أضف سؤال أو موضوع جديد          

كم سؤال عن الباترول؟

up 4 down 0
المسلم اخو المسلم 417
قبل 6 سنه و 3 شهر



السلام عليكم ورحمة الله وبركاته

رجااااااء خااااااااص للي عنده معلومات اكيده ابي جواب شافي كافي للأسئلة الأتيه...مه خالص الشكر.

بعد اخذ وعطا...قررت اشتري باترول واستخدمه واخليه للمدينه واجهزه لطعات البر.....
والي عجبني فيه سعته...وشكله وراحته حسب ماسمعت...

لكن السؤال....كيف صبره؟...وقطع غيااااره؟

وكم يسوى الباترول موديل 2005  فتك...او سياحي.

وهل السياحي مكينة 4500 ومكيف واحد يجمل..ولا ماينفع.


اكرر الشكر....









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الي مخوفني منه عدم انتشاره عندنا بالمدينه....مع العلم اني جربت موديل 96 مع احد الزملاء وكان طيب.


up 0 down 0
المسلم اخو المسلم 417
قبل 6 سنه و 3 شهر



وعليكم السلام 

شوف أخوي أبعطيك معلومات عن الباترول وبعض قطع غياره ومميزاته من خلال تجربه وهو الفتك 4800

سياره ممتازه ومحركاتها مناسبه لوزنها وأنا أفضل القير اللأتوماتيك أو بالأصح ( التوب ترونيك ) قير تقدر تتحكم فيه مثل العادي

تعشيق بدون كلتش خمس سرعات . ونفسه طويل ولايحمل أو يضغط على المحرك

مكيف مستقل تقدر تشغل أمام لوحده أو خلفي لوحده أو تشغل الثلاجه لوحدها وتبرد ماء أو مرطبات

بعض قطع الغيار اللي غيرتها 

رأس محرك جديد بـ 3750

جلد بلوف سعر الواحده 12 ريال

طرمبة ماء أصليه بـ250 ريال

الفحمات الأماميه الأصلي 270 والماليزي 70 ريال

زيت القير اللتر ب80 ريال

أديتر أصلي 1300 والصيني 300 ريال

طرمبة بنزين 550 ريال 

وغيرها لايحضرني الأن 

القطع الكهربائيه نادره وإن وجدت فإنها غاليه مثل سكيورتي المفتاح خرب علي ووجدته بصعوبه بعد بحث طويل عند محل باتيس

بسعر 320 ريال 

رضاي عن الموتر كثير لكن أتمنى أن يتغير الوكيل أو أن يوفر القطع وتكون بأسعار مناسبه 






up 10 down 0
ابــو ســنــد 10639
قبل 6 سنه و 3 شهر



الباترول شيخ ونعم الاختيار
اختصار للوقت
الباترول ممتاز خاصه بعد موديل 2002م 
الفتك او السياحي نسميه سلق بالعاميه 
اذا تبيه بر ممتاز او خط لكن داخل المدينه يتعبك بالبنزين يصرف خاصه اذا مكينه فتك مكينه جباره
وتتحمل 
المميزات قوي مريح نوعأ ماء اريح من غيرها
خربات قليله عكس الباثفندر صبور 
العيوب صرف بنزين الفل يمشيك 350 كيلو 
المكيف اذا باب واحد ممتاز يبرد الغماره اذا بابين لا 
القطع الاصليه غاليه لكن يوجد بديل درجه اولي وثانيه وتجاري
السعر اذا نظيف كرت بدي ومحركات بحدود 60000 الي 70000
علي حسب الاستخدام سعودي او خليجي


up 8 down 0
ماجد mot 10847
قبل 6 سنه و 3 شهر



^
يشهد الله اني قريت في الردين السابقين معلومات ماتطلع الا من اشخاص مجربين الفتك 




up 7 down 0
alkathiry 706
قبل 6 سنه و 3 شهر



اللي اقدر اقولك اياه ان الباترول صبور ل اكثر ما تتصور ويكرف
اذا كان نضيف خذه ولا تشاور
انت ممن مستخدمي  ٩٧ كرف وحديد وهيبه


up 5 down 0
i6rb_ 160
قبل 6 سنه و 3 شهر



وعليكم السلام ورحمة الله وبركاته :

