا تتلقى التموين من هذه الشركات




اخيرا....... تويوتا ونيسان تفتقد الامان على الخطوط السريعة ولا تصلح الا للمدن الصغيرة التى لا تسطيع ان تتعدى 80 كم/س . 




وسلامتكم ........ نرجع نقول مجرد رأي شخصي
.
.
.
.














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يقلع الددسن كان معي ددسن 2007 وسافرت عليها ومن يوم طلعت من الرياض واناء اتنـــكس ايــلين وصلت الدوادمي


up 7 down 0
جني جبله 921
قبل 8 سنه و 11 شهر



شكرا على موضوعك وان اقول اهم شي في السياره السلامه بغض النظر عن الشركه المصنعه واتمنا تكون الشركات مثل شركات المانيا للسيارات مهتمه بوسائل السلامه من كل النواحي ويعطيك العافيه على موضوعك



up 4 down 0
خطاي الشوق 2532
قبل 8 سنه و 11 شهر



والله صدقت  انا اخبر لك ناس  معه  مرسيدس  بس مخليه حق خطوط ومدلخه بايكه   مايستخدم الى لمسك خط 

  ومعه هايلوكس  حقت بر وشوارع  مكسره     ومعه سياره صغيره حقت زحمه  يعني مخصص كل شي لحاله  وعنده شروكي مايطلع الى وقت الشتاء 

  وعنده  جمس  حق سفاريات مع عائله    >>>>>>>>>>>> هذي ناس مرتبه  وعايشه  بس دراهم 

 


up 10 down 1
سكودر 14928
قبل 8 سنه و 11 شهر



ياســكودر والله انك صادق بس حناء ياالله حصلنا ددسن لاوبعد نحمد ربي انها حصلت


up 6 down 1
جني جبله 921
قبل 8 سنه و 11 شهر



اوافقك وجهة نظرك 100%100 حتى لو الواحد ياخذ موديل قديم اوروبي او امريكي و يخليها لسفر بس ويخلي للمدينة الياباني زي التويوتا و النيسان


up 2 down 0
ssulltan 1509
قبل 8 سنه و 11 شهر



للاسف موضوعك فيه تناقض ويحتاج الى صياغه من جديد لان العنوان فوادي والموضوع مقارنته فوادي اخر



اول شي يالحبيب انت جاي تقارن سيارات يابانيه بسيارات المانيه واوروبيه !!!



يعني بالله عليك تبغى الددسن ولا الكورولا ولا الكامري تكون بمثل رساوة الالماني !!!!



لو جيت سئلت اي شخص سواء كبير او صغير بيقولك الالماني بلا منازع لا امريكي ولا ياباني



اذا كانت الكورولا الكامري الانترا السوناتا الازيرا وباقي السيارات الكوريه واليابانيه ( المصنعه خارج اليابان ) صارت صدماتها تتفكك مع الهوى

وكلها كراتين ولو حكيت فيها فرصيف طاح الصدام من مكانه



تبي تجي على غفله تقارنها فالالماني !!



اذا كانت الانترا اللي قيمتها 63 الف بدون ABS ومره كنت بجيب العيد فيها زحفت علي وبالقوه رديتها



تبي تقارنها بالالماني



معروفه هذي السيارات كلها كراتين مجوفه لو بنشر الكفر عليك ممكن تحوس غصب عنك واذا ماحاست ممكن الرفرف يتاثر من ضرب البنشر

لانه خفيف مره



وكذا مره نشوف حوادث لسيارات كوريه وسيارات يابانيه مصنعه في غير اليابان تلقى البدي حقها بعد الحادث مصلوخ من مكانه كامل



يعني انا ماشوف انك جبت شي جديد



ومقارنتك في غير محلها



وشكرا على الموضوع



ترى مو بس نيسان وتويوتا اغلب السيارات الان صارت تصنع بحيث تكون استهلاكيه يعني ( تخرب بسرعه تفكك بسرعه تتكسر )

وتجلس تصلح فيها وفيها مديلها 2012 !!!



الكراتين هذي مالها مقارنه مع الالماني



up 8 down 3



اي سياره سعرها غالي اكيد بيكون فيها وسائل سلامه اكثر
وكل مازاد السعر زادت السلامه
يعني السيارات الالمانيه اسعارها فوق ٤٠٠ الف
بتقارنها بسياره قيمتها ٨٠ الف مستحيل
عندك الكزس سياره غير اوربيه   مع ذالك السلامه فيها ممتازه بس كم سعرها
يعني بالعربي كل ماتدفع بتحصل سلامه افضل 
غير تويوتا تدفع فلوس على الفاضي. لاسلامه ولا راحه



up 4 down 0
بشوش 5096
قبل 8 سنه و 11 شهر



يارجال وبعد تجربه مافي بعد الاكورد افضل سياره حصلت على الامان 2- اقتصاديه 3- الخ 4- المزيد من الخ الخ لاالخ


up 3 down 0
البطش 3583
قبل 8 سنه و 11 شهر



اسمح لي ان اقول كلامك غير صحيح نهائيا .انت وبعض الاخوة المؤيدين لكلامك
الداتسون والكامري والكورولا سيارات غير مصممة للسرعات العالية نهائيا
فمثلا الهايلكس الداتسون ووووكلها سيارات تحميل فقط والصحيح ان تكون سرعتها المعقوله100-135 كحد اقصى
السيارات الصغيرة ,كامري كورلا مكسما....تكون سرعتها 150 كحد اقصى
طبعا لاتتكلم عن الطبلون لانه ليس مقياس للتصميم الحقيقي لمشي السيارة
من جهة اخرى قارن المرسيدس باللكزس مثلا او الانفنتي فهنا تكون مقارنة دقيقة
واسف على الاطالة


up 3 down 0
>محب الخير< 131
قبل 8 سنه و 11 شهر



لبا والله الددسن اللي يسب الددسن هاذا متنكر ﻻاصله ماقيه وﻻبدوي فالسعوديه ماركبه فالثمانينيات ترا كان هو الكنق بجانب الجمس تراه مصنع من عام 1937  77 سنه اللي يجحد الددسن ماهوب رجال تكبرتو عليه اللحين 


up 1 down 2
ميحد حمد -61
قبل 7 سنه و 7 شهر



تكفيني النقطتين اللي ذكرتها
2- جودة الصناعة من حيث المواد
3- قليلة الصيانة وسيارات معمرة جدا

مافينا حيل على قطع الغيار خلها على ربك



up 0 down 0
راجح المسعري 141
قبل 7 سنه و 7 شهر



اقول يا زين الياباني والكوري 
راحة بال قسم بالله 

الألماني مو لنا حنا الضعوف 
الالماني لأهل البنك المتنقل ( حتى اللكزس والانفينيتي معهم )



up 0 down 0
abo mbark 614
قبل 7 سنه و 4 شهر