موقف طريف حصل لي _ شاركنا بموقف طريف حصل لك _ نرجوا التفاعل
46
12
إضغط هنا للإخفاء
السلام عليكم ورحمة الله وبركاته
مسائكم الله بالخير جميعا
هذا موقف طريف حبيت أذكره ونبدل الجو من الرسميات الى البساطه " بما انه يوم خميس
______
وقف اخوي عند مطعم وكان على يميني سياره وعلى يساري سياره
المهم إننا يوم وقفنا " نزل اخوي من السياره على طول " والسيارتين اللي على اليمين وعلى اليسار رجعوا مع بعض في نفس الوقت
واحسب إن سيارتنا قاعدة ترجع و أنا تشنجت في المرتبه وقلبي يدق بقوه
واقول ياوووولد ياووووولد الحق السياره ههههههههههههههه
وكان القزاز مفتوح حقي وحق اخوي
وسمعني وقالي وش فيك يامريض وأنا متعلق في الجلنط قاعد أسحب فيه أسحب فيه ولا يمسك لإني أشوف إن السياره لا زالت ترجع ههههههههههههههههههههههههههههههههههههههه واقوله الحق الحق السياره ترجع وما تمسك
وأنبطح وأمد جسمي من على مرتبة الراكب الى مرتبة السايق " وأدخل عند رجول السواق [ اعزكم الله ] وأضغط الفرامل بيدي على الاخير واطلع راسي أشوف , الا والسيارات اختفت قلت بس عدنا بوسط الشارع العام و الحين بيجي واحد ويصدمنا من على الابواب
وازيد ارجع بسرعه وادخل الفرمله للاخير لين يدي كانت بتطلع من الصدام
ويجيني اخوي من القزاز وانا داخل عند الرجول ارافس واضاغط فالفرامل ويقول لي ( الله لا يبلانا ) هههههههههههههههههههه
واطالع يميني ويساري الا احنا بالمواقف والسيارتين اللي كانوا جنبي هم اللي مشوا وانا احسب السياره كانت ترجع
كيف الاحراج بس ههههههههههههههههههههههههه
أتمنى إن الموقف نال على رضاكم
______________________
وانت بعد " أذكر لنا موقف طريف حصل لك او حصل لأحد تعرفه , وشاركنا بالتعليقات
إبلاغ
يوم صحى كان فيه شاحنه قدامه موقفه قام يخبط ويربط فرامل يحسب انه رقد والسيارة تمشي
وبس والله تبي تحط لايك بكيفك
قبل 9 سنه و 11 شهر