تنصحوني بمكائن وارد اليابان للتيما

دامك متخوف من وارد اليابان دورلك خليجي بتبيع الموتر عشان مكينه؟؟؟؟؟؟

لا بس اخاف اغير المكينة وتخبط ثاني واخسر عليها
لان في ناس كثير غيرو مكاينهم وخبطت 
وفي ناس لا ؟
فحبت اسال يعني عن مكائن وارد اليابان وش وضعها موضبه ولا تعيش معك؟

تعيش ياخوي قبل 3 سنوات ابن عمي غير مكينة كامري 97 مستورد من اليابان
والى الان شغاله بس بعد 2500 تنقص ربع علبه وماشيه امورها
غير وما عندك مشكله واذا مرة متخوف منها دورلك تشليح وبتحصل نضيف
اما المستورد الياباني انصحك وبقوووووة ولو انا مكانك من دون ماشاور على طول بركب ياباني

بس المشكلة المكاين على قولة حراج سكر في مويه 
انت وحضك يمكن تجيك مكينة نضيفه تعيش معك يمكن تركب مكينة بعد شهر تخبط عشان كذا محتار؟
انا استخدامي استخدام حشمه بس 
خلنا نسال الي ركبو الي جربو منهم نستفيد

شف مكاين اليابان طيبة لكن مشلتها ﻻزم تكون نفس مقاس مكينة موترك ﻻن على خبري في الكامري تجي ثﻻث مقاسات 3c    4c    5c

توكل على الله اذا انت انسان محافظ  -  اذا انسان رجلك حاره  بيعها  وخذ لك سياره  قطعها رخيسه وقويـه

لكن اذا بتحافظ عليها وعلى زيتها  وعلى راحتها   توكل على الله   

مجرد راي شخصيَ~

توكل على الله اذا انت انسان محافظ  -  اذا انسان رجلك حاره  بيعها  وخذ لك سياره  قطعها رخيسه وقويـه

لكن اذا بتحافظ عليها وعلى زيتها  وعلى راحتها   توكل على الله   

مجرد راي شخصيَ~

إذا التوظيب قطع أصليه حول القيمه، وظبها أفضل

أنت أضمن لي أن المكينة اللي تلاقيها امريكي أو ياباني أو مستوردة وانا اقولك خذها وانت مغمض


الحين الكل يغش ....يركب مكينة سعودية كحيانة تصرف وملعوب فيها لعب يقولك مستوردة !!@ بركبها على قصة يابانية او امريكي ليوهمك الشراء


تأكد من الضفيرة عشان تفرق بينهم ..في الياباني

ولد عمتي خبطت معه التيما ٢٠٠٧ ماشيه ٤٥ الف و السبب 
ماسكر الصرة زين وهربت الزيت كامل وخبطت

راح يوضب دفع فيها ٧٠٠٠ ريال وكان فيها تفتفه بعد التوضيب 
وداها الوكاله ماعرفت علة التفتفه هذي 


وقتها كنت عليمي الا شوي ولا عرفنا علة التفتفه رغم اننا مبدلين القطع كافه

بس كيف اعرف ان المكينة وارد اليابان ولا سعوديه 
+ كيف اعرف المكينة النضيفه 

انا مركب مكينه يابانيه زي العسل ويعطونك عليها ضمان احرص على الضمان ومدته 
عشان لو فيها شي يبين .

يوم اركب يقولي فيه نوعين النوع الصغير ماله قطع غيار والكبير له قطع غيار
والمكائن اليابانيه اذا مشت ٤٠ الف اوعدت موديل السنه يقصونه ويصدرونه قانون عندهم << سمعت كذاماني متأكد
وسالفه انظف ما انظف مكاينهم انظف ناس تحافظ .

طيب تخبرون محل عنده ذمه وضمير 
بالصناعية القديمه بالرياض 

يا الغالي فيه فلبيني مغير عنده خويي مكينة كامري v6  شيطاني ﻻ قالوا شيطاني يجيب لك المكينة من الصناعية القديمة ويضمن لك اياها هو شهرين ويمكن سعره ازود منهم بشوي لكن عجبني انه واثق وﻻ ركب المكينة يخليها عنده يومين عشان يتاكد منها وبعدها يعطيك اياها وصراحة انا مجربه في تغير قطع في بطن الموتر اخذ نص قيمة شغل اليد اللي طالبيني اياه في الصناعية القديمة ويوم جيت اعطيه الفلوس رجع لي 50 قمة الاحترام بس مشكلته يتاخر شوي يعني يقول لك يومين احسب فوقها يومين وان كانك حول السويدي والبديعة بدلك عليه ووالله مالي فيه شيء لكن انا ناصح لك 

سته ولا اربعة يالخو 

والله نفس الورطه ودايخ فيها لسه