هل اشتري ددسن 2015

والله لا دام بتاخذه جديد أنصحك فيه 

و الددسن معروف مبيعاته كثيرة

اذا بتستخدم عشر سنين قدام وبتكرفة انصحك بالنافار 
واذا بتبيع قريب فخذ ددسن 

مشكلة الددسن ضيق المرتبة الخلفية ، أنا أشير عليك بالنافارا واسع نسبياً ومرتفع وفخامة أفضل من الددسن وكذلك سعره منافس جداً .

وعليكم السلام .
اذا به ايرباقين على الاقل و ABS خذه . 

أذا ماهي رغبه فالددسن يعني أنت من محبينها
فاسمع نصيحة اللي يقولك نافارا سعره مقارب أوسع . أرباقات . فرامل أنزلاق . وتحسه أفخم

والرد الاول كلامه صحيح في حالة أنك تفكر فالبيع قريب الددسن تمسك سعرها أكثر من النافارا

توني بايع ددسن 2009 قااسي يكسر الظهر وهالحين اسوق هايلكس والله اريح من الددسن بكثيير بس الددسن بالخط ارسى 

اعطيك من الآخر الددسن مافيها راحه ابد ..
مكيفها افضل من الممتاز .
موديل 2015 اعتقد على ماسمعت رجعوا الايرباق زي السوبر 2001-2004 .
بالنسبه للعزم الجدد كلها قويه بس ماتصلح للسفر .. يعني تمشي 120 الاربي يوصل 4 تقريباً .
حلوه للأستخدام اليومي تتحمل .. 
وفيه شيء ممكن تواجهه هوه نقص الزيت الله اعلم يقولون طبيعي فالجديده ..

فالاخير انصحك من تجربه الددسن شكل بس لكن الداخليه ضيقه خصوصاً لاصرت طويل شوي وودك ترجع مرتبة السواق ورا شوي ..
مافيه امل احد يركب وراك .

الددسن موتر حليل على قيمته و حق كرف ولا جدال على ذلك ..
لكن خذ بالحسبان ان العزم متواضع بعض الشيء خصوصاً في النفود او مع التحميل لك عليه مقارنه بالهايلكس 
مدري متى ناوين يغيرون هالمكينه اللي من 98 وهي تنزل على الددسن!

والله ي خوة مانصحك ب الددسن ابد عن واقع تجربه ، اول شي ضيق مره وبالذات ف المرتبه الخلفيه ثاني شي القسوة يكسر الظهر ذي بعض من السلبيات الي لاحظتها . 

الموتر حلو وكويس وحنا كانت معنا وحدة 13 غماررتين اعلى فئة الموتر خفيف حتر على كبار السن زي الوالد الله يحفظه كان يسافر وروح ويجي عليها بس مايتعدا 120 وماتصرف ينزين بس عيبها اللي لاحظته بغض النظر عن اللي قالوه الاعضاء الكارونة محشورة حبتين ابي اعرف شلون احل المشكلة هذي 

الله يعطيكم العافيه واشكركم على الردود والمشوره 

للمعلوميه انا هونت عنه لان كل العيوب اللي ذكرتوها انا ما ادانيها 
نقص الزيت هو سبب بيعي للكامري 
والراحه الشي الثاني انا كنت متخوف من الهايلكس لانه غير مريح بس الددسم طلع اخس 
السيفتي ضعيف في الددسن 


تحياتي 

اسمع ياالصقر السعوودي .. بتكلم من واقع تجربه الددسن الجديد قساوته اكثر من القديم بكثير معنا ١٣ و٩  ال٩معي انا شخصياا طبعا ماشاءالله تبارك الرحمن فرق بينها وبين ١٣ مركبلها كفر هانكون ليين باحييل وهواء الكفر ٢٥ وطبعاا اخذتها جديده ومنزلها تنزيل خفيف لأن لو تلاحظون التسعه الدفعه الثانيه تجي من منزله شوي من قداام  و١٣ لو بغيير كفرهاا وانزلها تبقى فيها شويت قساويه والحننه اللي ترفع الضغط وانا انصحك تدور لك ددسن ٢٠٠٨ولا٢٠٠٩ ترى والله تحصل  والله نظييف وسعر طيب اييه وبنسبه لنقص ١٣ لحد مالاحظته لأن مامشت غير ٤٠٠٠ اما ٩ الحمدلله ماتنقص لاكن واحد من العيال معه ٢٠٠٧ يقول فيها نقص من يوم اخذتها جديده