أفضل كلمة عند الإعجاب

35 وتبي عزم شوف الجراند شيروكي هيمي 8 سلندر عزمة قوي

يجيب لك موديل 2006 شكله حلو واستخدامه حلو لو انك ساكن بمدينه ماهي زحمة

يعني القصيم المدينه المناطق الشمالية كلها تنفع لها الشيروكي

تبي نصيحتي انا جتني فترة هبال بطعوس وشريت باجيرو 2002 مكينه 6 سلندر عايدي

مكينه كبيره وميستوبيشي

قطعة فيه طعوس ام دكه طامرت فيه بالطعوس وارصفه وكل شيء ماقال شيء

عز الله انه موتر جلس معي سنه وبعته بفايده الفين عقب الكرف ذا كله

والحين ركدت وسعره رخيص وممتاز من واقع تجربه

خذته ب20 الف

وبعته 22 الف

انصحك فيه والخيار لك

وعلى فكره بعضهم يقولون قطعه غاليه بالعكس قطعه رخيص وحليوه

وماهو غالي واللي مو مصدق يروح قطع الغيار ويسال بنفسه


موفق يالغالي

وعليكم السلام 
 الباترول 97 زين للاستخدام بس لو سلمت من مشاكل الكلبريتر فيه و ومحركاته و عضلاته سليمه فـ خذ ولد .. لكن و ركز على لكن , ماراح تسلم من الورشات وهذا شيء طبيعي بأي موتر عمره حول الـ18 سنه يكرف 
و مع ذلك يعتبر من افضل المواتر على حسب ميزانيتك ..

واذا براسك تغير مكينه البلد ما انصحك تاخذ واحد عليه لكزس ,, غالباً بيكون مفجور نفود ولا مقاوم .. لو براسك تسقط لكزس سقطها انت عليه في الامارات ماتكلفك 10 الاف او تزيد قليلاً حسب نظافة الشغل
او سقط له مكينه 4500 تويوتا اداء زين على بدي 97 مع فلتر هدرز و نادره اعطالها ان ماكانت معدومه 

يعطيكم الف عافية بس الباترول صراحة موتر بر حتى لو خربت المكينة يمديك ترهم بس المواتر الثانية تشليح

الجميع +

الباترول طيب بس دور النظيف لأن تفكير الشعب الباترول للطعوس خصوصا الفتك وال 97

طيب الفلتر والهدرز تاثر على مكينة السيارة   

ترى كل ما جديت في الموديل احسن قطع عمرها الافتراضي باقي فيح ريح تقنيه وخفه ربلات الين والله يوفقك

من واقع تجربه 7 سنوات ال 99 ثقيل في الخط ويكرهك عيشتك ويرفع ظغطك ثقيل ثقيل بشكل عجيب ولكن في البر خذ موتر يبيض الوجه سواء طعوس او جبال

وجربته في جبال فيفا وذيك الامكان ما شاء الله بس زي ماقلت لك الله يعينك في الخط بتطفش 



وانتبه من المرهمات قبل تشتري انفض الموتر وافحص ولا تعتمد على ورشه وحده 

وبالتوفيق لك مقدما 

جزاكم الله خير والنية إن شاء الله باترول بس متردد بالموديل
ولاني ماسك فية خطوط هو بخلية للوناسة وسعة الصدر وطلعات بر

اخوي باترول موديلات 97 وتحت من اساطير الجيوب 

انصحك لوجه الله من شخص مجرب الباترول
 
اذا ودك جيب يبيض الوجه خط وبلد ولايطلبك شئ خذ 97 

بالنسبه للمكينه البلد انا اعتبرها ممتازه واجد ومناسبه عليه ولايغرك كلام الناس

اول ماتشريه غير له كملبتر وكاله ونظف التانكي والاسلاك وشوف كيف عزمه بعدين ههه تسوق وانت منخرع 

باترول موديلات 98 اللى 2002 ما انصحك فيها رغم انها ماعليها اعرف جيب ماشي 650 

بس مشكلته ديكوراته تتكسر مدري ليه هه وعزمه ماش مقارنه مع97 

نصيحه انحش من كربريتر 

ياخي انا معي ٩٦ كبليتر له سنتين اقسم بالله اني رحة عليه الشمال ورحة الرياض عليه مرتين لحراره ولا نقص وكبليتر ولاشي مغيرت الا باكم فرامل والباقي اشياء استهلكيا بس المهم انصحك بلباترول ٩٧ نظيف رح معارض بريده وبتلقا النظيف 

ياحبيبي ترا فيه مكينة كلبليتر 4500 للباترول وفيه4200 كلهن كلبليتر وفيه 4500 بخاخات فانتبه مكينة 4200 عزمها حليل ترا مهب ذاك الثقل بس اذا كنت خايف من الكلبليتر خذلك بخاخ عشان ترتاح نفسيا