أضف سؤال أو موضوع جديد          

مفتاح السياره السبير امانه عليك

up 30 down 6
faisal2002 892
قبل 7 سنه



لسلام عليكم ورحمة الله وبركاته . بختصر الموضوع عشان ما اطول عليكم الحين الواحد يبيع سيارته ولا يعطي الى باعه السبير الى هو المفتاح اثاني طيب ليش وش تستفيد اذا خليته عندك وهو من جاي مع السياره اصلن عطه الي بعته يستفيد منه بدل ماتخسره يقص مفتاح ثاني وبرمجه اتمنا من كل واحد يبيع سيارته يعطي الى شراء منه اغراضها خل اخوك المسلم يستفيد منها . ملاحظه الموضوع مكرر لئني اشوف كثيريعرضون اسبيرللبيع الى هو المفتاح والله الي بعته احق فيه ويعتبر من ظمن حقه اتقى الله اخي المسلم بارك الله لك في مالك وصحتك انصحكم وانصح نفسي الله يحفظ المسلمين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اي والله مابستفيد منه شيء وبيخسرة حول 300 ريال وانت مابتسفتيد منه شيء وهو جاي مع السيارة اصلن حرام تخليه معك سلم لي السيارة زي ماهي وعطني المفتاح الاسبير اذا هو معك .. 

والله يعين


up 4 down 0



هاذا بأمريكا واناخوك تشتري السيارة موديل 1996 يجي معها 3مفاتيح هههه
أما هنا الوكالة أحيان يزرفك
الله يهديهم



up 13 down 0



لك احلى تقيم اخوي فيصل


up 2 down 0



> وبعضهم ياخذ شنطة السلامة ومفك الكفرات 
ويقول لك من شريت السيارة كذا وهو كذاب مخليها عنده 


up 5 down 0
w.asa 2027
قبل 7 سنه



انا الوكاله ابو لطفي عطاني مفتاح واحد ريموت اوريون 07

شريت هلي مستعمل ومعه مفتاحين
اخر سياره مفتاح ومالقيت لاعفريته ولاعده ههه يارجال جلطني مانتبهت غير بعدين 


up 2 down 0
منخشق 674
قبل 7 سنه



الله يحفظكم جميع ولكم احلى لايك مشكور شبل بالحارث


up 3 down 1
faisal2002 892
قبل 7 سنه



صحيح كلامك بس اتوقع اغلبهم يضيع منه ولو موجود كان احضرة ليزيد من رغبة السيارة


up 4 down 1
شليطيح 5018
قبل 7 سنه



انا من الناس اللي هم ضحايا اخذت ولله الحمد النترا 2013 ومعاها مفتاح واحد ومقطع الله ﻻيوريك وبعد فتره انعدم مرا 
ورحت زينتلي واد كلفني 200 
والحمد لله


up 1 down 1



انا متورط بسبب هالحركه


up 1 down 0
ليزو 481
قبل 7 سنه



 انا خسرت3الف والسبب شريت موتر وصاحبه عطاني النسخه اللي لونه فضي والاصلي اللون الاسود  
قالي عندي بالبيت بعد ماشريت جلس يسحب علي لمدة شهرين وبالاخير قالي ماعندي لك شي
واللي خوفني اكثرفي يوم من الايام لقيت صاحب السياره السابق جالس عندي موتري مما زاد الشك فيه ،،
كلمة الوكاله ابيهم يغيرون لي دقمة السلف مع الابواب قالو راح تكلفك حدود 7الف
والسياره راح تطول عندنا ،، بالاخير مشيت لمحل مفاتيح وغير السنه حق الدقمه مع الابواب 
وعمل 2مفاتيح اصلي مع برمجتهم وتم الغاء مفتاحها  القديم حتى لايتم تشغيلها من مالكها السابق 
وهذا الشي كلفنا حدود 3الف 




up 5 down 2
abo.reetag 60
قبل 7 سنه



بعضهم من الاهمال فيه تلقى الموتر ايجار منتهي بالتمليك وتعرفون مايعطونك الا مفتاح واحد تلقاه خلص الموتر وكيشه وكل شي ولا راح ياخذ المفتاح الثاني ولا الحديدة من الفهاوه وتقول له مثلن ورا ماتاخذها ترى بتحتاجها بعدين

يقول وشوله مفتاح واحد يكفي ، طيب فكر يا ذكي بكره يمكن ذا المفتاح يضيع ممكن ينكسر ممكن ينصك عليه والموتر يشتغل مثلن ، وين بتجيب مفتاح منه ؟؟؟ بتظطر تكسر قزازة وحالتك حالة ويبيلك جلبة وبيصير تنسيم هواء الخ ...


ليه كل هالعبالة والحل في يدك ومايكلفك شي من المال والوقت

وحتى لو مثلن اخذت موتر ايجار منتهي بالتمليك وكملت اقصاده تعرف راعيها مهب معطيك الا مفتاح واحد لأن ماعنده الا هو خلك احرص منه وقص مفتاح لو يكلفك 500 ريال عادي اهم شي ترتاح نفسيا عندي سبير بكره ولا بعده احتجته ولا احتاجوه اهلي الخ ...

ارجوا الحرص يا اخوان على هالموضوع والله يجزاك خير ياصاحب الموضوع ذكرتهم


up 1 down 0
a.ibrahem 3169
قبل 7 سنه



اشتريت لكزس 2009 مفتاح السبير ماهو معاه الله يعيني انسخ له مفتاح
وترى الموضوع ليس مجرد كسر زجاجة يمكن يضيع المفتاح وتظطر تشيل السيارة بسطحة
وتسوي مفتاح جديد وقروشة طويلة عريضة



up 1 down 0
أأبو نوااف 1641
قبل 7 سنه



السلام عليكم للجميع بعت سيارتي والسبير كان معي بالبيت ودق علي الي شراء السياره وقالي ابي المفتاح الثاني وقلت له أبشر وتواعدنا بمكان وعطيته المفتاح الي انا استغرب منه وش بيضرك لو عطيته المفتاح الثاني الي شراء السياره بيجيك لحد بابك بياخذ السبير بس بعض الناس يحسب الي يسويه حركت ذيابه انه باع الموتر ولا عطاه السبير عشان يبيعه 200 ولا 300 والي شاري السياره تلقاه خسران دبل ال 200 ولا 300 عشان يقص مفتاح ثاني 


up 2 down 0
تركي بن خلف -58
قبل 7 سنه



اخوي الموضع مكرر قيد نزله واحد من الاعضاء قبل سنه قبل امس قاريه


up 0 down 5
..ن.. 10
قبل 7 سنه



منخشق << ههههه سلامات وش اللي خاشقك ؟؟ ههههه
نفس الشي صار معي شريت سيارة بمفتاح ريموت واحد بس، والسيارة يجي معها مفتاحين ريموت ومفتاح للدرج.
ما انتبهت إلا بعد فترة.
والحمد لله ما احتجت أغير كفر بخط لأني لقيت حتى عفريته ويد عفريته ما فيه.


يا رجال فيه ناس قبل يبيع السيارة يفك الجنوط والشاشة والزينون ويخلي المفتاح الثاني واللوحة اذا فيها شي من التميز
 وكل وحدة يبيعها لحالها


up 2 down 0
w1w1 2206
قبل 7 سنه