استفسار لأصحاب الاكستيرا؟

باختصار الاكستيرا ما يعرف الخراب الا من سوء الاستخدام

انا اشوفه ببريده كثيررر وتطعيس ومقاومات 
جربته بالنفود موتر نشيط بالحيل 
كل سيارات نيسان شبه ميته او ميته من الوكيل

شوف من ناحية القطع بتحصلها في الوكاله لكن نااار

وإن بغيت تشليح صعب جداً تحصله بالتشليح

وانا مجرب وتوبة آخذ سياره غير منتشره بين الناس

من رايي خذ سياره كثيره بين الناس 

لو بغيت قطع تشليح لو بغيت صيانه يعرفون لها لو بغيت قطع تجاريه تحصل

السياره نظيفه ما أختلفنا

لكن لا سمح الله تصدم عليها والله ان تتعبك قطعها

طفشتونا قطع غيار نسيان غاليه والله ماهي غاليه ولاشي  عندي مكسيما جاني واحد يقول الله يعينك المساعد ب3 الاف قلت مين قالك  مشتريه ب520 ريال 
الناس تسمع ولا تدري نيسان تعيش وماتخرب الا من سوء الاستعمال  شمعة الازيرا فوق 3000 ريال  المكس 1900 زينون 

بدام تبي موترين  خذ فوريتشر  انسى انه يخرب بسرعه . قطعه رخيصه ورتاح صح انه شوي وعر 

الاكستيرا موتر لا يعلى عليه ما يعرف يوقف بالنفود من قوته .. انا بخاطري قبل 3 شهور اشري ربع 14 ولكن قدر الله ولا شريته 
قلت اخذ اكستيرا والشكوى لله .. صراحه جربته سواقته بس متعة قريب لي معي اكستيرا اخذته منه قبل اشتري موتري جربته بالبر 
الصراحة نشاط وقوة وهيبة وراحة يكفيك انه الربع والشاص والاف جي والاندكروزر ال6 سلندر ومواتر كثير بالخط اروح عليهم 
وهو 6 سلندر 4000 سي سي بس انه 291 حصان 
انا من الرس واروح لجامعة القصيم تقريبا ساعة الطريق وصراحة عزل ممتاز وراحة 

اذا جازم عليه بعطيك فئة ممتازة ورخيصة الي هي T25 تقريبا نفس الفل 

دفلك \ نزول منحدرات \ جنوط الاوف رود .. الجنوط ذي زي جنوط اف جي 14 ما تلقى مثله بالسوق ابد لا اصلي ولا صيني مسيومات من ب 5200 
دعاسات \ وفيه قير عادي واوتوماتيك .. الفئة ذي اقل من النص فل واعلى من الستاندر .. على وقته يوم اشريه من العيسى ب 110500 مع لوحات وتامين 

انا نصحتك وعلمتك باللي اقدر عليه وانت واختيارك .. استخر انت وشف وش ربك كاتبه لك 

وترا قطع غيارة رخيصة بالحيل الفحمات الاربع ب 240 واغلى شي من القطع الصدامات بس والباقي رخيص وعموم النيسان قطعه رخيصة .. ولا تصدق كل من قالك غالية وابعد عن الموتر ويقولك ضعيف ومشاكل وهو ما جربه .. او انه مجربه بس رجله حارة شوي وتلقاه يلعنه لعن 

اذا ماجزمت على التاهو خذلك اكستيرا جديد او مستعمل والجديد سعره يبدأ من 82 الف وشوف كيف انتشاره بالقصيم والرياض وحايل واحكم عليه .. وبحاول اذكر لك مزاياه وعيوبه بكل صراحة :

1/ اذا جيت للقوة والعزم تراه 6 سلندر 292 حصان ويعتبر اقوى جيب بالفئة حقته على الاطلاق مثل ( الفورتشنر + الاف جي + البرادو + الباجيرو ) اما الباقي مثل الشيروكي مدري عنه 