بخصوص الباترول الفتك فهو سياره ممتازة وله تاريخه وسمعته

خاصة 4800 معروف بقوته با الخط والبر

والصراحه هو موتر ماعليه كلام مثل ما يقولون كامل والكامل الله

يعني هو تبيه خط تبيه بر تبيه راحه كل شئ

مني انا أقولك توكل على الله تراه ممتاز ومن ناحية الرساوة وسط بس من ناحية الراحه فهو ممتاز با النسبه لجيب

والبتوفيق



up 2 down 0
شبح 600 sel 6081
قبل 6 سنه و 3 شهر



وعليكم السلام 
بس حبيت اصحح لخونا الخبير ابو سند 
الفحمات الاماميه اصلي ب 200 ريال وتمشيك اكثر من 150 الف
الفحمات الخلفيه اصلي ب 220 ريال , بينما فحمات جي اكي موديل 2002 امام فقط ب 480 ريال وتمشيك 30 الف كيلو
طرمبة بنزين ب 300 ريال 
والسيارة ما عليها كلام , لكن اخوي لازم تكون خبير عند الشراء واللى راح تكون دائم با الورش 
الباترول اغلب مستخدميه ام راعي بر او راعي تزويد تيربو وغيره
وبرضو لازم تكون خبير وتكشف هل المكينه مفكوكه ام لا
كذالك نصيحه من اخ لخوه مكيف واحد انتبه تشتريه لو يقولو لك موديل 2015 وب 50 الف 
كذالك احرص كل الحرص على الدفلوك 
اما مكينة 4800 ومكينة 4500 حرصه بينهم فرق بين السماء والارض كلها من صالح 4800
وانا مع ابو سند انصحك بالقير الاوتو , لان دفرنسات القير العادي كبيره ومحشورة , يعني وانت تمشي 140 تحصل ضغط المكينه فوق الاربعه بعكس الاوتو مريح تمشي 160 وضغط المكينه ما بعد وصل 3
اكرر كلامي لك احرص على النظيف حتى لو زاد سعره 
برضو نقطة مهمه الباترول اعطاله بسيطه جداااا لكن اللي ما يعرفها راح تكلفه الكثير 
واذا اشتريت ان شاء الله بلغني اعطيك ايش يبغى منك من صيانه وغيره




up 3 down 0
ابونادر4647 285
قبل 6 سنه و 3 شهر



حياك يابو نادر وحنا بهالمنتدى نستفيد من الجميع ونفيد بما نعرف

وأنا أكثر القطع اللي إشتريتها من الموزعين وليس من الوكاله نفسها ولاأعلم إذ أسعار الوكاله تختلف عن الموزعين أو لا

المضحك أن أكثر القطع تنتهي برقم 70 

خذ مثال كلتش المروحه بـ 570 

وريشة المروحه بــ 270 

بعض المرات أضحك على هالصدفه

وأقول يمكن الأسعار يحطها شايب كبير ومخرف الموظفين يقولون الفحمات ب 200 ويزود الشايب وسبعين

والكلتش بــ 500 ويزود الشايب وسبعين 

وعلى هالموال ... والله يخارجنا من غلاء الأسعار




up 0 down 0
ابــو ســنــد 10639
قبل 6 سنه و 3 شهر



بيض الله وجهكم..فردا فردا...اشهد بالله ماقصرتم.

وانا حقيقه معجب جدا بالباترول...لكن مشكلته انه مهو منتشر بالمدينة عندنا.

كنت افكر بالفورتشنر...بس غالي وضيق.


اكرر شكري..ونطمع بالمزيد من المعلومات....نستفيد منها ويستفيد منها من يبحث عنها بعدنا.


up 0 down 0
المسلم اخو المسلم 417
قبل 6 سنه و 3 شهر



رجال بطل الدروب ماقصروا
ويعلم الله لو عندي فلوس اشتري باترول الجديد وانا مغمض
هيبة ورزة وقوة وتحسه انه متكامل وهو بالشارع عكس التايوتا تحسها غلط بتركيبتها


up 0 down 0
ابو عبدالله احمد 3508
قبل 6 سنه و 3 شهر