ابغا ازود مكينة فتك قير عادي الي عنده خبره يدخل

ركب مكينة لكزس 400 قيمتها بحدود 3000 ريال النظيفه وتتحمل وتطلع العزم قوي

كثير يرهمونها على الجيوب تطلع صوتها ناعم وعزم قوي ورخيصة 

ممكن التحويل كامل يكلفك 10 الاف ريال المكينه مع باقي القطع وتطلع اقوى وافضل من مكينه البلد

بخصوص اللي يقول مكينة اللكزس تركب بحدود 10 اقوله غلطان اقل واحد من الكراجات الكويسة يركبها ب18 والمكينة ذي قوية للمقاومات لكن للتطعيس ضغيف التورك حقها لكن الفتك قوية لكن بخصوص انك بتعدل فل هيد ب20 مستحيل اذا الكمبيوتر موتيك بحدود 7000 فمابالك بباقي القطع وراك كام وبساتم والخ نصيحة اذا ماكنت تعرف لذا المجال بتضيع وخاصة لا دفعت 30 الف على مكينتك وجاك واحد مكينة LS1 وشوي اضافات وينتفك ويجيب رقم أحسن منك في الداينو خل مشروعك 6 شهور نظري تسأل أحسن نوع للكام وأحسن نوع لباقي القطع ومر كذا كراج لين توصل للرقم اللي تبغاه

وعليكم السلام ورحمه الله وبركاته




هالتك + برمجة من الخضير 5000 اذا مو من عند الخضير زد عليها 500 برمجة
هدرز اذا سويدي من عندنا 1200-1500 ريال من السويدي نفسه بالامارات 900 ريال (بدون اجور التركيب )
فلتر + انتيك وبيت فلتر حدود 500 ريال تقريباً احتمال تزود




نجي لقطع التوضيب
القطع بلد مع اجور اليد من 9000 إلى 11000 
ومو الكل يضبط مكائن الفتك الا احد متخصص وفاهم للنيسان والفاهمين عندنا اسعارهم طايره
لكن خلنا نقول 10 مثلاً مع الحسبة اللي فوق  للهوائيات وصلنا لنهاية الميزانية 
مشكلة قطع تزويد المكائن اليابانية نار الله الموقده غاليه ماعتقد بميزانيتك يمديك على الاستروكر




انا اقول وضب قطع بلد وخلك على الهالتك والهوائيات ترا فيه بركه وتطرب
وان كانك بتزود ميزانيتك شوي ركب عامود رياضي عامود الفتك اتوقع بحدود 5000 جديد والله اعلم ماني متأكد بس بهالحدود
وتلقى مستخدم على الشرط بأقل من 5000 
ان شاء الله الاخوان لو غلطه بشي يصححون من ناحيه الاسعار ترا علمي قديم بالفتك
بالتوفيق للجميع

بيض الله وجيهك عزالله انكم ماقصرتو
انا شاري كمبيوتر هالتك 1000
يعني الميزانيه ٢٠٠٠٠بدون كمبيوتر
في اقتراح اني اخذ راس مكينة فتك واعدل عليه كامات مع اغراضها وحفة .50 وبوردنق
وكلتش رياضي
لاكن المشكله ما اعرف الاسعار وين الورشة الزينه الي تظبط الشغل
ويخصوص مكينة اللكزس اقوا مستحيييل مكينة اللكزس الي يركبونها موديلها 97 قوتها ٢٥٠
حصان وزين اذا جابتها 
لو برهم مكينة ثانية برهم 6 لتر
والله الموفق
وحياكم. 

بخصوص اذا بتركب مكينة 6.0 فهي برضة مجنونة وحقت استخدام ومركبها واحد من العيال على ربع باترول وماقدر يجيبنا كابرس 2013  فما بالك مع قير ودفرنش الفتك بتطلع مجنونة ﻻنها تمد معك

اقول ياحبكم للخرابيط والتبذير الي ماله سنع ٢٠ الف حطها لك في مشروع تستفيد منه وخل موترك شد بلده ويبي يطلعك من الغراز ويبي يطربك بهداوه وبدون تلعنه وتمش علا هونك ومالك ومال الخساير تحرق فليساتك وتحرق موترك

ركب مكينه لكزس مجنونه وفيه سعودين يضبطونها لك
ما تاخذ 4 ايام مع الفك والتركيب مع تغير القطع حذاف و و و ب 18 الف
مكينه كابرس ماتتحمل وﻻهي بخدموه مثل الكزس
بس اذا مثلا بغيت تغير شئ او تركب ﻻزم تروح لناس فاهمين
فيما بعد

يقولك مكينه فتك يقول ركب لكزس خخخخخخخخ

ترا زي الي سيارته بورش ويقوله ركب مكينه صني 

الفتك مكينه جباااره

اللكزس التورك ضعيف جدا

من تشغل الدبل طاح نص العزم

على الاسفلت كويسه بس نفود دمار

عموما شف منتدي جراف تلقا ناس فاهمه صح

ياشباب انا مالي بتبديل المكينه
( واحد عرض علي فتك نظيف لاكن مبوش بسعر مغغغغغغري وشريته )
موديله ٢٠٠٤ فل قير عادي ب١٩٠٠٠ )
ف٢٠٠٠٠ ماعي خساره فيه يعني يطلع علي ب٤٠٠٠٠ قيمة السياره + قيمة التزويد
وحياكم الله. 

هذا يا تركب له مكينة كابرس او جمس مع بعض التعديلات عشان يحرث لك الارض

انا بصراحة مالي في التعديل مررة وما تعمقت فيه يعني ما اعرف الا تعديلات خفيفة ، لكن اذا انت معزم على التعديل انصحك تشوف منتديات متخصصة للباترول والتعديل هناك بيفيدونك وش افضل الاشياء اللي ممكن تركبها ب 20 الف وتخلي الموتر طرب


تقبل مروري

ودها الامارات كراج تعديل يعدلونها لك مكينه لكزس 430 وقير وكمبيوتر 12 الف هذا واحد من العيال مرهم متوتره وهو بقصيم وده الامارات 

يقول صاحب الكراج اماراتي اذا خربت مكينه جبها سطحه من سعوديه الى دبي وبنصلحها لك مجانا وتاخذ فلوسك معك  الرجال موتره ربع سفاري 96

ماينصحون شغل الامارات ﻻنهم يركبون على المكينة على كراسي الوكالة وهذا غلط على العموم انا نصيحتي لك اذا بتركب 6.0 فل هوائيات وبرمجة بتعجبك ان شاء الله وان بغيت تبيع المكينة وﻻ الموتر ترا يمكن اشريه والله يطعمك خيره ويكفيك شره

انا فيه شغله لاحظتها عند الكباتن عندنا شغلتهم يعيب شغل الامارات والله قبل فتره مريت اكثر من واحد اغلب الكباتن والمشهورين لقيت عندهم العماله جايبهم من الامارات كانو العمال يشتغلون في التعديل ويجيبه هنا ويشتغل عنده يعني بالعقل تعيب الامارات وانت جايبهم عندك