أضف سؤال أو موضوع جديد          

هل اشتري ددسن 2015

up 3 down 2



السلام عليكم ورحمه الله 

اخواني اصحاب الددسن والمجربين 

انا عندي كامري ٢٠٠٨ قير عادي 
وفكرت ابيعها واشتري سياره مرتفعه وتخدمني بالبر 
طبعا فكرت بهايلكس دبل بس سعره غالي وثانيا قاسي ومتعب يكسر الضهر 
وشفت ان سعر الددسن مناسب بحيث ان الموديل جديد وخفيف الددسن طبعا العادي مو الدبل 
فما رايكم فيه من حيث القوه والخفه والراحه ما مدى الراحه في سواقته 
اللي اعرفه انه ينقد وغير راسي 
افيدوني 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله لا دام بتاخذه جديد أنصحك فيه 

و الددسن معروف مبيعاته كثيرة


up 4 down 1
مححمد 07 127
قبل 6 سنه



اذا بتستخدم عشر سنين قدام وبتكرفة انصحك بالنافار 
واذا بتبيع قريب فخذ ددسن 


up 3 down 3
max77 70
قبل 6 سنه



مشكلة الددسن ضيق المرتبة الخلفية ، أنا أشير عليك بالنافارا واسع نسبياً ومرتفع وفخامة أفضل من الددسن وكذلك سعره منافس جداً .


up 4 down 2
رعد 4 3254
قبل 6 سنه



وعليكم السلام .
اذا به ايرباقين على الاقل و ABS خذه . 


up 1 down 1
ahmed195 1821
قبل 6 سنه



أذا ماهي رغبه فالددسن يعني أنت من محبينها
فاسمع نصيحة اللي يقولك نافارا سعره مقارب أوسع . أرباقات . فرامل أنزلاق . وتحسه أفخم

والرد الاول كلامه صحيح في حالة أنك تفكر فالبيع قريب الددسن تمسك سعرها أكثر من النافارا


up 3 down 0
للآجره 278
قبل 6 سنه



توني بايع ددسن 2009 قااسي يكسر الظهر وهالحين اسوق هايلكس والله اريح من الددسن بكثيير بس الددسن بالخط ارسى 


up 4 down 1



اعطيك من الآخر الددسن مافيها راحه ابد ..
مكيفها افضل من الممتاز .
موديل 2015 اعتقد على ماسمعت رجعوا الايرباق زي السوبر 2001-2004 .
بالنسبه للعزم الجدد كلها قويه بس ماتصلح للسفر .. يعني تمشي 120 الاربي يوصل 4 تقريباً .
حلوه للأستخدام اليومي تتحمل .. 
وفيه شيء ممكن تواجهه هوه نقص الزيت الله اعلم يقولون طبيعي فالجديده ..

فالاخير انصحك من تجربه الددسن شكل بس لكن الداخليه ضيقه خصوصاً لاصرت طويل شوي وودك ترجع مرتبة السواق ورا شوي ..
مافيه امل احد يركب وراك .




الددسن موتر حليل على قيمته و حق كرف ولا جدال على ذلك ..
لكن خذ بالحسبان ان العزم متواضع بعض الشيء خصوصاً في النفود او مع التحميل لك عليه مقارنه بالهايلكس 
مدري متى ناوين يغيرون هالمكينه اللي من 98 وهي تنزل على الددسن!


up 1 down 0
آرق سنود 139
قبل 6 سنه



والله ي خوة مانصحك ب الددسن ابد عن واقع تجربه ، اول شي ضيق مره وبالذات ف المرتبه الخلفيه ثاني شي القسوة يكسر الظهر ذي بعض من السلبيات الي لاحظتها . 


up 0 down 0



الموتر حلو وكويس وحنا كانت معنا وحدة 13 غماررتين اعلى فئة الموتر خفيف حتر على كبار السن زي الوالد الله يحفظه كان يسافر وروح ويجي عليها بس مايتعدا 120 وماتصرف ينزين بس عيبها اللي لاحظته بغض النظر عن اللي قالوه الاعضاء الكارونة محشورة حبتين ابي اعرف شلون احل المشكلة هذي 


up 0 down 0
ahamd9477 119
قبل 6 سنه



الله يعطيكم العافيه واشكركم على الردود والمشوره 


up 0 down 0



للمعلوميه انا هونت عنه لان كل العيوب اللي ذكرتوها انا ما ادانيها 
نقص الزيت هو سبب بيعي للكامري 
والراحه الشي الثاني انا كنت متخوف من الهايلكس لانه غير مريح بس الددسم طلع اخس 
السيفتي ضعيف في الددسن 


تحياتي 


up 0 down 0



اسمع ياالصقر السعوودي .. بتكلم من واقع تجربه الددسن الجديد قساوته اكثر من القديم بكثير معنا ١٣ و٩  ال٩معي انا شخصياا طبعا ماشاءالله تبارك الرحمن فرق بينها وبين ١٣ مركبلها كفر هانكون ليين باحييل وهواء الكفر ٢٥ وطبعاا اخذتها جديده ومنزلها تنزيل خفيف لأن لو تلاحظون التسعه الدفعه الثانيه تجي من منزله شوي من قداام  و١٣ لو بغيير كفرهاا وانزلها تبقى فيها شويت قساويه والحننه اللي ترفع الضغط وانا انصحك تدور لك ددسن ٢٠٠٨ولا٢٠٠٩ ترى والله تحصل  والله نظييف وسعر طيب اييه وبنسبه لنقص ١٣ لحد مالاحظته لأن مامشت غير ٤٠٠٠ اما ٩ الحمدلله ماتنقص لاكن واحد من العيال معه ٢٠٠٧ يقول فيها نقص من يوم اخذتها جديده 


up 0 down 0