2/ موتر مجرب ومعروف من 2006 يعني له 8 سنوات مب مثل المواتر اللي ماجت عندنا الا متأخرة ( اقصد الجيوب الصغيرة المخصصه للمدن وليس الصحاري والمعروفه بفئة الكروس اوفر )   

3/ عيبه الوحيد بالسياحي هي الكارونه ( بالقير العادي فقط ) لان كارونه التمتيك مختلفه 180 درجه .. ومتى تخرب الكارونه ؟ اذا مسكه ورع وفجر امه بالمزاعق والمقاومات من الصفر .. اما المقاومات من سرعه 40 وفوق ماتأثر عليه مثله مثل ربع التويوتا

4/ لاتصدق اللي يقولك ماتلقى احد يعرفله ؟ اي ورشه تعرف للفتك تلقائيا تعرف لخليفته الاكستيرا ؟ والورش المتخصصة بالفتك والنيسان بشكل عام كثيرة  .. وانت متى تحتاج لورشه متخصصه اصلا ؟ اذا جاك خراب كايد مثل الكارونه وهذي ماتجيك الا بالقير العادي فقط زي ماذكرت ؟ اما باقي الخرابات البسيطه زي الفحمات والمساعدات ذي اي ورشه تصلحها 

5/ بعض الاحيان تشوفه يردح بالخط ؟ والسبب ان تعليقه الخلفي سست ؟ كل اللي عليك تفك السست وتركبله يايات استراليه نوع جابرييل اغلى شي يوصل 400 ريال للحبتين .. لكن لاتخاف من هالناحيه تراه اريح من الفورتشنر ( مجربه شخصيا ) وللتوضيح السست تجي بالسياحي والنص فل سواء قير عادي او تمتيك .. اما الفل كامل فئة ( اوف رود ) يجي مساعدات بلستين غاز شد بلد 

6/ قطع غياره الاستهلاكيه رخيصه مثل الفحمات بـ 250 ريال .. اما غير الاستهلاكيه تعتبر مناسبه الى حد ما ( لاتنسى انه جيب مب سيارة صغيرة ) ولاتصدق اللي يقولك غالي ؟ رح لاقرب محل قطع غيار النيسان واستفسر عنه ؟ اهم شي عليك هي القطع الاستهلاكيه وانا اخوك واترك كلام الناس  .. الحين شمعه الالنترا الوحدة بـ 2500 ريال ومع هذا تعتبر من اكثر السيارات انتشارا بالسعوديه ؟ عمرك شفت راعي ألنترا يشكي من الشمعات ويقول انه يغيرها كل شهر ؟؟؟

بيض الله وجيهكم فردا فردا....وتم تقييم الجميع.

ووالله اني للان محتار...لكني ارتحت لها كثير بعد كلامكم....لاني ابيها سيارة للبر ولا افكر ابيعها...بس بقي اجربها واسأل عن صيانتها وقطع غيارها..وفرق السعر بينها وبين الفورتشنر...اذا الفرق جامد توكلنا ع الله.

طع شوري وانا اخوك قسم ان تدعي لي اذا شريته وترتاح بالخط وبالبر وخفيف قوة الفرق بينه وبين الربع 80 كيلو بس الربع 2020 والاكستيرا 2100 

عزم نشاط قوة .. هيبة الامريكي 

^^^^

الله يحفظك...والله للان متردد..المشكلة حصلت موضوع واحد في بريدة ويقول لي اسبوعين ادور عكس للاكستيرا لاتشاليح ولا وكالة....فالاخير سواها بالمخرطة....!! هذا وهو في بريدة ويعتبر انتشاره اكثر من المدينة...!

جزاكم الله خير هلا بعيال

السلام عليكم ورحمه الله وبركاته
ياشباب الله يجزاكم خير مطلوب 
دفرنس اكستيرا قير عادي خلفي ٢٠٠٨
او كرونه 
وجلد الشكمان